Kodakara Black Money Case: Thiroor Satheesh Reveals New Details

കൊടകര കുഴൽപ്പണ കേസിലെ പുനരന്വേഷണത്തിൽ കൂടുതൽ വിവരങ്ങൾ വെളിപ്പെടുത്താൻ തയ്യാറാണെന്ന് ബിജെപി മുൻ ഓഫീസ് സെക്രട്ടറി തിരൂർ സതീഷ് അറിയിച്ചു. മാധ്യമങ്ങളോട് പറഞ്ഞ കാര്യങ്ങൾ അന്വേഷണ സംഘത്തോടും വെളിപ്പെടുത്തുമെന്ന് അദ്ദേഹം വ്യക്തമാക്കി. ആദ്യ അന്വേഷണത്തിൽ താൻ നൽകിയ മൊഴി ഓഫീസിൽ നിന്ന് പറഞ്ഞു തന്നതനുസരിച്ചായിരുന്നുവെന്നും, ജില്ലാ പ്രസിഡന്റാണ് പൊലീസിന് മുന്നിൽ പറയേണ്ട മൊഴി പഠിപ്പിച്ചു തന്നതെന്നും സതീഷ് വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പഴയ നടക്കാവിലെ ബിജെപി ജില്ലാ കമ്മിറ്റി ഓഫീസിൽ കോഴിക്കോട് സ്വദേശി ധർമ്മരാജൻ ചാക്കുകെട്ടുകളിൽ പണം കൊണ്ടുവന്നതായി സതീഷ് പറഞ്ഞു. തെരഞ്ഞെടുപ്പ് മെറ്റീരിയൽ എന്ന പേരിലാണ് പണം എത്തിച്ചതെന്നും, ഈ സമയം ബിജെപി സംസ്ഥാന അധ്യക്ഷനും ജില്ലാ അധ്യക്ഷനും ഓഫീസിൽ ഉണ്ടായിരുന്നുവെന്നും അദ്ദേഹം വ്യക്തമാക്കി.

കൊടകര മോഷണത്തിലെ പ്രതി തന്നെയാണ് ഇവിടെയും പണം കൊണ്ടുവന്നതെന്നും, അപ്പോഴാണ് ഇത് ഇലക്ഷൻ മെറ്റീരിയൽ അല്ല പണമായിരുന്നുവെന്ന് മനസിലായതെന്നും സതീഷ് കൂട്ടിച്ചേർത്തു. ഈ സംഭവത്തിൽ പുനരന്വേഷണം വേണമെന്ന് സിപിഐ എം സംസ്ഥാന സെക്രട്ടറിയേറ്റ് നിർദ്ദേശിച്ചിരിക്കുകയാണ്.

കൊടകര കേസ് കള്ളപ്പണം വിതരണം ചെയ്തതിന്റെ ഒരു ചെറിയ ഭാഗം മാത്രമാണെന്നും, കോടിക്കണക്കിന് രൂപയുടെ കള്ളപ്പണം എത്തിയത് ബിജെപി നേതൃത്വത്തിന്റെ അറിവോടെയാണെന്നും സിപിഐഎം സംസ്ഥാന സെക്രട്ടറി എം വി ഗോവിന്ദൻ ആരോപിച്ചു. കള്ളപ്പണം ഒഴുക്കി തെരഞ്ഞെടുപ്പ് അട്ടിമറിക്കുക എന്നത് ബിജെപിയുടെ രീതിയാണെന്നും അദ്ദേഹം കുറ്റപ്പെടുത്തി.

നിറത്തിന്റെ പേരിലുള്ള അധിക്ഷേപം: ചീഫ് സെക്രട്ടറിക്ക് മന്ത്രി എം.ബി. രാജേഷിന്റെ പിന്തുണ

— wp:paragraph –>