Konkan Railway Disrupted: Landslide Halts Train Services

കൊങ്കൺ പാതയിലെ ട്രെയിൻ ഗതാഗതം പൂർണമായും തടസ്സപ്പെട്ടതായി റെയിൽവേ അറിയിച്ചു. രത്നഗിരി സെക്ഷനിലെ ഖേഡിനും വിഹ്നേര സ്റ്റേഷനും ഇടയിലാണ് മണ്ണിടിച്ചിൽ സംഭവിച്ചത്. ഇന്നലെ വൈകുന്നേരം അഞ്ച് മണിയോടെയാണ് ട്രാക്കിലേക്ക് മണ്ണിടിഞ്ഞ് വീണത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കനത്ത മഴ മൂലം ട്രാക്കിലെ മണ്ണ് നീക്കം ചെയ്യുന്നതിന് തടസ്സം നേരിടുന്നതായും റെയിൽവേ വ്യക്തമാക്കി. മണ്ണിടിച്ചിൽ മൂലം കൂടുതൽ ട്രെയിനുകൾ വഴിതിരിച്ച് വിടേണ്ടി വന്നു. മുംബൈയിൽനിന്ന് തിരുവനന്തപുരത്തേക്കുള്ള നേത്രാവതി എക്സ്പ്രസ് റദ്ദാക്കി.

16345 ലോകമാന്യ തിലക് – തിരുവനന്തപുരം നേത്രാവതി എക്സ്പ്രസ് കല്യാൺ – ലോണാവാല – ജോലാർപേട്ട – പാലക്കാട് – ഷൊർണൂർ വഴി സർവീസ് നടത്തും. ഹസ്രത്ത് നിസാമുദ്ദീൻ എറണാകുളം എക്സ്പ്രസ്സ്, എൽടിടി തിരുവനന്തപുരം എക്സ്പ്രസ്, ഗാന്ധിധാം നാഗർകോവിൽ എക്സ്പ്രസ്സ് എന്നിവയും വഴി തിരിച്ചുവിട്ടു. ഖേഡ്, ചിപ്ലൂൺ സ്റ്റേഷനുകളിൽ കുടുങ്ങിയ മുംബൈയിലേക്കുള്ള യാത്രക്കാർക്ക് റെയിൽവേ പ്രത്യേക ബസ് സർവീസുകൾ ഏർപ്പെടുത്തി.

ക്ലാസ്മുറിയിൽ ചാണകം തേച്ച് കോളജ് പ്രിൻസിപ്പൽ; ദൃശ്യങ്ങൾ വൈറൽ

കഴിഞ്ഞ ആഴ്ചയിലും കൊങ്കൺ പാതയിൽ ട്രെയിൻ ഗതാഗതം തടസ്സപ്പെട്ടിരുന്നു. ട്രെയിനുകളുടെ സമയക്രമമെല്ലാം തെറ്റിയാണ് പാതയിൽ വണ്ടികൾ ഓടുന്നത്. പ്രശ്നപരിഹാരത്തിന് റെയിൽവേ തുടർച്ചയായി ശ്രമിച്ചുവരികയാണ്.

ഇന്ത്യൻ റെയിൽവേയിൽ 9,970 അസിസ്റ്റന്റ് ലോക്കോ പൈലറ്റ് ഒഴിവുകൾ