Kerala vs Jammu Kashmir in Santosh Trophy Quarter-Finals

കേരളത്തിന്റെ സന്തോഷ് ട്രോഫി ഫുട്ബോൾ യാത്ര തുടരുകയാണ്. എട്ടാം കിരീടം ലക്ഷ്യമിട്ട് ക്വാർട്ടർ ഫൈനലിൽ കേരളം ജമ്മു കശ്മീരിനെ നേരിടും. ഗ്രൂപ്പ് ബിയിൽ ഒന്നാം സ്ഥാനത്തെത്തിയാണ് കേരളം ക്വാർട്ടറിലേക്ക് പ്രവേശിച്ചത്. വെള്ളിയാഴ്ച ഉച്ചയ്ക്ക് 2.30ന് ഡെക്കാൻ അരീന ടർഫ് ഗ്രൗണ്ടിലാണ് ക്വാർട്ടർ ഫൈനൽ പോരാട്ടം അരങ്ങേറുക.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജമ്മു കശ്മീരിന്റെ യാത്ര അത്ര സുഗമമായിരുന്നില്ല. ബംഗാളിനോടും സർവീസസിനോടും തോൽവി സമ്മതിച്ചാണ് അവർ തുടക്കമിട്ടത്. എന്നാൽ മണിപ്പുരിനെതിരെ സമനില നേടിയതോടെ ടീം വേഗം കണ്ടെത്തി. തുടർന്ന് തെലങ്കാനയെയും രാജസ്ഥാനെയും തോൽപ്പിച്ച് ക്വാർട്ടറിലേക്ക് കുതിച്ചു. ക്യാപ്റ്റൻ ആക്കിഫ് ജാവേദും അദ്നാൻ അയൂബും ഫോമിലായതോടെ കശ്മീരിന്റെ മുന്നേറ്റനിര ശക്തമായി.

കേരളത്തിന്റെ പ്രതിരോധനിര മികച്ച പ്രകടനമാണ് കാഴ്ചവയ്ക്കുന്നത്. ക്യാപ്റ്റൻ ജി. സഞ്ജുവും എം. മനോജും നയിക്കുന്ന പ്രതിരോധം കഴിഞ്ഞ മൂന്ന് മത്സരങ്ങളിലും ഗോൾ വഴങ്ങിയിട്ടില്ല. ഗോൾവലയ്ക്ക് മുന്നിൽ വൈസ് ക്യാപ്റ്റൻ എസ്. ഹജ്മലിന്റെ തിളക്കമാർന്ന പ്രകടനവും കേരളത്തിന് കരുത്തേകുന്നു. ഗ്രൂപ്പ് ബിയിലെ അവസാന മത്സരത്തിൽ കേരളം തമിഴ്നാടിനെ നേരിടും. നാല് കളികളിൽ നിന്ന് രണ്ട് പോയിന്റ് മാത്രമുള്ള തമിഴ്നാട് പട്ടികയിൽ അവസാന സ്ഥാനത്താണ്.