Lolly: Malayalam film with animated fly as lead character

മലയാളത്തിൽ പുതിയൊരു ഹൈബ്രിഡ് ചിത്രം ‘ലൗലി’ തിയേറ്ററുകളിലേക്ക് എത്തുകയാണ്. ഫാന്റസി കോമഡി ഡ്രാമയായി ഒരുങ്ങുന്ന ഈ സിനിമയിൽ നായകനായി മാത്യു തോമസും നായികയായി ഒരു ആനിമേറ്റഡ് ഈച്ചയും എത്തുന്നു. സംവിധായകൻ ദിലീഷ് കരുണാകരന്റെ നേതൃത്വത്തിൽ ഒരുങ്ങുന്ന ഈ ചിത്രം ത്രീഡിയിലാണ് പ്രദർശനത്തിനെത്തുക.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചിത്രത്തിലെ ആനിമേറ്റഡ് ഈച്ചയുടെ സീനുകൾക്ക് 45 മിനിറ്റോളം ദൈർഘ്യമുണ്ട്. 51 ദിവസത്തെ ഷൂട്ടിങ്ങിനു ശേഷം 400 ദിവസത്തിലേറെയായി പോസ്റ്റ് പ്രൊഡക്ഷൻ ജോലികൾ നടന്നുവരികയാണ്. നായികയായെത്തുന്ന ഈച്ചയ്ക്ക് ശബ്ദം നൽകിയിരിക്കുന്നത് നടി ഉണ്ണിമായ പ്രസാദാണ്. അടുത്ത വർഷം ജനുവരിയിലാണ് സിനിമയുടെ റിലീസിന് പദ്ധതിയിട്ടിരിക്കുന്നത്.

‘ടമാർ പഠാർ’ എന്ന ചിത്രത്തിനു ശേഷം ദിലീഷ് കരുണാകരൻ തിരക്കഥയൊരുക്കി സംവിധാനം ചെയ്യുന്ന ഈ ചിത്രം വെസ്റ്റേൺ ഗട്ട്സ് പ്രൊഡക്ഷൻസിന്റെയും നേനി എന്റർടെയ്ൻമെന്റ്സിന്റേയും ബാനറിൽ ശരണ്യ സി. നായരും ഡോ. അമർ രാമചന്ദ്രനും ചേർന്നാണ് നിർമ്മിക്കുന്നത്. മാത്യു തോമസിനെ കൂടാതെ മനോജ് കെ.ജയൻ, ഉണ്ണിമായ, കെ.പി.എ.സി ലീല തുടങ്ങിയവരാണ് ചിത്രത്തിൽ പ്രധാനവേഷത്തിലെത്തുന്നത്. ഛായാഗ്രഹണം നിർവഹിക്കുന്നത് സംവിധായകൻ ആഷിഖ് അബുവാണ്. വിഷ്ണു വിജയ് സംഗീത സംവിധാനവും കിരൺ ദാസ് എഡിറ്റിംഗും നിർവഹിക്കുന്നു.