കുന്നംകുളം◾: കുന്നംകുളം യൂത്ത് കോൺഗ്രസ് മണ്ഡലം പ്രസിഡന്റിനെ പൊലീസ് മർദിച്ച സംഭവം കെപിസിസി ഏറ്റെടുക്കുന്നു. സംഭവത്തിൽ പ്രതിഷേധം ശക്തമാക്കാൻ കോൺഗ്രസ് തീരുമാനിച്ചു. നാളെ തൃശൂരിൽ എത്തുന്ന കെപിസിസി അധ്യക്ഷൻ സണ്ണി ജോസഫ് മർദനമേറ്റ സുജിത്തിനെ നേരിൽ കാണും.
യൂത്ത് കോൺഗ്രസ് പ്രവർത്തകനെ മർദിച്ച സംഭവം വലിയ പ്രതിഷേധങ്ങൾക്ക് വഴി തെളിയിക്കുകയാണ്. ഇതിനിടെ, സുജിത്തിനെ മർദിച്ച കേസിൽ പ്രതിഷേധിച്ച് യൂത്ത് കോൺഗ്രസ് പ്രവർത്തകർ പൊലീസ് സ്റ്റേഷനിലേക്ക് മാർച്ച് നടത്തി. വരും ദിവസങ്ങളിൽ പ്രതിഷേധം ശക്തമാക്കുമെന്ന് യൂത്ത് കോൺഗ്രസ് അറിയിച്ചു. ()
സുജിത്തിനെ കുന്നംകുളം സ്റ്റേഷനിലെ എസ് ഐ നുഹ്മാൻ, സിവിൽ പൊലീസ് ഓഫീസർമാരായ ശശിന്ദ്രൻ, സന്ദീപ്, സജീവൻ എന്നിവർ വളഞ്ഞിട്ട് മർദിച്ചുവെന്ന് പരാതിയിൽ പറയുന്നു. 2023 ഏപ്രിൽ മാസം അഞ്ചിന് സുഹൃത്തുക്കളെ ഭീഷണിപ്പെടുത്തുന്നത് കണ്ട സുജിത്ത് കാര്യം തിരക്കിയതാണ് സംഭവങ്ങളുടെ തുടക്കം. മദ്യപിച്ച് പ്രശ്നമുണ്ടാക്കുകയും പൊലീസിനെ ഉപദ്രവിക്കുകയും കൃത്യനിർവഹണം തടസ്സപ്പെടുത്തുകയും ചെയ്തു എന്നാരോപിച്ച് സുജിത്തിനെതിരെ പൊലീസ് വ്യാജ എഫ്ഐആർ രജിസ്റ്റർ ചെയ്തു. തുടർന്ന് ജയിലിൽ അടയ്ക്കാനായിരുന്നു പൊലീസിന്റെ ശ്രമം.
Story Highlights : KPCC President Sunny Joseph to Thrissur tomorrow
പൊലീസ് സ്റ്റേഷനിൽ സിസിടിവി ഇല്ലാത്ത ഭാഗത്ത് വെച്ച് അഞ്ച് പൊലീസുകാർ ചേർന്ന് കൂട്ടമായി മർദിച്ചുവെന്ന് സുജിത്ത് ട്വന്റി ഫോറിനോട് വെളിപ്പെടുത്തി. “കാല്പാദത്തില് ലാത്തി കൊണ്ട് അടിച്ചത് 45 തവണ; CCTV ഇല്ലാത്ത ഭാഗത്ത് വച്ച് അഞ്ച് പൊലീസുകാര് ചേര്ന്ന് മര്ദിച്ചു” എന്ന തലക്കെട്ടോടെ ട്വന്റി ഫോർ വാർത്ത നൽകിയിരുന്നു. രണ്ടര വർഷത്തിനുള്ളിൽ മാനസികമായും ശാരീരികമായും ഒരുപാട് ഉപദ്രവിച്ചിട്ടുണ്ടെന്നും സുജിത്ത് പറഞ്ഞു. സുജിത്തിനെതിരെ കേസ് രജിസ്റ്റർ ചെയ്യുന്നതിന് കുന്നംകുളം ഒന്നാം ക്ലാസ് ജുഡീഷ്യൽ മജിസ്ട്രേറ്റ് കോടതി ഉത്തരവിട്ടു. ()
വൈദ്യ പരിശോധനയിൽ സുജിത്ത് മദ്യപിച്ചിട്ടില്ല എന്ന് മനസിലായതിനെ തുടർന്ന് ചാവക്കാട് മജിസ്ട്രേറ്റ് കോടതി ജാമ്യം അനുവദിച്ചു. ആദ്യത്തെ അടിയിൽ തന്നെ ബോധം പോകുന്നതുപോലെ തോന്നിയെന്നും സുജിത്ത് വെളിപ്പെടുത്തി. വാഹനത്തിൽ കയറ്റുമ്പോൾ തന്നെ ഷർട്ട് വലിച്ചു കീറി മർദ്ദിച്ചു. സ്റ്റേഷനിലേക്ക് പോകുന്ന വഴിയിൽ വെച്ചും മർദ്ദിച്ചു.
