Kerala's M.K. Rafiqa to Present at Thailand National Health Assembly

തായ്ലാൻഡ് സർക്കാരിന്റെ ആരോഗ്യ വകുപ്പിന് കീഴിൽ നടക്കുന്ന 17-ാമത് നാഷണൽ ഹെൽത്ത് അസംബ്ലിയിൽ കേരളത്തെ പ്രതിനിധീകരിച്ച് മലപ്പുറം ജില്ലാ പഞ്ചായത്ത് പ്രസിഡന്റ് എം. കെ. റഫീഖ സംബന്ധിക്കും. നവംബർ 26 മുതൽ 28 വരെ ബാങ്കോക്കിൽ നടക്കുന്ന ഈ പരിപാടിയിൽ കേരളത്തിലെയും മലപ്പുറം ജില്ലയിലെയും ആരോഗ്യ രംഗത്തെ ഇടപെടലുകളെ കുറിച്ച് റഫീഖ പ്രബന്ധം അവതരിപ്പിക്കും. തായ്ലൻഡ് പ്രധാനമന്ത്രി അധ്യക്ഷനായിട്ടുള്ള നാഷണൽ ഹെൽത്ത് കമ്മീഷനാണ് എല്ലാ വർഷവും ഈ അസംബ്ലി സംഘടിപ്പിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അധികാര വികേന്ദ്രീകരണം വഴി ആരോഗ്യമേഖലയിൽ തദ്ദേശ സ്വയംഭരണ സ്ഥാപനങ്ങൾ നടപ്പിലാക്കുന്ന ഇടപെടലുകളും, രീതികളും, പ്രവർത്തനങ്ങളും റഫീഖയുടെ പ്രബന്ധത്തിൽ വിശദീകരിക്കും. ആരോഗ്യ മേഖലയിലെ സാമൂഹിക പങ്കാളിത്തത്തെകുറിച്ചുള്ള ലോക ആരോഗ്യ സംഘടനയുടെ പ്രമേയത്തിനനുസൃതമായി ആഗോള പ്രവർത്തന പദ്ധതി വികസിപ്പിക്കുകയും, പ്രാവർത്തികമാക്കുകയും ചെയ്യുക എന്നതാണ് ഈ അസംബ്ലിയുടെ ഉദ്ദേശലക്ഷ്യം.

കേരളത്തിന്റെയും മലപ്പുറം ജില്ലയുടെയും ആരോഗ്യരംഗത്തെ നേട്ടങ്ങൾ അന്താരാഷ്ട്ര തലത്തിൽ അവതരിപ്പിക്കാൻ ലഭിക്കുന്ന ഏറ്റവും വലിയ അവസരമാണിത്. ഇന്ത്യയിൽ നിന്ന് ആകെ രണ്ട് പേരാണ് അസംബ്ലിയിൽ സംബന്ധിക്കുന്നത്. തമിഴ്നാട്ടിൽ നിന്നുള്ള സൊസൈറ്റി ഫോർ കമ്മ്യൂണിറ്റി ഹെൽത്ത് അവയർനസ് റിസർച്ച് ആൻഡ് ആക്ഷന്റെ സി.ഇ.ഒ സുരേഷ് ദണ്ഡപാണി ആണ് മറ്റൊരാൾ. സാമൂഹിക പങ്കാളിത്തം ഫലപ്രദമായി വിനിയോഗിച്ച് മലപ്പുറം ജില്ലയിൽ നടപ്പിലാക്കിയ മികച്ച പദ്ധതികൾ സമ്മേളനത്തിൽ അവതരിപ്പിക്കാൻ കഴിയുമെന്ന് റഫീഖ പറഞ്ഞു.

കീഴ്വായ്പൂരിൽ പൊലീസുകാരന്റെ ഭാര്യ തീകൊളുത്തിയ ആശാവർ provർProvത്തക മരിച്ചു; പ്രതിക്കെതിരെ നരഹത്യക്ക് കേസ്

Story Highlights: M. K. Rafiqa to represent Kerala at Thailand’s National Health Assembly, presenting on local health initiatives

അമീബിക് മസ്തിഷ്ക ജ്വരം: തിരുവനന്തപുരത്ത് വയോധിക മരിച്ചു