തിരുവനന്തപുരം◾: കേരളത്തിലെ സർവകലാശാലകളിൽ ഗവർണറും ചില വൈസ് ചാൻസലർമാരും ചേർന്ന് ചട്ടവിരുദ്ധ പ്രവർത്തനങ്ങളും ഇല്ലാത്ത അധികാര പ്രയോഗങ്ങളും നടത്തുകയാണെന്ന് ഹൈക്കോടതി വിധിയിലൂടെ ഒരിക്കൽ കൂടി തെളിഞ്ഞിരിക്കുകയാണെന്ന് സിപിഐ എം സംസ്ഥാന സെക്രട്ടറിയേറ്റ് പ്രസ്താവനയിൽ അറിയിച്ചു. സർവകലാശാലകളുടെ പ്രവർത്തനം സമാധാനപരമാക്കാൻ ചാൻസലറായ ഗവർണർ മുന്നോട്ട് വരണമെന്നും സെക്രട്ടറിയേറ്റ് അഭ്യർത്ഥിച്ചു. നിയമപരമായ പ്രവർത്തനങ്ങൾ മാത്രം നടത്താൻ ഗവർണറും വിസിമാരും തയ്യാറാകണമെന്നും പ്രസ്താവനയിൽ പറയുന്നു.
ഡിജിറ്റൽ, സാങ്കേതിക സർവകലാശാലകളിൽ താൽക്കാലിക വൈസ് ചാൻസലറെ നിയമിച്ച ഗവർണറുടെ നടപടി നിയമവിരുദ്ധമാണെന്ന് ഹൈക്കോടതി ഡിവിഷൻ ബെഞ്ച് വിധിച്ചിട്ടുണ്ട്. താൽക്കാലിക വിസി നിയമനം നടത്തേണ്ടത് സർക്കാർ പാനലിൽ നിന്നാണെന്ന് കോടതി പറഞ്ഞിട്ടുണ്ട്. സമാനമായ ഒട്ടേറെ വിധികൾ കാറ്റിൽ പറത്തിയാണ് ഗവർണർ തുടർച്ചയായി നിയമവിരുദ്ധ നിയമനങ്ങൾ നടത്തുന്നതെന്നും സി.പി.ഐ.എം കുറ്റപ്പെടുത്തി.
സംസ്ഥാന സർക്കാർ ഫണ്ട് നൽകുന്ന സർവകലാശാലകളിൽ നിയമപരമായി അർപ്പിതമായ അധികാരം ഉപയോഗിക്കാനും അക്കാദമികമായ നവീകരണ പ്രവർത്തനങ്ങൾ നടത്താനും കഴിയണം. എന്നാൽ, ഗവർണറും അദ്ദേഹം നിയോഗിച്ച താൽക്കാലിക വിസിമാരും ചേർന്ന് ഇത് തടയുന്നത് സർവകലാശാലകളെ സംഘർഷത്തിലേക്ക് തള്ളിവിടുന്നതിന് കാരണമാകുന്നു. ആർഎസ്എസ്സിന് സർവകലാശാലകളെ കൈപ്പിടിയിലാക്കാൻ ചാൻസലർ എന്ന അധികാരം ഉപയോഗിച്ച് താൽക്കാലിക വൈസ് ചാൻസലർമാരെ നിയമിക്കുന്നു. ചട്ടവിരുദ്ധ പ്രവർത്തനങ്ങളെ നിയമപരമായും രാഷ്ട്രീയപരമായും നേരിടുമെന്ന് സി.പി.ഐ.എം വ്യക്തമാക്കി.
നിരവധിയായ നവീന പരിഷ്കാരങ്ങളും കോഴ്സുകളും ആരംഭ ദശയിലാണ്. കോടതി ഇപ്പോൽ പറഞ്ഞുവിട്ടവരടക്കം പല താൽക്കാലിക വിസിമാരും സർവ്വകലാശാലകളുടേയോ കുട്ടികളുടേയോ ഭാവിയല്ല, മറിച്ച് ഗൂഢ താൽപര്യങ്ങളോടെയാണ് പ്രവർത്തിക്കുന്നതെന്ന് ഇതിനകം തെളിഞ്ഞു കഴിഞ്ഞു. ഈ ഘട്ടത്തിൽ കോടതികളുടെ നിർദ്ദേശം കൂടി പരിഗണിച്ച് നിയമപരമായ പ്രവർത്തനങ്ങളിലേക്ക് സർവകലാശാലകളെ എത്തിക്കാൻ ഗവർണർ തയ്യാറാകണം.
