മലയാളികൾ ഏറെ ആവേശത്തോടെ കാത്തിരിക്കുന്ന ചിത്രമായ ‘ചിത്തിനി’യിലെ പുതിയ ഗാനം പുറത്തിറങ്ങി. ഈസ്റ്റ് കോസ്റ്റ് വിജയൻ സംവിധാനം ചെയ്യുന്ന ഈ ചിത്രത്തിലെ ‘ലേ…ലേ..ലേ…’ എന്ന് തുടങ്ങുന്ന മനോഹരമായ ആഘോഷഗാനമാണ് പുറത്തുവന്നിരിക്കുന്നത്. യുവ സംഗീത സംവിധായകൻ രഞ്ജിൻ രാജിന്റെ ഈണത്തിൽ ഗായകൻ സുഭാഷ് കൃഷ്ണയും അനവദ്യയുമാണ് ഈ ഗാനം ആലപിച്ചിരിക്കുന്നത്.
ഹൊറർ ഫാമിലി ഇമോഷനൽ ത്രില്ലർ വിഭാഗത്തിൽ ഒരുങ്ങുന്ന ‘ചിത്തിനി’ ഈസ്റ്റ് കോസ്റ്റ് കമ്മ്യൂണിക്കേഷൻസാണ് നിർമ്മിക്കുന്നത്. അമിത്ത് ചക്കാലക്കൽ, വിനയ് ഫോർട്ട്, മോക്ഷ എന്നിവരോടൊപ്പം പുതുമുഖങ്ങളായ ആരതി നായർ, എനാക്ഷി എന്നിവരാണ് മുഖ്യ കഥാപാത്രങ്ങളെ അവതരിപ്പിക്കുന്നത്. നൂൽപ്പുഴയെന്ന വനനിബിഡമായ ഗ്രാമത്തിലെ ചിത്തിനിയെന്ന യക്ഷി വിഹരിക്കുന്ന പാതിരിവനത്തിന്റെ പശ്ചാത്തലത്തിലാണ് ചിത്രത്തിന്റെ കഥ വികസിക്കുന്നത്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
