കേരളത്തിലെ പ്രമുഖ സർവകലാശാലകൾ നാലുവർഷ ബിരുദ പരീക്ഷയുടെ ഒന്നാം സെമസ്റ്റർ ഫലങ്ങൾ അതിവേഗം പ്രസിദ്ധീകരിച്ചു. സർക്കാർ നിർദേശിച്ച സമയക്രമത്തിനു മുമ്പേ തന്നെ കാലിക്കറ്റ് സർവകലാശാല അടക്കമുള്ള എല്ലാ പ്രധാന സർവകലാശാലകളും ഫലം പുറത്തുവിട്ടു. ഇത് കേരളത്തിന്റെ ഉന്നതവിദ്യാഭ്യാസ മേഖലയിലെ പരിഷ്കരണങ്ങൾക്ക് സുവർണ്ണ കിരീടം ചാർത്തുന്നതാണെന്ന് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ.
ബിന്ദു അഭിപ്രായപ്പെട്ടു. കാലിക്കറ്റ് സർവകലാശാലയുടെ ഫലപ്രഖ്യാപനം പ്രത്യേക പ്രശംസ അർഹിക്കുന്നതാണെന്ന് മന്ത്രി പറഞ്ഞു. ഏറ്റവും കൂടുതൽ വിദ്യാർത്ഥികൾ (58,000) പരീക്ഷയെഴുതിയ സർവകലാശാലയാണ് കാലിക്കറ്റ്. കേരള സർവകലാശാല പ്രാക്ടിക്കൽ പരീക്ഷ കഴിഞ്ഞ് രണ്ട് ദിവസത്തിനുള്ളിൽ 24,000 വിദ്യാർത്ഥികളുടെ ഫലം പ്രസിദ്ധീകരിച്ചു.
എം. ജി. സർവകലാശാല അഞ്ച് ദിവസം കൊണ്ട് 17,000 പരീക്ഷാർത്ഥികളുടെ ഫലം പുറത്തുവിട്ടു. കണ്ണൂർ സർവകലാശാല 12 ദിവസത്തിനുള്ളിൽ ഫലം പ്രഖ്യാപിച്ചതോടൊപ്പം വിദ്യാർത്ഥികളുടെ മാർക്ക് ലിസ്റ്റും ഓൺലൈനിൽ ലഭ്യമാക്കി.
ഉന്നതവിദ്യാഭ്യാസ സമഗ്രപരിഷ്കരണ കമ്മീഷന്റെ പ്രധാന നിർദേശങ്ങളിലൊന്നായിരുന്നു വേഗത്തിലുള്ള ഫലപ്രഖ്യാപനം. ഏകീകൃത അക്കാദമിക് കലണ്ടർ പ്രകാരം 30 ദിവസത്തിനകം ഫലം പ്രസിദ്ധീകരിക്കണമെന്ന് മന്ത്രി പ്രത്യേകം നിർദേശിച്ചിരുന്നു. സർക്കാരിന്റെ ആസൂത്രണങ്ങളെയും നിർദേശങ്ങളെയും സർവകലാശാലാ സമൂഹം പൂർണമായി ഉൾക്കൊണ്ട് പ്രവർത്തിച്ചതിന്റെ ഫലമാണ് ഈ വിജയമെന്ന് മന്ത്രി ഡോ. ബിന്ദു വ്യക്തമാക്കി.
ഈ നേട്ടത്തിന് സർവകലാശാലാ സമൂഹത്തെ മന്ത്രി അഭിനന്ദിച്ചു. പ്രത്യേകിച്ച് സർവകലാശാലാ ജീവനക്കാരുടെ കഠിനാധ്വാനത്തെ അവർ പ്രശംസിച്ചു. കോളേജ് തലത്തിൽ പരീക്ഷ നടത്തി, മൂല്യനിർണയം പൂർത്തിയാക്കി, കൃത്യതയോടെ മാർക്കുകൾ ലഭ്യമാക്കുന്നതിൽ വിവിധ കോളേജുകളിലെ നേതൃത്വങ്ങളും അധ്യാപക-അനധ്യാപക ജീവനക്കാരും നൽകിയ പിന്തുണയ്ക്കും മന്ത്രി നന്ദി രേഖപ്പെടുത്തി. ഇത് കേരളത്തിന്റെ ഉന്നതവിദ്യാഭ്യാസ മേഖലയിലെ ഒരു പുതിയ അധ്യായത്തിന്റെ തുടക്കമാണെന്ന് മന്ത്രി കൂട്ടിച്ചേർത്തു.
Story Highlights: Kerala universities announce first semester results of four-year degree programs ahead of schedule, marking a significant achievement in higher education reforms.
രാജീവ് ഗാന്ധി അക്കാദമി ഫോർ ഏവിയേഷൻ ടെക്നോളജിയിൽ വ്യോമയാന കോഴ്സുകൾക്ക് അവസരം. കൊമേഴ്സ്യൽ Read more
2025-26 അധ്യയന വർഷത്തിലെ ബി.എസ്.സി നഴ്സിംഗ് കോഴ്സുകളിലേക്കുള്ള സ്പെഷ്യൽ അലോട്ട്മെൻ്റ് നവംബർ 13-ന് Read more
പി.എം. ശ്രീ പദ്ധതിയുമായി ബന്ധപ്പെട്ട് സംസ്ഥാന സർക്കാർ സ്വീകരിച്ച നിലപാട് കേന്ദ്രമന്ത്രിയെ അറിയിച്ചതായി Read more
വിദ്യാഭ്യാസ മന്ത്രി വി. ശിവൻകുട്ടി ഇന്ന് കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാനുമായി Read more
വന്ദേ ഭാരത് ട്രെയിനിൽ കുട്ടികൾ ആർഎസ്എസ് ഗണഗീതം പാടിയ സംഭവത്തിൽ വിശദീകരണവുമായി എളമക്കര Read more
2025-26 അധ്യയന വർഷത്തിലെ ബി.എസ്.സി നഴ്സിംഗ് കോഴ്സുകളിലേക്ക് എസ്.സി/എസ്.ടി വിഭാഗക്കാർക്കുള്ള സ്പോട്ട് അലോട്ട്മെൻ്റ് Read more
സംസ്ഥാനത്തെ പൊതുവിദ്യാഭ്യാസ വകുപ്പ് സംഘടിപ്പിക്കുന്ന പരിപാടികളിൽ പൊതുവായ സ്വാഗതഗാനം വേണ്ടെന്ന നിലപാടുമായി മന്ത്രി Read more
രണ്ട് വർഷത്തിന് ശേഷം എസ്എസ്കെ ഫണ്ടിന്റെ ആദ്യ ഗഡു ലഭിച്ചെന്ന് മന്ത്രി വി Read more
കാലിക്കറ്റ് സർവകലാശാല വിസി നിയമനവുമായി ബന്ധപ്പെട്ട് രാജ്ഭവൻ മുന്നോട്ട് പോകുന്നു. സെർച്ച് കമ്മിറ്റിയിൽ Read more
പി.എം. ശ്രീ പദ്ധതി മരവിപ്പിച്ച മന്ത്രിസഭാ തീരുമാനത്തിന് പിന്നാലെ എസ്എസ്കെ ഫണ്ട് നേടിയെടുക്കാൻ Read more
