Kottayam Medical College Men's Hostel in Danger; Repair Delayed

**കോട്ടയം◾:** കോട്ടയം മെഡിക്കൽ കോളജിലെ മെൻസ് ഹോസ്റ്റൽ അപകടാവസ്ഥയിൽ തുടരുന്നു. പി.ജി ഡോക്ടർമാർ താമസിക്കുന്ന കെട്ടിടത്തിന്റെ പല ഭാഗങ്ങളിലും കേടുപാടുകൾ സംഭവിച്ചിട്ടുണ്ട്. ബാത്റൂം കോംപ്ലക്സ് ഇടിഞ്ഞുവീണതിന് പിന്നാലെയാണ് ഹോസ്റ്റലിന്റെ അപകടാവസ്ഥയും ചർച്ചയാവുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഏകദേശം 200 ഓളം വിദ്യാർത്ഥികൾ ഈ ഹോസ്റ്റലിൽ താമസിക്കുന്നുണ്ട്. കാലപ്പഴക്കം കാരണം മിക്ക മുറികളും പൊട്ടിപ്പൊളിഞ്ഞ നിലയിലാണ്. വിദ്യാർത്ഥികൾക്ക് പുതിയ കെട്ടിടത്തിലേക്ക് മാറണമെന്ന ആവശ്യം ശക്തമായിട്ടുണ്ട്.

കഴിഞ്ഞ വർഷം ഹോസ്റ്റൽ വിഷയത്തിൽ വിദ്യാർത്ഥികൾ പ്രതിഷേധം നടത്തിയിരുന്നു. എന്നാൽ അറ്റകുറ്റപ്പണികൾ ആരംഭിച്ചെങ്കിലും പൂർത്തിയായില്ല. കോൺക്രീറ്റ് പാളികൾ അടർന്നു വീഴുന്ന ഹോസ്റ്റലിൽ നിന്നാണ് വിദ്യാർത്ഥികൾ പഠനം നടത്തുന്നത്.

ചാണ്ടി ഉമ്മൻ എംഎൽഎ ഹോസ്റ്റൽ സന്ദർശിച്ച ശേഷം പ്രതികരിച്ചത് ഇങ്ങനെ: സാധാരണക്കാരൻ്റെ മക്കൾ പഠിക്കുന്ന സ്ഥാപനമാണ് കേരളത്തിലെ മെഡിക്കൽ കോളേജുകൾ. വിദ്യാർത്ഥികളെ സർക്കാർ ചെലവിൽ മാറ്റിപ്പാർപ്പിക്കണമെന്നും, അവരെ സംരക്ഷിക്കാനുള്ള ബാധ്യത സർക്കാരിനുണ്ടെന്നും അദ്ദേഹം കൂട്ടിച്ചേർത്തു. “അവർക്ക് ഇങ്ങനെ മതിയെന്നാവും സർക്കാർ തീരുമാനിച്ചത്”.

അടിയന്തരമായി പഞ്ചായത്ത് ഈ കെട്ടിടത്തിന്റെ ഫിറ്റ്നസ് പരിശോധിക്കണമെന്ന് ചാണ്ടി ഉമ്മൻ ആവശ്യപ്പെട്ടു. ഹോസ്റ്റൽ കെട്ടിടത്തിന്റെ സുരക്ഷ ഉറപ്പാക്കാൻ അടിയന്തര നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.

കോട്ടയം മെഡിക്കൽ കോളേജ് അപകടം; സർക്കാരിന് ഒഴിഞ്ഞുമാറാനാകില്ലെന്ന് വി.ഡി. സതീശൻ

ഈ വിഷയത്തിൽ അധികൃതർ എത്രയും പെട്ടെന്ന് നടപടിയെടുക്കണമെന്നാണ് വിദ്യാർത്ഥികളുടെ ആവശ്യം.
ഇതിനിടെ ഹോസ്റ്റൽ വിഷയത്തിൽ സർക്കാരിന്റെ ഭാഗത്തുനിന്നും അനുകൂലമായ പ്രതികരണത്തിനായി കാത്തിരിക്കുകയാണ് വിദ്യാർത്ഥികൾ.

Story Highlights: കോട്ടയം മെഡിക്കൽ കോളജിലെ മെൻസ് ഹോസ്റ്റൽ അപകടാവസ്ഥയിൽ

മെഡിക്കൽ കോളേജിൽ ഡോക്ടറെ കയ്യേറ്റം ചെയ്തു എന്ന പരാതി വ്യാജമെന്ന് ഭർത്താവ്