Kerala Minister VN Vasavan claims credit for seaplane project idea

കേരളത്തിലെ സീപ്ലെയിൻ പദ്ധതിയുമായി ബന്ധപ്പെട്ട് മന്ത്രി വി എൻ വാസവൻ തന്റെ അവകാശവാദം ഉന്നയിച്ചിരിക്കുകയാണ്. ഫേസ്ബുക്ക് പോസ്റ്റിലൂടെയാണ് മന്ത്രി ഈ അവകാശവാദം മുന്നോട്ട് വെച്ചത്. 2010-ൽ നിയമസഭയിൽ താൻ കൊണ്ടുവന്ന ശ്രദ്ധ ക്ഷണിക്കൽ പ്രമേയത്തിന്റെ അടിസ്ഥാനത്തിലാണ് സർക്കാർ ഈ പദ്ധതിയെക്കുറിച്ച് പരിശോധനയും പഠനവും നടത്തിയതെന്ന് മന്ത്രി പറയുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അന്നത്തെ ടൂറിസം മന്ത്രി കോടിയേരി ബാലകൃഷ്ണൻ ഈ പദ്ധതിക്ക് പ്രത്യേക താൽപര്യം കാണിച്ചെന്നും, എന്നാൽ പ്രതിപക്ഷം ഇതിനെ എതിർത്തെന്നും വാസവൻ ചൂണ്ടിക്കാട്ടി. പ്രത്യേകിച്ച് ജി കാർത്തികേയൻ നിയമസഭയിൽ പദ്ധതിയെ എതിർത്തതായും അദ്ദേഹം ഓർമിപ്പിച്ചു. ഇപ്പോൾ സീപ്ലെയിൻ പദ്ധതി യാഥാർത്ഥ്യമാകുന്നതിൽ തനിക്ക് ചാരിതാർത്ഥ്യമുണ്ടെന്ന് മന്ത്രി കുറിച്ചു.

കാലങ്ങൾക്ക് മുമ്പ് മുന്നോട്ടുവച്ച ആശയം ഇപ്പോൾ പൂർണതയിലേക്ക് നീങ്ങുമ്പോൾ, അതിനുവേണ്ടിയുള്ള പഠനങ്ങളുടെ ചുക്കാൻ പിടിക്കാൻ കഴിഞ്ഞതിൽ ആത്മസംതൃപ്തിയുണ്ടെന്നും മന്ത്രി പറഞ്ഞു. കേരളത്തിന്റെ വികസന സ്വപ്നങ്ങൾക്ക് പുതിയ മാനങ്ങൾ നൽകി സീപ്ലെയിൻ പറന്നുയരുന്നത് പൊതുപ്രവർത്തകൻ എന്ന നിലയിൽ തനിക്ക് ഏറെ സന്തോഷം നൽകുന്നുവെന്നും അദ്ദേഹം കൂട്ടിച്ചേർത്തു.

കോട്ടയം മെഡിക്കൽ കോളേജ് അപകടം: മരിച്ച ബിന്ദുവിന്റെ വീട് സന്ദർശിച്ച് മന്ത്രി വി.എൻ. വാസവൻ

Story Highlights: Minister VN Vasavan claims he proposed the seaplane project idea in Kerala Assembly in 2010