Kerala to Train 1500 Health Volunteers Amid ASHA Workers' Strike

ആശാ വർക്കേഴ്സിന്റെ സമരം നേരിടാൻ ആരോഗ്യ വകുപ്പ് ഹെൽത്ത് വളണ്ടിയർമാരെ നിയമിക്കാനൊരുങ്ങുന്നു. സമരത്തിൽ പങ്കെടുക്കുന്ന ആശാ വർക്കേഴ്സിന്റെ എണ്ണം 1800 ആണെന്ന് ആരോഗ്യ വകുപ്പ് കണക്കുകൾ വ്യക്തമാക്കുന്നു. കുട്ടികൾക്കുള്ള പ്രതിരോധ കുത്തിവയ്പ്പ് ഉൾപ്പെടെയുള്ള പ്രവർത്തനങ്ങൾ മുടങ്ങുന്ന സാഹചര്യത്തിലാണ് ബദൽ സംവിധാനമൊരുക്കാൻ ആരോഗ്യ വകുപ്പ് തീരുമാനിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നാഷണൽ ഹെൽത്ത് മിഷന്റെ നിർദ്ദേശപ്രകാരമാണ് ഈ നടപടി. ആദ്യഘട്ടത്തിൽ 1500 ഹെൽത്ത് വളണ്ടിയർമാർക്ക് പരിശീലനം നൽകാനാണ് ആരോഗ്യ വകുപ്പിന്റെ ലക്ഷ്യം. തിരുവനന്തപുരം, കൊല്ലം ജില്ലകളിൽ 250 പേർക്ക് വീതം പരിശീലനം നൽകും.

കോട്ടയം, പാലക്കാട് ജില്ലകളിൽ 200 പേർക്ക് വീതവും പരിശീലനം നൽകും. ഇതിനായി 11 ലക്ഷത്തി എഴുപതിനായിരം രൂപ അനുവദിച്ചിട്ടുണ്ട്. 50 പേർ വീതമുള്ള 30 ബാച്ചുകളായാണ് പരിശീലനം നടത്തുക.

ആശാ വർക്കേഴ്സിന്റെ സമരം മൂലം ആരോഗ്യ രംഗത്ത് ഉണ്ടാകുന്ന പ്രതിസന്ധി പരിഹരിക്കുകയാണ് ഈ നടപടിയുടെ പ്രധാന ലക്ഷ്യം. സമരം നീണ്ടുപോയാൽ ജനങ്ങളുടെ ആരോഗ്യ സുരക്ഷയെ ബാധിക്കുമെന്ന ആശങ്കയും ആരോഗ്യ വകുപ്പ് പങ്കുവയ്ക്കുന്നു.

രാഹുൽ വിഷയത്തിൽ പ്രതികരണവുമായി കെ.സി. വേണുഗോപാൽ

Story Highlights: Kerala Health Department plans to train 1500 health volunteers to address the ongoing ASHA workers’ strike.

ആശാവർക്കർമാരുടെ ഓണറേറിയം വർദ്ധിപ്പിച്ചു; ഉത്തരവിറങ്ങി