അയ്യപ്പഭക്തർക്ക് യാത്രാ സൗകര്യം ഒരുക്കുന്നതിനായി കെ.എസ്.ആർ.ടി.സി. വിപുലമായ സർവീസുകൾ ആരംഭിച്ചിരിക്കുകയാണ്. ആദ്യഘട്ടത്തിൽ 383 ബസുകളും രണ്ടാം ഘട്ടത്തിൽ 550 ബസുകളും സർവീസ് നടത്തുമെന്ന് അധികൃതർ അറിയിച്ചു. നിലയ്ക്കൽ-പമ്പ റൂട്ടിൽ ഓരോ മിനിറ്റിലും ചെയിൻ സർവീസ് നടക്കുന്നുണ്ട്. തിരക്കനുസരിച്ച് കൂടുതൽ ബസുകൾ സർവീസ് നടത്തും. ലോ ഫ്ലോർ എ.സി, നോൺ എ.സി. ബസുകൾ ഉൾപ്പെടെ 192 ബസുകളാണ് നിലവിൽ പമ്പയിലെത്തിച്ചിട്ടുള്ളത്.
വലിയ വാഹനങ്ങളിലെത്തുന്ന ഭക്തർ നിലയ്ക്കലിൽ പാർക്ക് ചെയ്തശേഷം കെ.എസ്.ആർ.ടി.സി. ബസ്സിൽ വേണം പമ്പയിലെത്താൻ. നിലയ്ക്കലിലെ കെ.എസ്.ആർ.ടി.സി. സ്റ്റാൻഡിൽ നിന്ന് വിവിധ പാർക്കിങ് കേന്ദ്രങ്ങളെ ബന്ധിപ്പിച്ച് രണ്ട് മിനി ബസുകൾ സർവീസ് നടത്തുന്നുണ്ട്. തിരുവനന്തപുരം, ചെങ്ങന്നൂർ, കോട്ടയം, എറണാകുളം തുടങ്ങി പ്രധാന കേന്ദ്രങ്ങളിൽ നിന്ന് പമ്പയിലേക്ക് ദീർഘദൂര സർവീസുകളും ആരംഭിച്ചിട്ടുണ്ട്. ചെങ്ങന്നൂർ, തിരുവല്ല, കോട്ടയം റെയിൽവേ സ്റ്റേഷനുകളിലെത്തുന്ന തീർഥാടകരെ പമ്പയിലെത്തിക്കുന്നതിന് സ്പെഷ്യൽ സർവീസുകളും നടത്തുന്നുണ്ട്.
പമ്പയിലെ പ്രവർത്തനങ്ങളുടെ ഏകോപനത്തിനും നിയന്ത്രണത്തിനുമായി 104 ജീവനക്കാരെ കെ.എസ്.ആർ.ടി.സി. നിയോഗിച്ചിട്ടുണ്ട്. ഒരു ബസിന് നാലുപേരെന്ന കണക്കിൽ ജീവനക്കാരെയും നിയമിച്ചിട്ടുണ്ട്. മൂന്ന് മെയിന്റനൻസ് വാഹനങ്ങളും ആദ്യഘട്ടത്തിലുണ്ട്. അറ്റകുറ്റപ്പണികൾക്കാവശ്യമായ സംവിധാനങ്ങളും ജീവനക്കാരും പമ്പയിൽതന്നെയുണ്ട്. ജീവനക്കാർക്ക് വേണ്ടത്ര വിശ്രമം ഉറപ്പുവരുത്താനും ക്രമീകരണങ്ങൾ ചെയ്തിട്ടുണ്ട്. തിരക്ക് കൂടുന്നതനുസരിച്ച് കൂടുതൽ സർവീസുകൾ നടത്തുമെന്ന് അധികൃതർ അറിയിച്ചു. എന്നാൽ, ശബരിമല തീർത്ഥാടന പാതയിൽ കെഎസ്ആർടിസി ബസിന് തീപിടിച്ച സംഭവവും ഉണ്ടായി. പമ്പയിൽ നിന്നു നിലയ്ക്കലേക്ക് പോയ ബസായിരുന്നു അപകടത്തിൽപ്പെട്ടത്. ചാലക്കയത്തിനും നിലയ്ക്കലിനും ഇടയിലെ വനമേഖലയിലെ 30–ാം വളവിൽ വച്ചായിരുന്നു സംഭവം. ഡ്രൈവർക്കും കണ്ടക്ടർക്കും പരിക്കില്ലെങ്കിലും ബസ് പൂർണമായി കത്തിനശിച്ചു.
Story Highlights: KSRTC enhances bus services for Sabarimala pilgrims, operating 383 buses in first phase and 550 in second phase
ശബരിമല സന്നിധാനത്തെ ദ്വാരപാലക ശിൽപ്പത്തിലെ സ്വർണപ്പാളി ഇളക്കിയെന്ന വിവാദത്തിൽ വിശദീകരണവുമായി തിരുവിതാംകൂർ ദേവസ്വം Read more
ഓണാവധിക്ക് ശേഷം കെഎസ്ആർടിസിക്ക് റെക്കോർഡ് വരുമാനം. ഇന്നലെ 11 കോടി രൂപയാണ് പ്രതിദിന Read more
ശബരിമല ദ്വാരപാലക ശില്പത്തിലെ സ്വര്ണ്ണപ്പാളി അറ്റകുറ്റപ്പണിക്കായി ചെന്നൈയിലേക്ക് കൊണ്ടുപോയതാണ് വിവാദത്തിന് കാരണം. തന്ത്രിയുടെ Read more
ആഗോള അയ്യപ്പ സംഗമത്തിൽ സമവായം തേടി ദേവസ്വം ബോർഡ് മുന്നോട്ട്. ഇതിന്റെ ഭാഗമായി Read more
ശബരിമല യുവതീപ്രവേശന വിഷയത്തിൽ സുപ്രീം കോടതിയിൽ സ്വീകരിച്ച നിലപാട് തിരുത്താൻ സർക്കാർ തയ്യാറുണ്ടോയെന്ന് Read more
അയ്യപ്പ സംഗമത്തിന് ബദലായി ശബരിമല കർമ്മ സമിതിയുടെയും ഹിന്ദു ഐക്യ വേദിയുടെയും നേതൃത്വത്തിൽ Read more
അയ്യപ്പ സംഗമം കാലോചിതമായ തീരുമാനമാണെന്ന് തിരുവിതാംകൂർ ദേവസ്വം ബോർഡ് മുൻ പ്രസിഡന്റ് എ. Read more
ശബരിമലയിലെ സ്ത്രീ പ്രവേശന വിഷയത്തിൽ നിലപാട് മയപ്പെടുത്തുന്നതിൻ്റെ സൂചന നൽകി തിരുവിതാംകൂർ ദേവസ്വം Read more
ആഗോള അയ്യപ്പ സംഗമത്തിന് ശ്രീനാരായണ ധർമ്മസംഘം ട്രസ്റ്റിന്റെ പിന്തുണ. ശബരിമലയുടെ ഉയർച്ചയ്ക്കും വളർച്ചയ്ക്കും Read more
ആഗോള അയ്യപ്പ സംഗമം നടക്കുന്ന ദിവസം ശബരിമലയിൽ ഭക്തർക്ക് നിയന്ത്രണം ഏർപ്പെടുത്താൻ ആലോചന. Read more
