Kochi Metro to increase services due to rising passenger numbers

കൊച്ചി മെട്രോയിൽ യാത്രക്കാരുടെ എണ്ണം വർദ്ധിച്ചുവരുന്നതിനെ തുടർന്ന് കെഎംആർഎൽ പുതിയ നടപടികൾ പ്രഖ്യാപിച്ചു. 2024 ജൂലൈ 15 മുതൽ പ്രതിദിനം 12 അധിക ട്രിപ്പുകൾ ആരംഭിക്കുമെന്നാണ് അറിയിച്ചിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വർഷം ഇതുവരെ 1,64,27,568 യാത്രക്കാർ കൊച്ചി മെട്രോ ഉപയോഗിച്ചിട്ടുണ്ട്. കഴിഞ്ഞ പത്ത് ദിവസമായി പ്രതിദിനം 1 ലക്ഷത്തിലധികം യാത്രക്കാരാണ് കൊച്ചി മെട്രോയിൽ എത്തുന്നത്.

ഈ സാഹചര്യത്തിൽ കൂടുതൽ സുഖകരവും സൗകര്യപ്രദവുമായ യാത്രാനുഭവം ഉറപ്പാക്കാനാണ് കെഎംആർഎൽ സേവനം മെച്ചപ്പെടുത്തുന്നത്. തിരക്കേറിയ സമയങ്ങളിൽ യാത്രക്കാരുടെ തിരക്ക് കുറയ്ക്കാനും ട്രെയിനുകൾക്കിടയിലുള്ള കാത്തിരിപ്പ് സമയം കുറയ്ക്കാനുമാണ് ഈ നടപടി.

നിലവിൽ രാവിലെ 8 മണി മുതൽ 10 മണി വരെയും വൈകുന്നേരം 4 മണി മുതൽ 7 മണി വരെയുമുള്ള തിരക്കേറിയ സമയങ്ങളിൽ രണ്ട് ട്രെയിനുകൾ തമ്മിലുള്ള ഇടവേള 7 മിനിറ്റും 45 സെക്കൻഡുമാണ്. എന്നാൽ പുതിയ ഷെഡ്യൂൾ നിലവിൽ വരുന്നതോടെ ഈ ഇടവേള 7 മിനിറ്റായി കുറയും.

നടിയെ ആക്രമിച്ച കേസ്: കൊച്ചിയിലെ കോടതി ഇന്ന് വീണ്ടും പരിഗണിക്കും

ഇതുവഴി യാത്രക്കാർക്ക് കൂടുതൽ സൗകര്യപ്രദമായ സേവനം ലഭ്യമാകുമെന്നാണ് കെഎംആർഎൽ പ്രതീക്ഷിക്കുന്നത്.

കൊച്ചിയിൽ സിപിഒയെ ഭീഷണിപ്പെടുത്തി പണം തട്ടിയ കേസിൽ സ്പാ നടത്തിപ്പുകാരി അറസ്റ്റിൽ