കോട്ടയം◾: കോട്ടയം മെഡിക്കൽ കോളജ് അപകടവുമായി ബന്ധപ്പെട്ട് താനും ആരോഗ്യമന്ത്രിയും നടത്തിയ പ്രതികരണങ്ങളെ തെറ്റായി വ്യാഖ്യാനിച്ചുവെന്ന് മന്ത്രി വി.എൻ. വാസവൻ വ്യക്തമാക്കി. അപകടത്തിൽ മരിച്ച ബിന്ദുവിന്റെ കുടുംബത്തിന് ധനസഹായം നൽകുമെന്നും കുടുംബത്തിലെ ഒരാൾക്ക് ജോലി നൽകുന്നതുൾപ്പെടെയുള്ള കാര്യങ്ങൾ മന്ത്രിസഭായോഗത്തിൽ ചർച്ച ചെയ്യുമെന്നും അദ്ദേഹം അറിയിച്ചു. പുതിയ എട്ട് നില കെട്ടിടത്തിലേക്ക് ആളുകളെ മാറ്റിത്തുടങ്ങിയെന്നും ഉദ്ഘാടനത്തിനായി കാത്തിരിക്കേണ്ടതില്ലെന്നും മന്ത്രിമാർ തീരുമാനിച്ചിരുന്നുവെന്നും അദ്ദേഹം കൂട്ടിച്ചേർത്തു.
തിരച്ചിൽ നിർത്തിവെക്കണമെന്നോ, അവശിഷ്ടങ്ങൾക്കടിയിൽ ആളില്ലെന്നോ ആരും പറഞ്ഞിട്ടില്ലെന്ന് മന്ത്രി വാസവൻ പറഞ്ഞു. ജെസിബി ഉപയോഗിച്ച് തിരച്ചിൽ നടത്താനാണ് ആദ്യം നിർദ്ദേശിച്ചത്. എന്നാൽ ഹിറ്റാച്ചിക്ക് സ്ഥലമില്ലാത്തതുകൊണ്ട് അത് സാധിച്ചില്ല. മന്ത്രി വി.എൻ. വാസവൻ മാധ്യമങ്ങളോട് സംസാരിക്കുകയായിരുന്നു.
കോട്ടയം മെഡിക്കൽ കോളജിനെ തകർക്കുന്ന തരത്തിലുള്ള പ്രചാരണങ്ങൾ നടത്തുന്നത് ശരിയല്ലെന്ന് മന്ത്രി അഭിപ്രായപ്പെട്ടു. പാവപ്പെട്ടവർക്ക് ആശ്രയമായി നിൽക്കുന്ന സ്ഥാപനമാണ് കോട്ടയം മെഡിക്കൽ കോളേജ്. ചില ആളുകൾ തീ കത്തുമ്പോൾ വാഴ വെട്ടുന്ന സമീപനമാണ് സ്വീകരിക്കുന്നത്.
ബിന്ദുവിന്റെ വീട്ടുകാരുമായി സഹപ്രവർത്തകർ കൃത്യമായ ആശയവിനിമയം നടത്തിയിട്ടുണ്ടെന്ന് മന്ത്രി വാസവൻ അറിയിച്ചു. പ്രതിഷേധക്കാർ ബഹളം വെച്ചതിനാൽ അവരെ നേരിൽ കാണാൻ സാധിച്ചില്ല. ബിന്ദുവിന്റെ ശവസംസ്കാര ചടങ്ങുകൾക്കായി 50000 രൂപ കുടുംബത്തിന് നൽകി.
“കെട്ടിടം ഇടിഞ്ഞുവീഴുമെന്ന് ആരോഗ്യമന്ത്രി അറിഞ്ഞിരുന്നില്ലല്ലോ? അതിന്റെ ധാർമിക ഉത്തരവാദിത്തം മന്ത്രി വീണാ ജോർജ് ഏറ്റെടുക്കണമെന്ന് എങ്ങനെ പറയാൻ സാധിക്കും,” മന്ത്രി വാസവൻ ചോദിച്ചു. കോട്ടയം മെഡിക്കൽ കോളേജ് ഇന്ത്യയിൽ തന്നെ ഏറ്റവും ശ്രദ്ധിക്കപ്പെട്ട മെഡിക്കൽ കോളേജുകളിൽ ഒന്നാണ്. ദൗർഭാഗ്യകരമായ ഒരു സംഭവമാണ് അവിടെ നടന്നതെന്നും ഭാവിയിൽ ഇത്തരം സംഭവങ്ങൾ ഉണ്ടാകാതെ നോക്കുമെന്നും മന്ത്രി കൂട്ടിച്ചേർത്തു.
