KSRTC bus stranded in Gavi: 38 passengers stuck in forest

പത്തനംതിട്ട◾: കെഎസ്ആർടിസി ടൂർ പാക്കേജിലൂടെ ഗവിയിലേക്ക് യാത്ര തിരിച്ച 38 അംഗ സംഘം ബസ് കേടായതിനെ തുടർന്ന് മൂഴിയാർ വനമേഖലയിൽ കുടുങ്ങി. കൊല്ലം ചടയമംഗലത്ത് നിന്നുള്ള സംഘമാണ് ഈ ദുരനുഭവത്തിന് ഇരയായത്. സംഭവം വിവാദമായതിനെത്തുടർന്ന് മറ്റൊരു ബസിൽ യാത്രക്കാരെ മൂഴിയാറിൽ എത്തിച്ചു. യാത്രക്കാർക്ക് ഭക്ഷണവും വെള്ളവും കെഎസ്ആർടിസി ലഭ്യമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യാത്ര പകുതിയിൽ ഉപേക്ഷിക്കേണ്ടി വന്നതിനാൽ ടിക്കറ്റ് നിരക്ക് തിരികെ നൽകുമെന്ന് കെഎസ്ആർടിസി അധികൃതർ അറിയിച്ചു. സിഎംഡിയുടെ അനുമതി ലഭിച്ച ശേഷം ആയിരിക്കും ഇക്കാര്യത്തിൽ അന്തിമ തീരുമാനം. ഇന്ന് പുലർച്ചെ ചടയമംഗലത്ത് നിന്നും വിനോദയാത്രാ സംഘവുമായി ഗവിയിലേക്ക് പുറപ്പെട്ട കെഎസ്ആർടിസി ബസാണ് പതിനൊന്നരയോടെ മൂഴിയാറിലെ വനമേഖലയിൽ തകരാറിലായത്.

പത്തനംതിട്ട ഡിപ്പോയിൽ പലതവണ വിളിച്ചിട്ടും നടപടി ഉണ്ടായില്ലെന്ന് യാത്രക്കാർ പറയുന്നു. കനത്ത മൂടൽമഞ്ഞും മഴയും ആശങ്ക വർധിപ്പിച്ചതായും അവർ പറഞ്ഞു. മാധ്യമ വാർത്തകൾക്ക് പിന്നാലെയാണ് കുമളിയിൽ നിന്ന് വന്ന ട്രിപ്പ് ബസിൽ യാത്രക്കാരെ മൂഴിയാറിൽ എത്തിച്ചത്.

യാത്രക്കാരെ തിരികെയെത്തിക്കാൻ ആവശ്യമായ നടപടികൾ സ്വീകരിച്ചുവെന്ന് കെ എസ് ആർ ടി സി അധികൃതർ വ്യക്തമാക്കി. 38 യാത്രക്കാരെയും തിരികെ ചടയമംഗലത്ത് എത്തിക്കാനാണ് ആലോചന.

മുംബൈ ഭീകരാക്രമണ സൂത്രധാരൻ തഹാവൂർ റാണ 18 ദിവസത്തെ എൻഐഎ കസ്റ്റഡിയിൽ

Story Highlights: 38 passengers traveling to Gavi on a KSRTC tour package were stranded in the Moozhiyar forest area due to a bus breakdown.

വയനാട്ടിൽ കെഎസ്ആർടിസി ബസിന് നേരെ ആക്രമണം; ഡ്രൈവർക്ക് പരിക്ക്