മൂൻപുണ്ടായിരുന്ന ദുരവസ്ഥയിൽ നിന്ന് സർവകലാശാലകളും കോളജുകളും ഉന്നതമായ സ്ഥാനങ്ങളിലേക്ക് എത്തുന്നുവെന്ന് കേന്ദ്ര ഏജൻസികളുടെ റാങ്കിങ് വ്യക്തമാക്കുന്നുണ്ട്. അത് ഇനിയും മുന്നേറേണ്ടതുണ്ട്.
പലയിടത്തുനിന്നും ഫയലുകൾ കൂട്ടത്തോടെ എടുത്ത് ദുരുപയോഗം ചെയ്യുകയും തെറ്റായ വാർത്തകൾ നൽകുകയും ചെയ്തു. അവരോടൊക്കെ ഏറ്റവും സമാധാനപൂർവമായ പ്രതിഷേധ സമരങ്ങളിലൂടെയാണ് വിദ്യാർത്ഥികളും യുവസമൂഹവും പ്രതികരിച്ചത്. നിയമപരമായ പ്രവർത്തനങ്ങൾ മാത്രം നടത്താൻ ഗവർണറും വിസിമാരും തയ്യാറാകണമെന്നും സി.പി.ഐ.എം ആവശ്യപ്പെട്ടു.
അത്തരം അന്തരീക്ഷം തുടർന്നു പോകുന്നത് അക്കാദമിക രംഗത്തെ സമാധാനത്തിന് ഉതകുന്നതല്ല. സത്യാവസ്ഥ മനസിലാക്കി സർവകലാശാലകളുടെ പ്രവർത്തനം സമാധാനപൂർണമാക്കാൻ ചാൻസലറായ ഗവർണർ മുന്നോട്ടുവരണം.
Story Highlights : ‘Stop politicizing universities’: CPI(M)
Story Highlights: സർവകലാശാലകളെ രാഷ്ട്രീയവൽക്കരിക്കുന്നത് അവസാനിപ്പിക്കണമെന്ന് സിപിഐ(എം) സംസ്ഥാന സെക്രട്ടറിയേറ്റ് പ്രസ്താവനയിൽ ആവശ്യപ്പെട്ടു.
പ്രായപരിധിയുടെ പേരിലുള്ള ഒഴിവാക്കൽ സ്വാഭാവികമാണെന്ന് സിപിഐഎം ദേശീയ ജനറൽ സെക്രട്ടറി എം എ Read more
ആലപ്പുഴയിലെ സിപിഐഎം നേതൃത്വവുമായി നിലനിൽക്കുന്ന അതൃപ്തിയെത്തുടർന്ന് വി.എസ്. അച്യുതാനന്ദൻ സ്മാരക പുരസ്കാര ചടങ്ങിൽ Read more
സിപിഐഎം നേതാവ് ഡോ. പി. സരിൻ, ശിരോവസ്ത്ര വിലക്കുമായി ബന്ധപ്പെട്ട് മുസ്ലിം ലീഗിനെയും Read more
സി.പി.ഐ.എം നേതാവ് ജി. സുധാകരനെതിരായ പാർട്ടി രേഖ ചോർന്ന സംഭവത്തിൽ ജില്ലാ നേതൃത്വം Read more
തനിക്കെതിരായ പാർട്ടി രേഖ ചോർന്ന സംഭവത്തിൽ സി.പി.ഐ.എം ജില്ലാ നേതൃത്വത്തിന് പരാതി നൽകി Read more
യൂത്ത് കോൺഗ്രസ് ഉദയംപേരൂർ മണ്ഡലം പ്രസിഡന്റ് അഖിൽ രാജ് സിപിഐഎമ്മിൽ ചേർന്നു. വി.ഡി. Read more
ജി. സുധാകരനെതിരായ അച്ചടക്ക നടപടിയുടെ പാർട്ടി രേഖ പുറത്ത്. 2021-ലെ നിയമസഭാ തിരഞ്ഞെടുപ്പ് Read more
കേരള സർവകലാശാലയിൽ രജിസ്ട്രാർ അനിൽ കുമാറിനെതിരെ വിസി ഡോ. മോഹനൻ കുന്നുമ്മൽ അന്വേഷണത്തിന് Read more
ആറന്മുള ക്ഷേത്രത്തിലെ ആചാരലംഘന വിവാദത്തിൽ വിശദീകരണവുമായി സിപിഐഎം രംഗത്ത്. ദേവസ്വം മന്ത്രിക്ക് ഭഗവാന് Read more
ഇസ്രായേൽ വെടിനിർത്തൽ ലംഘിക്കില്ലെന്ന് ഉറപ്പാക്കാൻ അന്താരാഷ്ട്ര സമൂഹം ശ്രദ്ധിക്കണമെന്ന് സിപിഐഎം പൊളിറ്റ് ബ്യൂറോ Read more