സുജിത്തിനെ നിലത്തിരുത്തി കാലിനടിയിൽ ലാത്തി കൊണ്ട് അടിച്ചു. കാലിനടിയിൽ മാത്രം 45 തവണ അടിച്ചുവെന്നും സുജിത്ത് വെളിപ്പെടുത്തി. ചെവിയിലാണ് ആദ്യം അടി കിട്ടിയത്. ഈ അടിയിൽ കർണ്ണപുടം പൊട്ടിയെന്നും സുജിത്ത് പറയുന്നു. ()
സുജിത്ത് മുതിർന്ന പൊലീസ് ഉദ്യോഗസ്ഥർക്കും മനുഷ്യാവകാശ കമ്മീഷനും പരാതി നൽകിയിട്ടുണ്ട്.
സുജിത്ത് നടത്തിയ നിയമപോരാട്ടങ്ങൾക്കൊടുവിലാണ് പൊലീസുകാർക്കെതിരെ കേസ് രജിസ്റ്റർ ചെയ്യാൻ കോടതി ഉത്തരവിട്ടത്.
Story Highlights: യൂത്ത് കോൺഗ്രസ് മണ്ഡലം പ്രസിഡന്റിനെ പൊലീസ് മർദിച്ച സംഭവം കെപിസിസി ഏറ്റെടുക്കുന്നു, പ്രതിഷേധം ശക്തമാക്കാൻ കോൺഗ്രസ്.
ബലാത്സംഗ കേസിൽ പ്രതിയായ രാഹുൽ മാങ്കൂട്ടത്തിൽ എംഎൽഎയുടെ അറസ്റ്റ് ഹൈക്കോടതി തടഞ്ഞു. രാഹുൽ Read more
രാഹുൽ മാങ്കൂട്ടത്തിനും ഷാഫി പറമ്പിലിനുമെതിരെ ആരോപണം ഉന്നയിച്ചതിനെ തുടർന്ന് പുറത്താക്കിയ എം എ Read more
ബലാത്സംഗ കേസിൽ പ്രതിയായ രാഹുൽ മാങ്കൂട്ടത്തിലിനെ കോൺഗ്രസിൽ നിന്ന് പുറത്താക്കിയത് എഐസിസിയുടെ അനുമതിയോടെയാണെന്ന് Read more
രാഹുൽ മാങ്കൂട്ടത്തിലിനെതിരായ നടപടി ഉചിതമായ സമയത്ത് ഉണ്ടാകുമെന്ന് കെപിസിസി പ്രസിഡന്റ് സണ്ണി ജോസഫ്. Read more
യൂത്ത് കോൺഗ്രസ് നേതാവ് രാഹുൽ മാങ്കൂട്ടത്തിലിനെതിരായ വിവാദത്തിൽ യൂത്ത് കോൺഗ്രസ് വനിതാ നേതാവ് Read more
മുഖ്യമന്ത്രിയുടെ പുതിയ കാറിനായുള്ള പണം ധൂർത്താണെന്ന് യൂത്ത് കോൺഗ്രസ് സംസ്ഥാന അധ്യക്ഷൻ ഒ.ജെ. Read more
രാഹുൽ മാങ്കൂട്ടത്തിലിനെതിരായ നടപടിയിൽ ഹൈക്കമാൻഡിന്റെ നിർദ്ദേശത്തെ മറികടന്ന് കെപിസിസി നേതൃത്വം. മുൻകൂർ ജാമ്യാപേക്ഷയിലെ Read more
രാഹുൽ മാങ്കൂട്ടത്തിലിനെതിരെ ഉയർന്ന ലൈംഗിക പീഡന പരാതി കെപിസിസി സ്ഥിരീകരിച്ചു. വിവാഹ വാഗ്ദാനം Read more
രാഹുൽ മാങ്കൂട്ടത്തിലിനെതിരെ ഔദ്യോഗിക പരാതികൾ വരുന്നതിന് മുമ്പേ കോൺഗ്രസ് നടപടി സ്വീകരിച്ചിരുന്നുവെന്ന് യൂത്ത് Read more
രാഹുൽ മാങ്കൂട്ടത്തിലിനെതിരെ യൂത്ത് കോൺഗ്രസ് വനിതാ നേതാവ് രംഗത്ത്. രാഹുലിനെ പ്രാഥമികാംഗത്വത്തിൽ നിന്ന് Read more
