കേരള സൂപ്പർ ലീഗിന്റെ ഫൈനലിനു ശേഷം സോഷ്യൽ മീഡിയയിൽ വൈറലായ ഒരു വീഡിയോയാണ് ഇപ്പോൾ ചർച്ചയാകുന്നത്. കോഴിക്കോട് ഇ.എം.എസ് സ്റ്റേഡിയത്തിൽ നടന്ന മത്സരത്തിൽ ബേസിൽ ജോസഫിന്റെ കാലിക്കറ്റ് എഫ്.സിയും പൃഥ്വിരാജിന്റെ ഫോഴ്സാ കൊച്ചിയും തമ്മിലായിരുന്നു പോരാട്ടം. 2-0 എന്ന സ്കോറിന് കാലിക്കറ്റ് എഫ്.സി കിരീടം നേടി.
മത്സരാനന്തരം നടന്ന മെഡൽ വിതരണ ചടങ്ങിൽ എല്ലാ കളിക്കാരും പൃഥ്വിരാജിന്റെ കൈയിൽ നിന്ന് മാത്രമാണ് മെഡൽ സ്വീകരിച്ചത്. ബേസിലിനെ ആരും ശ്രദ്ധിക്കാതെ പോകുന്നതും വീഡിയോയിൽ കാണാം. ഈ വീഡിയോയെ ടൊവിനോയും സഞ്ജു സാംസണും ട്രോളിയതാണ് സോഷ്യൽ മീഡിയയിലെ പ്രധാന വിഷയമായത്.
സഞ്ജു സാംസൺ തണ്ണീർമത്തൻ ദിനങ്ങളിലെ ‘എന്ത് വിധിയിത്’ എന്ന പാട്ട് വീഡിയോയ്ക്ക് പശ്ചാത്തലമാക്കി ഇൻസ്റ്റഗ്രാം സ്റ്റോറി ഇട്ടു. ടൊവിനോ വീഡിയോയെ കളിയാക്കി ചിരിക്കുന്ന കമന്റിട്ടപ്പോൾ, ‘നീ പക പോക്കുകയാണല്ലേ’ എന്ന ബേസിലിന്റെ മറുപടിയും വൈറലായി. നേരത്തെ ടൊവിനോയുടെ ‘മരണമാസ്’ എന്ന ചിത്രത്തിന്റെ പൂജയ്ക്കിടെ ബേസിൽ ടൊവിനോയെ ട്രോളിയ സംഭവവും സോഷ്യൽ മീഡിയയിൽ ചർച്ചയായിരുന്നു.
Story Highlights: Basil Joseph’s video with Prithviraj goes viral, Tovino and Sanju Samson troll the latest video on social media
