ഇന്ത്യൻ ആരാധകർക്ക് ദീപാവലി ആശംസയുമായി കെവിൻ പീറ്റേഴ്‌സൺ

മുൻ ഇംഗ്ലണ്ട്‌ ക്രിക്കറ്റർ കെവിൻ പീറ്റേഴ്‌സൺ ഇന്ത്യൻ ആരാധകർക്ക് ദീപാവലി ആശംസകൾ നേർന്നു. “ദീപങ്ങളുടെ മഹത്തായ ഉത്സവം ആഘോഷിക്കുന്ന നിങ്ങൾക്കെല്ലാവർക്കും സന്തോഷവും, സമാധാനവും, സ്നേഹവും പുഞ്ചിരിയുമുണ്ടാവട്ടെ. എന്റെ എല്ലാ സുഹൃത്തുക്കൾക്കും ദീപാവലി ആശംസകൾ” എന്നാണ് അദ്ദേഹം കുറിച്ചത്. തന്റെ ജന്മനാടിനൊപ്പം തന്നെ തനിക്ക് ഏറെ ഇഷ്ടപ്പെടുന്ന രാജ്യമാണ് ഇന്ത്യയെന്ന് അദ്ദേഹം പലപ്പോഴും പറഞ്ഞിട്ടുണ്ട്.

HAPPY DIWALI TO ALL MY FRIENDS!
I hope the greatest festival of lights brings joy, happiness, love and laughter to all of you who celebrate it! 🩵

— Kevin Pietersen🦏 (@KP24) October 31, 2024

ഇത്തവണ കെവിൻ പീറ്റേഴ്സൺ കുടുംബത്തോടൊപ്പം അവധി ആഘോഷിക്കാൻ ഇന്ത്യയിലെത്തിയിരുന്നു. അതിനിടെയാണ് ഇന്ത്യക്കാർക്ക് ദീപാവലി ആശംസ അറിയിച്ച് കുറിപ്പും പങ്ക് വച്ചിരിക്കുന്നത്. “എന്റെ എല്ലാ സുഹൃത്തുക്കൾക്കും ദീപാവലി ആശംസകൾ! ദീപങ്ങളുടെ മഹത്തായ ഉത്സവം ആഘോഷിക്കുന്ന നിങ്ങൾക്കെല്ലാവർക്കും സന്തോഷവും, സമാധാനവും, സ്നേഹവും പുഞ്ചിരിയുമുണ്ടാവട്ടെ” എന്നാണ് കെവിന്റെ കുറിപ്പ്. നേരത്തെ വിജയദശമി ആശംസകളറിയിച്ചും കെവിൻ പീറ്റേഴ്സൺ ട്വീറ്റ് ചെയ്തിരുന്നു. ഇന്ത്യയോടുള്ള സ്നേഹവും ബന്ധവും വ്യക്തമാക്കുന്ന തരത്തിലുള്ള പ്രതികരണങ്ങൾ പീറ്റേഴ്സൺ പതിവായി നടത്താറുണ്ട്. ഇന്ത്യൻ ആരാധകരുടെ ഇടയിൽ വലിയ സ്വീകാര്യത നേടിയ താരമാണ് അദ്ദേഹം. Story Highlights: Former England cricketer Kevin Pietersen wishes Indian fans Happy Diwali on Twitter