Kozhikode Medical College Faces Severe Drug Shortage, Congress Protests

കോഴിക്കോട് മെഡിക്കൽ കോളേജിലെ മരുന്ന് ക്ഷാമം രൂക്ഷമായിരിക്കുകയാണ്. ഒരാഴ്ചയായി മരുന്നുകളുടെ വിതരണം നിലച്ചിട്ടും പ്രശ്നത്തിന് പരിഹാരം കാണാനായിട്ടില്ല. ഈ മാസം 10 മുതലാണ് മെഡിക്കൽ കോളേജിലെ ന്യായവില മരുന്നുകടകളിലേക്കുള്ള മരുന്നു വിതരണം വിതരണക്കാർ നിർത്തിവെച്ചത്. ഒക്ടോബർ വരെയുള്ള കുടിശ്ശിക തീർക്കാതെ മരുന്നു വിതരണം പുനരാരംഭിക്കില്ലെന്ന നിലപാടിലാണ് വിതരണക്കാർ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മരുന്ന് ക്ഷാമം പരിഹരിക്കുന്നതിനായി ആരോഗ്യമന്ത്രിയുമായി ചർച്ച നടത്തിയതായി മെഡിക്കൽ കോളേജ് പ്രിൻസിപ്പൽ ഡോ. കെ. ജി. സജീത് കുമാർ അറിയിച്ചു.

ഏകദേശം 150 ഓളം അവശ്യ മരുന്നുകൾ കാരുണ്യ പദ്ധതി വഴി ലഭ്യമാക്കാൻ നടപടികൾ സ്വീകരിച്ചിട്ടുണ്ട്. തിങ്കൾ, ചൊവ്വ ദിവസങ്ങളിൽ മന്ത്രിയുമായി കൂടുതൽ ചർച്ചകൾ നടത്തുമെന്നും അദ്ദേഹം പറഞ്ഞു. വിതരണക്കാരുടെ കുടിശ്ശിക സംബന്ധിച്ചും ചർച്ചകൾ നടക്കും. ഒമ്പത് മാസത്തെ കുടിശ്ശികയായി 90 കോടി രൂപ ലഭിക്കാനുണ്ടെന്നാണ് വിവരം.

ഈ കുടിശ്ശിക ലഭിക്കാത്ത സാഹചര്യത്തിലാണ് വിതരണക്കാർ മരുന്നു വിതരണം നിർത്തിവെച്ചത്. മെഡിക്കൽ കോളേജിലെ മരുന്ന് ക്ഷാമത്തിൽ പ്രതിഷേധം ശക്തമാക്കാൻ കോൺഗ്രസ് ഒരുങ്ങുന്നു. എം. കെ.

യുവതിയുടെ പരിശോധനാ ഫലം വന്നു, ‘നിപ’യല്ല; മസ്തിഷ്ക ജ്വരമെന്നു സ്ഥിരീകരണം

രാഘവൻ എം. പി. നാളെ ഏകദിന ഉപവാസം അനുഷ്ഠിക്കും. ജനകീയ പ്രക്ഷോഭത്തിന് നേതൃത്വം നൽകുമെന്ന് കോൺഗ്രസ് നേതാക്കൾ അറിയിച്ചു.

Story Highlights: Medicine shortage continues to plague Kozhikode Medical College, impacting patient care and prompting protests.

ഫറോക്കിൽ പതിനഞ്ചുകാരിയെ പീഡിപ്പിച്ച കേസ്: പ്രതികളായ വിദ്യാർത്ഥികൾ ഇന്ന് ജുവനൈൽ ബോർഡിന് മുന്നിൽ