ധനസഹായം എത്ര നൽകും എന്ന കാര്യത്തിൽ ഉടൻ തീരുമാനമെടുക്കും. ഇക്കാര്യം മന്ത്രിസഭയിൽ ചർച്ച ചെയ്യും. കുടുംബത്തിലെ ഒരാൾക്ക് ജോലി നൽകുന്ന കാര്യവും പരിഗണനയിലുണ്ട്.
Story Highlights: കോട്ടയം മെഡിക്കൽ കോളജ് അപകടത്തിൽ താനും ആരോഗ്യമന്ത്രിയും നടത്തിയ പ്രതികരണങ്ങളെ തെറ്റായി വ്യാഖ്യാനിച്ചെന്ന് മന്ത്രി വി.എൻ. വാസവൻ.
കൊട്ടാരക്കര താലൂക്ക് ആശുപത്രിയിൽ ഡ്യൂട്ടിക്കിടെ കൊല്ലപ്പെട്ട ഡോ. വന്ദനാ ദാസിന്റെ ഓർമയ്ക്കായി കടുത്തുരുത്തി Read more
കോട്ടയം പാമ്പാടി കുറ്റിക്കലിൽ കാർ സ്കൂൾ മതിലിലിടിച്ച് മൂന്ന് വയസ്സുകാരൻ മരിച്ചു. മാമോദിസ Read more
തിരുവനന്തപുരം മെഡിക്കൽ കോളേജ് ആശുപത്രിയിൽ ശസ്ത്രക്രിയ ഉപകരണങ്ങൾ ഇല്ലാത്തതിനെത്തുടർന്ന് ചികിത്സ മുടങ്ങിയെന്ന വിവാദത്തിൽ Read more
തിരുവനന്തപുരം മെഡിക്കൽ കോളേജിൽ ശസ്ത്രക്രിയാ ഉപകരണം കാണാതായ സംഭവത്തിൽ പ്രതികരണവുമായി ഡോ.ഹാരിസ് ഹസ്സൻ. Read more
കോട്ടയം മെഡിക്കൽ കോളജിൽ കെട്ടിടം തകർന്ന് മരിച്ച ബിന്ദുവിന്റെ കുടുംബത്തിന് സർക്കാർ പ്രഖ്യാപിച്ച Read more
തിരുവനന്തപുരം മെഡിക്കൽ കോളേജ് പ്രിൻസിപ്പലിന്റെ ആരോപണങ്ങൾക്ക് മറുപടിയുമായി ഡോക്ടർ ഹാരിസ്. പഴയ നെഫ്രോസ്കോപ്പുകൾ Read more
മെഡിക്കൽ കോളേജ് പ്രിൻസിപ്പൽ ഡോ. ഹാരിസ് ചിറക്കലിനെതിരെ സംശയങ്ങൾ ഉന്നയിച്ചു. ഹാരിസിൻ്റെ മുറിയിൽ Read more
തിരുവനന്തപുരം മെഡിക്കൽ കോളജിലെ യൂറോളജി വിഭാഗത്തിൽ നിന്ന് ഉപകരണം കാണാതായെന്ന ആരോഗ്യമന്ത്രിയുടെ വാദം Read more
തിരുവനന്തപുരം മെഡിക്കൽ കോളജിൽ ശസ്ത്രക്രിയ ഉപകരണങ്ങൾ ലഭ്യമല്ലെന്ന ഡോക്ടർ ഹാരിസ് ഹസന്റെ വെളിപ്പെടുത്തലുമായി Read more
കോട്ടയത്ത് കെ.എസ്.യു നേതാവ് മദ്യപിച്ച് വാഹനമോടിച്ചതിൻ്റെ സിസിടിവി ദൃശ്യങ്ങൾ പുറത്ത്. അഞ്ചു കിലോമീറ്ററിനുള്ളിൽ Read more
