Kerala Minister Resolves Faculty Shortage at Kozhikode Engineering College

കോഴിക്കോട് സർക്കാർ എഞ്ചിനീയറിംഗ് കോളേജിലെ കമ്പ്യൂട്ടർ സയൻസ് വിഭാഗത്തിലെ അധ്യാപക ക്ഷാമം പരിഹരിക്കാൻ ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ ബിന്ദു നടത്തിയ അടിയന്തര ഇടപെടൽ ഫലം കണ്ടു. മൂന്ന് കോളേജുകളിൽ നിന്നായി ഒരു അസോസിയേറ്റ് പ്രൊഫസറുടെയും രണ്ട് അസിസ്റ്റന്റ് പ്രൊഫസർമാരുടെയും തസ്തികകൾ കോഴിക്കോട് കോളേജിലേക്ക് പുനർവിന്യസിച്ചുകൊണ്ട് സാങ്കേതിക വിദ്യാഭ്യാസ വകുപ്പ് ഉത്തരവിറക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2022-23 അക്കാദമിക വർഷത്തിൽ കോഴിക്കോട് ഗവ. എഞ്ചിനീയറിംഗ് കോളേജിൽ കമ്പ്യൂട്ടർ സയൻസ് ആൻഡ് ഡിസൈൻ കോഴ്സ് ആരംഭിച്ചപ്പോൾ അഞ്ചു വർഷത്തേക്ക് പുതിയ തസ്തികകൾ അനുവദിക്കില്ലെന്ന വ്യവസ്ഥയായിരുന്നു. എന്നാൽ, ആദ്യ ബാച്ചിലെ വിദ്യാർത്ഥികൾ അഞ്ചാം സെമസ്റ്ററിലെത്തിയപ്പോൾ, അവരുടെ പഠനം സുഗമമാക്കാൻ മൂന്ന് സ്ഥിരം അധ്യാപക തസ്തികകൾ അത്യാവശ്യമായി. ഇതിനെ തുടർന്നാണ് മന്ത്രി ഡോ. ബിന്ദു ഇടപെട്ട് പരിഹാരം കണ്ടെത്തിയത്.

തൃശൂർ സർക്കാർ എഞ്ചിനീയറിംഗ് കോളേജിൽ നിന്ന് ഒരു അസോസിയേറ്റ് പ്രൊഫസർ തസ്തികയും, തിരുവനന്തപുരം എഞ്ചിനീയറിംഗ് കോളേജിൽ നിന്നും കോട്ടയം രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്നോളജിയിൽ നിന്നും ഓരോ അസിസ്റ്റന്റ് പ്രൊഫസർ തസ്തികകളുമാണ് കോഴിക്കോട് ഗവ. എഞ്ചിനീയറിംഗ് കോളേജിലേക്ക് സ്ഥിരമായി പുനർവിന്യസിച്ചത്. ഇതോടെ, എഞ്ചിനീയറിംഗ് പ്രവേശന പരീക്ഷയിൽ ഉയർന്ന മാർക്കോടെ പ്രവേശനം നേടിയ വിദ്യാർത്ഥികളുടെ പഠനപ്രയാസം അവസാനിപ്പിക്കാനും അവരുടെ ഭാവി സുരക്ഷിതമാക്കാനും സാധിച്ചു.

Story Highlights: Kerala’s Higher Education Minister intervenes to address faculty shortage in Computer Science at Kozhikode Government Engineering College.

പട്ടാമ്പി സംസ്കൃത കോളേജിൽ കൊമേഴ്സ് പിഎച്ച്.ഡി പ്രവേശനം: അപേക്ഷ ക്ഷണിച്ചു