കൂത്തുപറമ്പ് വെടിവെപ്പ് രക്തസാക്ഷി പുഷ്പന്റെ സംസ്കാരം ഇന്ന് നടക്കും. കണ്ണൂർ ചൊക്ലി മേനപ്രത്തെ വീട്ടുവളപ്പിലാണ് സംസ്കാര ചടങ്ങുകൾ നടത്തുക. 30 വർഷമായി കിടപ്പിലായിരുന്ന പുഷ്പൻ ഇന്നലെ വൈകിട്ട് മൂന്നരയോടെ കോഴിക്കോട്ടെ സ്വകാര്യ ആശുപത്രിയിൽ അന്തരിച്ചു.
കോഴിക്കോട് ഡിവൈഎഫ്ഐ യൂത്ത് സെൻററിൽ സൂക്ഷിച്ചിരിക്കുന്ന മൃതദേഹം എട്ടുമണിയോടെ വിലാപയാത്രയായി കണ്ണൂരിലേക്ക് കൊണ്ടുപോകും. വഴിയിലുടനീളം വിവിധ കേന്ദ്രങ്ങളിൽ പ്രവർത്തകർക്ക് അന്ത്യാഭിവാദ്യം അർപ്പിക്കാനുള്ള സൗകര്യം ഒരുക്കും. തലശ്ശേരി ടൗൺഹാളിലും പിന്നീട് ചൊക്ലിയിലും പൊതുദർശനം നടത്തും.
വൈകിട്ട് അഞ്ചുമണിയോടെ സംസ്കാര ചടങ്ങുകൾ ആരംഭിക്കും. കൂത്തുപറമ്പ് വെടിവെപ്പിൽ പരുക്കേറ്റാണ് പുഷ്പൻ കിടപ്പിലായത്. പ്രവർത്തകർക്കും പൊതുജനങ്ങൾക്കും അന്തിമമായി ആദരാഞ്ജലികൾ അർപ്പിക്കാനുള്ള അവസരം ഒരുക്കിയിട്ടുണ്ട്.
Story Highlights: CPI(M) activist Pushpan, victim of Koothuparamba firing, to be laid to rest today in Kannur
