Kodakara Hawala Case: Court Allows Recording of Secret Statement

കൊടകര കുഴൽപ്പണ കേസിൽ ബിജെപി മുൻ ഓഫീസ് സെക്രട്ടറി തിരൂർ സതീശന്റെ രഹസ്യ മൊഴി രേഖപ്പെടുത്താൻ തൃശൂർ സിജെഎം കോടതി അനുമതി നൽകി. കുന്നംകുളം ഫസ്റ്റ് ക്ലാസ് ജുഡീഷ്യൽ കോടതിയിലാണ് മൊഴി രേഖപ്പെടുത്തുക. ബിജെപി സംസ്ഥാന അധ്യക്ഷൻ കെ സുരേന്ദ്രൻ ഉൾപ്പെടെയുള്ളവർക്ക് കേസിൽ പങ്കുണ്ടെന്ന് സതീശൻ നേരത്തെ വെളിപ്പെടുത്തിയിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കോഡ് ഓഫ് ക്രിമിനൽ പ്രൊസിജീയറിലെ സെക്ഷൻ 164 പ്രകാരം സതീശന്റെ മൊഴി രേഖപ്പെടുത്താൻ അന്വേഷണസംഘം നേരത്തെ തീരുമാനിച്ചിരുന്നു. ധർമ്മരാജൻ അടക്കം 25 സാക്ഷികളുടെ മൊഴികളിൽ കള്ളപ്പണ കടത്ത് സംബന്ധിച്ച വെളിപ്പെടുത്തലുകൾ ഉണ്ട്. ആകെ 200 സാക്ഷികളാണ് കേസിലുള്ളത്. തുടരന്വേഷണത്തിന് അനുമതി ലഭിച്ചാൽ പ്രതി പട്ടികയിൽ ഉൾപ്പെടുത്തേണ്ടവരെ വിശദമായി ചോദ്യം ചെയ്യാനാണ് അന്വേഷണ സംഘം ഉദ്ദേശിക്കുന്നത്.

കഴിഞ്ഞ നിയമസഭാ തെരഞ്ഞെടുപ്പ് കാലത്ത് ബിജെപിയുടെ തൃശ്ശൂർ ജില്ലാ കമ്മിറ്റി ഓഫീസിലേക്ക് 6 ചാക്കുകളിലായി ഒൻപത് കോടി രൂപ എത്തിച്ചുവെന്നായിരുന്നു സതീശന്റെ വെളിപ്പെടുത്തൽ. പണം എത്തിച്ച ധർമ്മരാജനുമായി ബിജെപി സംസ്ഥാന അധ്യക്ഷനും ജില്ലാ അധ്യക്ഷനും മുൻകൂട്ടി ചർച്ച നടത്തിയെന്നും അദ്ദേഹം പറഞ്ഞിരുന്നു. ഈ വെളിപ്പെടുത്തലുകളുടെ അടിസ്ഥാനത്തിൽ തുടരന്വേഷണം വേണമെന്നാണ് അന്വേഷണസംഘം ആവശ്യപ്പെട്ടിരിക്കുന്നത്. കുറ്റസമ്മതത്തിന്റെ സ്വഭാവമുള്ള ഈ വെളിപ്പെടുത്തലുകളുടെ അടിസ്ഥാനത്തിൽ ധർമ്മരാജൻ അടക്കമുള്ളവരെ പ്രതിയാക്കാനാണ് പോലീസിന്റെ നീക്കം.

ഉമ തോമസ് എംഎൽഎയുടെ ആരോഗ്യനിലയിൽ പുരോഗതി; സംഘാടകരുടെ അനാസ്ഥയിൽ അന്വേഷണം

Story Highlights: Court grants permission to record BJP ex-office secretary Tirur Satheesan’s secret statement in Kodakara hawala case

സൈബര്‍ അതിക്രമങ്ങള്‍ ജീവിതത്തില്‍ വലിയ വേദന സൃഷ്ടിച്ചു: ഡോ. ചിന്താ ജെറോം