Krishnakumar's daughter faces caste abuse allegations; Employees accuse

കൃഷ്ണകുമാറിൻ്റെ മകൾക്കെതിരെ ഗുരുതര ആരോപണങ്ങളുമായി ജീവനക്കാർ രംഗത്ത്. തങ്ങളെ ജാതീയമായി അധിക്ഷേപിച്ചെന്നും അടിച്ചമർത്താൻ ശ്രമിച്ചെന്നും ജീവനക്കാർ മാധ്യമങ്ങളോട് വെളിപ്പെടുത്തി. സ്ഥാപനവുമായി ബന്ധപ്പെട്ട കാര്യങ്ങൾക്ക് ജീവനക്കാരുടെ മേൽവിലാസമാണ് ഉപയോഗിച്ചിരുന്നതെന്നും അവർ ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്ഥാപനത്തിന്റെ കാര്യങ്ങളെല്ലാം തങ്ങളെയാണ് ഏൽപ്പിച്ചിരുന്നതെന്ന് ജീവനക്കാർ പറയുന്നു. ദിയ പലപ്പോഴും കടയിൽ വരാറുണ്ടായിരുന്നില്ല. പാർട്ട് ടൈം ജോലിക്ക് പ്രവേശിച്ച ശേഷം ഓവർടൈം ജോലി ചെയ്യേണ്ടി വന്നതിനാൽ ജോലി ഉപേക്ഷിക്കാൻ തീരുമാനിച്ചിരുന്നു. പ്രസവം കഴിയുന്നത് വരെ ജോലിയിൽ തുടരണമെന്നും അതിനുശേഷം പുതിയ ജീവനക്കാരെ നിയമിക്കുമെന്നും ദിയ പറഞ്ഞതുകൊണ്ടാണ് താൻ അവിടെ തുടർന്നതെന്നും ജീവനക്കാരിൽ ഒരാൾ പറഞ്ഞു.

ജോലിക്ക് വരാതിരുന്നപ്പോൾ, ഉപഭോക്താക്കളിൽ നിന്ന് പണം വാങ്ങിയതിൻ്റെ സ്ക്രീൻഷോട്ട് ഉണ്ടെന്ന് പറഞ്ഞ് ദിയ ഭീഷണിപ്പെടുത്തി. എന്ത് പറഞ്ഞാലും അടിച്ചമർത്തുന്ന രീതിയായിരുന്നു ദിയക്ക്. ഭീഷണിപ്പെടുത്തിയാണ് കുറ്റം സമ്മതിപ്പിച്ചത് എന്നും ജീവനക്കാർ ആരോപിച്ചു. അഞ്ച് ലക്ഷം രൂപ നൽകണമെന്നും ദിയ ആവശ്യപ്പെട്ടുവെന്ന് ജീവനക്കാർ കൂട്ടിച്ചേർത്തു.

ബാങ്കുമായി ബന്ധപ്പെട്ട് ചില പ്രശ്നങ്ങളുണ്ടെന്നും സ്വന്തം അക്കൗണ്ടിൽ പണം സ്വീകരിക്കാമെന്നും ദിയ പറഞ്ഞിരുന്നു. നിങ്ങൾ കാരണം 200 ഓളം ഓർഡറുകൾ പാക്ക് ചെയ്യാതെ പോയെന്നും പരാതി നൽകേണ്ടെങ്കിൽ അഞ്ച് ലക്ഷം രൂപ നൽകണമെന്നും ദിയ പറഞ്ഞതായി ജീവനക്കാർ ആരോപിച്ചു.

കൂടാതെ ദിയ വധഭീഷണി മുഴക്കിയെന്നും ജീവനക്കാർ പരാതിയിൽ പറയുന്നു. ഫോണുകൾ ബലമായി പിടിച്ചുവാങ്ങിയെന്നും അവർ ആരോപിച്ചു. ജാതിപരമായി അധിക്ഷേപിക്കുകയും ഭീഷണിപ്പെടുത്തുകയും ചെയ്തു.

ഓവർടൈം ജോലി ആയതോടെ ജോലിയിൽ നിന്നും മാറാൻ ആലോചിച്ചിരുന്നെന്നും ജീവനക്കാർ വ്യക്തമാക്കി. എന്തൊക്കെ പറഞ്ഞാലും അടിച്ചമർത്തുന്ന സ്വഭാവമായിരുന്നു ദിയക്ക്. അതിനാൽ ജോലി ഉപേക്ഷിക്കാൻ തീരുമാനിച്ചു.

Story Highlights: Employees accuse Krishnakumar’s daughter of casteist abuse and suppression.