Lulu Group Hosts Reception for New Jersey Governor in Abu Dhabi

അബുദാബിയിൽ ലുലു ഗ്രൂപ്പ് ചെയർമാൻ എം.എ. യൂസഫലിയുടെ നേതൃത്വത്തിൽ ന്യൂ ജേഴ്സി ഗവർണർ ഫിൽ മർഫിക്കും പ്രതിനിധി സംഘത്തിനും സ്വീകരണം നൽകി. യുഎസ്-യുഎഇ വാണിജ്യ, നിക്ഷേപ സാധ്യതകൾ ചർച്ച ചെയ്തു. ഭക്ഷ്യ സംസ്കരണ കയറ്റുമതിയിലെ ലുലു ഗ്രൂപ്പിന്റെ പ്രവർത്തനത്തെ ഗവർണർ പ്രശംസിച്ചു. ലുലുവിന്റെ പദ്ധതികൾക്ക് പിന്തുണ വാഗ്ദാനം ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യുഎഇ വിദേശ വ്യാപാര സഹമന്ത്രി ഡോ. താനി ബിൻ അഹമ്മദ് അൽ സെയൂദി, യുഎഇയിലെ അമേരിക്കൻ അംബാസഡർ മാർട്ടിന എ സ്ട്രോങ്ങ്, അമേരിക്കൻ എംബസി ഉദ്യോഗസ്ഥർ തുടങ്ങിയവർ ചടങ്ങിൽ പങ്കെടുത്തു. ന്യൂ ജഴ്സിയിലെ പ്രധാന നിക്ഷേപകരായ ലുലുവിന് സംസ്ഥാന സർക്കാരിന്റെ പിന്തുണ ഉറപ്പാക്കുമെന്ന് ഗവർണർ വ്യക്തമാക്കി. ഏറ്റവും ഫലപ്രദമായ ചർച്ചയാണ് നടന്നതെന്നും അദ്ദേഹം കൂട്ടിച്ചേർത്തു.

ചൂസ് ന്യൂ ജഴ്സി ചീഫ് എക്സിക്യൂട്ടീവ് ഓഫിസർ വെസ്ലി മാത്യൂസ്, വാഷിംഗ്ടണിലെ യുഎഇ എംബസി ഉദ്യോഗസ്ഥർ എന്നിവരും ചടങ്ങിൽ സന്നിഹിതരായിരുന്നു. ന്യൂ ജഴ്സി വൈ ഇന്റർനാഷണലിലെ ജീവനക്കാർക്ക് യാത്രാ സൗകര്യമൊരുക്കുന്ന പുതിയ ലിൻഡ്ഹർസ്റ്റ് ട്രെയിൻ സ്റ്റേഷൻ ഉടൻ തുറക്കുമെന്നും ഗവർണർ അറിയിച്ചു.

യുഎസ്സിലെ ചെറുകിട, ഇടത്തരം കമ്പനികളുടെ ഉൽപ്പന്നങ്ങൾക്ക് ലുലു ആഗോള വിപണി ഉറപ്പാക്കുന്നുണ്ടെന്ന് എം.എ. യൂസഫലി പറഞ്ഞു. യുഎസ്സിലെ ഭക്ഷ്യ സംസ്കരണ കയറ്റുമതി മേഖലയിൽ ലുലു ഗ്രൂപ്പ് മികച്ച നിക്ഷേപം നടത്തിയിട്ടുണ്ടെന്നും അദ്ദേഹം വ്യക്തമാക്കി.

ആപ്പിളിനും മെറ്റയ്ക്കും കോടികളുടെ പിഴ ചുമത്തി യൂറോപ്യൻ യൂണിയൻ

ലുലു സിഇഒ സെയ്ഫി രൂപാവാല, ചീഫ് ഓപ്പറേറ്റിംഗ് ആൻഡ് സ്ട്രാറ്റജി ഓഫിസർ സലിം വി.ഐ, ലുലു ഗ്ലോബൽ ഓപ്പറേഷൻസ് ഡയറക്ടർ സലിം എം.എ തുടങ്ങിയവർ ചടങ്ങിൽ സംബന്ധിച്ചു. ഗ്ലോബൽ ഓപ്പറേഷൻസ് ഡയറക്ടർ ആൻഡ് ചീഫ് സസ്റ്റൈനബിലിറ്റി ഓഫിസർ മുഹമ്മദ് അൽത്താഫ്, ബുർജീൽ ഹോൾഡിങ്സ് സ്ഥാപകനും ചെയർമാനുമായ ഡോ. ഷംഷീർ വയലിൽ എന്നിവരും പങ്കെടുത്തു.

Story Highlights: Lulu Group Chairman M.A. Yusuffali hosted a reception for New Jersey Governor Phil Murphy and his delegation in Abu Dhabi, discussing US-UAE trade and investment opportunities.

ലുലു റീട്ടെയിൽ നിക്ഷേപകർക്ക് 85% ലാഭവിഹിതം പ്രഖ്യാപിച്ചു