Kerala's High Loan Liability: A Sign of Financial Progress?

കേരളത്തിലെ ജനസംഖ്യയുടെ മൂന്നിലൊന്ന് പേർ വായ്പാ ബാധ്യതയുള്ളവരാണെന്ന് കേന്ദ്ര സർക്കാരിന്റെ പഠന റിപ്പോർട്ട് വെളിപ്പെടുത്തുന്നു. നാഷണൽ സാംപിൾ സർവേയുടെ 79-ാമത് സി.എ.എം.എസ് റിപ്പോർട്ട് (2022-23) പ്രകാരം, കേരളത്തിൽ ലക്ഷം ജനങ്ങളിൽ 33,859 പേർക്ക് 500 രൂപയ്ക്ക് മേലെ കടബാധ്യതയുണ്ട്. ഇത് ദേശീയ ശരാശരിയായ 18,322-നേക്കാൾ ഉയർന്നതാണ്. എന്നാൽ, ഈ കണക്ക് അത്ര മോശമല്ലെന്നും സംസ്ഥാനത്തെ ജനങ്ങൾ തിരിച്ചടവ് ശേഷിയുള്ളവരാണെന്ന് തെളിയിക്കുന്നതാണെന്നും വിദഗ്ധർ വിലയിരുത്തുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേരളത്തിൽ ജനങ്ങൾക്ക് സാമ്പത്തിക സഹായം എളുപ്പത്തിൽ ലഭിക്കുന്ന വിധത്തിൽ ധനകാര്യ സ്ഥാപനങ്ങളുണ്ടെന്നും ഇത് പുരോഗതിയുള്ള പ്രദേശത്തെ സൂചിപ്പിക്കുന്നുവെന്നും സാമ്പത്തിക വിദഗ്ധർ അഭിപ്രായപ്പെടുന്നു. വായ്പയെടുക്കുന്നവരിൽ ലക്ഷത്തിൽ 24,214 പുരുഷന്മാരും 12,275 സ്ത്രീകളുമാണ്. 2022 ജൂലൈ മുതൽ 2023 ജൂൺ വരെയുള്ള കാലയളവിലെ കണക്കുകൾ വിലയിരുത്തിയാണ് ഈ റിപ്പോർട്ട് തയ്യാറാക്കിയിരിക്കുന്നത്.

ദുബായിൽ സെക്യൂരിറ്റി ജോലികൾക്ക് അവസരം; ഒഡാപെക് വഴി റിക്രൂട്ട്മെന്റ് നടത്തുന്നു

ദക്ഷിണേന്ത്യൻ സംസ്ഥാനങ്ങളാണ് ഈ കണക്കിൽ മുന്നിൽ നിൽക്കുന്നത്. ആന്ധ്രയാണ് പട്ടികയിൽ ഒന്നാമത്, അവിടെ ലക്ഷത്തിൽ 60,092 പേർ കടബാധ്യത നേരിടുന്നു. ഓൺലൈൻ ബാങ്കിങ് ഇടപാടുകളിൽ കേരളം (53.9%) മുന്നിലാണ്, ദേശീയ ശരാശരി 37.8 ശതമാനം മാത്രമാണ്. ഇത് കേരളത്തിലെ ജനങ്ങളുടെ സാമ്പത്തിക സാക്ഷരതയും ഡിജിറ്റൽ സാങ്കേതിക വിദ്യയോടുള്ള താൽപര്യവും വ്യക്തമാക്കുന്നു.

Story Highlights: One-third of Kerala’s population has loan liabilities, but experts say this indicates good repayment capacity

വിഴിഞ്ഞം തുറമുഖം: നാല് മാസത്തിനുള്ളിൽ 46 കപ്പലുകൾ, 7.4 കോടി രൂപ ജിഎസ്ടി വരുമാനം