കുവൈറ്റിലെ സെവൻത് റിങ് റോഡിൽ ഉണ്ടായ ഗുരുതരമായ വാഹനാപകടത്തിൽ ആറ് ഇന്ത്യൻ തൊഴിലാളികൾ മരണമടഞ്ഞു. പത്ത് പേർ സഞ്ചരിച്ചിരുന്ന വാഹനത്തിൽ മറ്റൊരു വാഹനം ഇടിച്ചതാണ് അപകടത്തിന് കാരണമായത്. ഇടിയുടെ ആഘാതത്തിൽ വാഹനത്തിന്റെ നിയന്ത്രണം നഷ്ടപ്പെട്ട് പാലത്തിൽ ഇടിക്കുകയായിരുന്നു.
മരണമടഞ്ഞവരിൽ ബീഹാർ, തമിഴ്നാട് സ്വദേശികളാണ് ഉൾപ്പെട്ടിരിക്കുന്നതെന്നാണ് ലഭ്യമായ വിവരം. ആറുപേരും സംഭവസ്ഥലത്തുവച്ച് തന്നെ മരണമടഞ്ഞു. അപകടത്തിൽ പരുക്കേറ്റവരിൽ രണ്ട് മലയാളികളും ഉൾപ്പെടുന്നതായി റിപ്പോർട്ടുകളുണ്ട്. മൂന്നുപേർ ഇപ്പോഴും ചികിത്സയിലാണ്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
അപകടവിവരമറിഞ്ഞ് അഗ്നിശമന സേനാംഗങ്ങൾ സ്ഥലത്തെത്തി രക്ഷാപ്രവർത്തനങ്ങൾക്ക് നേതൃത്വം നൽകി. പരിക്കേറ്റവരെ ഉടൻ തന്നെ ആശുപത്രിയിലേക്ക് മാറ്റി. ഈ ദാരുണമായ അപകടം കുവൈറ്റിലെ ഇന്ത്യൻ സമൂഹത്തെ ഞെട്ടലിലാഴ്ത്തിയിരിക്കുകയാണ്.
