KT Jaleel slams Malappuram SP transfer, alleges communal bias

മലപ്പുറം എസ്പി എസ് ശശിധരനെ മാറ്റിയതിനെ തുടർന്ന് കെടി ജലീൽ രൂക്ഷമായ വിമർശനവുമായി രംഗത്തെത്തി. ഫേസ്ബുക്കിൽ പോസ്റ്റ് ചെയ്ത കുറിപ്പിൽ, മലപ്പുറം എസ്പിയെ മാറ്റിയതിലൂടെ രണ്ടാമത്തെ വിക്കറ്റും വീണെന്നും മുഖ്യമന്ത്രിക്ക് അഭിനന്ദനങ്ങളെന്നും ജലീൽ പറഞ്ഞു. ഇനി തെറിക്കാനുള്ളത് വൻസ്രാവിൻ്റെ കുറ്റിയാണെന്നും വൈകാതെ അതും തെറിക്കുമെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മലപ്പുറം എസ്. പി ശശിധരൻ സംഘി മനസ്സുള്ള കൺഫേഡ് IPSകാരനാണെന്ന് നാട്ടിൽ പാട്ടാണെന്ന് ജലീൽ ആരോപിച്ചു. മലപ്പുറം എസ്.

പിയുടെ തൊപ്പിയിലെ പൊൻതൂവ്വലുകൾക്ക് രക്തത്തിൻ്റെ മണമുണ്ട്, കണ്ണീരിൻ്റെ നനവുണ്ട്, വംശവെറിയുടെ വിഷമുണ്ടെന്നും അദ്ദേഹം കുറ്റപ്പെടുത്തി. മലപ്പുറം SP-യെ പോലുള്ള വർഗ്ഗീയവിഷ ജന്തുക്കളെ തുറന്നു കാട്ടാൻ ഇനി മടിച്ചു കൂടെന്നും നമ്മുടെ മൗനം പോലും അത്തരക്കാർക്ക് കരുത്താകുമെന്നും ജലീൽ മുന്നറിയിപ്പ് നൽകി. IPS ഉദ്യോഗസ്ഥരിൽ സംഘികളുടെ എണ്ണം വർധിക്കുകയാണെന്നും കേന്ദ്രത്തിൽ BJP യുടെ അധികാരാരോഹണമാണ് പോലീസിലെ സംഘിവൽക്കരണത്തിന് വഴി വെച്ചതെന്നും ജലീൽ ആരോപിച്ചു.

രാജീവ് ചന്ദ്രശേഖറിനെതിരെ പരാതിയുമായി മാധ്യമപ്രവർത്തക

കേരളത്തിന് പുറത്ത് നിന്ന് വരുന്ന IPS ഉദ്യോഗസ്ഥരിലാണ് മലയാളക്കരക്ക് അപരിചിതമായ വർഗ്ഗീയ ചുവയോടെയുള്ള പെരുമാറ്റങ്ങൾ കണ്ടുതുടങ്ങിയതെന്നും എന്നാൽ ക്രമേണ അത് മലയാളി IPS കാരിലേക്കും വ്യാപിക്കുന്നതാണ് നാം കണ്ടതെന്നും അദ്ദേഹം കുറിച്ചു. ഉത്തരേന്ത്യയിൽ മതം നോക്കി കുറ്റവാളികളാക്കുകയും, കേസെടുത്ത് ജയിലിലാക്കുകയും ചെയ്യുന്നത് നിത്യസംഭവമാണെന്നും എന്നാൽ കേരളത്തിലും അത്തരം സംഭവങ്ങൾ ഉണ്ടാകുന്നു എന്നുള്ളത് ഏതൊരു മലയാളിയേയും വേദനിപ്പിക്കുമെന്നും ജലീൽ പറഞ്ഞു.

Story Highlights: KT Jaleel criticizes SP S Sasidharan’s transfer, alleges communal bias in police force

മലപ്പുറം തിരൂരിൽ സ്വകാര്യ ബസ്സപകടം: എട്ടാം ക്ലാസ് വിദ്യാർത്ഥിയുടെ വിരൽ നഷ്ടമായി