Kerala Landslide Rescue Mission: Government Expenditure Details Revealed

മുണ്ടകൈ ചൂരൽമല ഉരുൾപൊട്ടൽ രക്ഷാ ദൗത്യത്തിന്റെ വരവ് ചെലവു കണക്കുകൾ സർക്കാർ പുറത്തുവിട്ടു. ദുരിതബാധിതർക്ക് നൽകിയതിനേക്കാൾ കൂടുതൽ തുക വൊളണ്ടിയർമാർക്കാണ് ചെലവഴിച്ചതെന്ന് കണക്കുകൾ വ്യക്തമാക്കുന്നു. വൊളണ്ടിയർമാരുടെ വാഹന ചെലവിനും ഭക്ഷണത്തിനുമായി 14 കോടി രൂപ ചെലവാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇതിൽ ഗതാഗതത്തിന് മാത്രം 4 കോടി രൂപയാണ് ചെലവായത്. 359 മൃതദേഹങ്ങൾ സംസ്കരിക്കുന്നതിന് 2 കോടി 76 ലക്ഷം രൂപ ചെലവിട്ടു. ഒരു മൃതദേഹം സംസ്കരിക്കുന്നതിന് 75,000 രൂപ ചിലവായെന്നാണ് സർക്കാർ കണക്ക്.

ദുരിതാശ്വാസ ക്യാമ്പുകളിലെ ജനറേറ്റർ ചെലവ് 7 കോടി രൂപയാണെന്ന് കോടതി റിപ്പോർട്ടിൽ പരാമർശിക്കുന്നു. വോളണ്ടിയർമാർക്ക് യൂസർ കിറ്റ് നൽകിയ വകയിൽ 2 കോടി 98 ലക്ഷം രൂപ ചെലവായി. ഇന്ത്യൻ എയർ ഫോഴ്സിന് എയർ ലിഫ്റ്റിംഗ് ഹെലികോപ്റ്റർ ചാർജ്ജായി 17 കോടി രൂപ നൽകി.

ദുരിതബാധിതരെ ഒഴിപ്പിക്കാൻ വാഹനങ്ങൾ ഉപയോഗിച്ച വകയിൽ 12 കോടി രൂപ ചെലവായി. മിലിട്ടറി/വോളണ്ടിയർമാരുടെ താമസ സൗകര്യങ്ങൾക്ക് 15 കോടി രൂപയും ഭക്ഷണ-ജല ആവശ്യങ്ങൾക്ക് 10 കോടി രൂപയും ചെലവഴിച്ചു. ജെസിബി, ഹിറ്റാച്ചി, ക്രെയിൻ എന്നിവയ്ക്ക് 15 കോടി രൂപ ചെലവായി.

മോഹൻലാലിനെ സംസ്ഥാന സർക്കാർ ആദരിക്കുന്നു; പ്രവേശനം സൗജന്യം

ദുരിതാശ്വാസ ക്യാമ്പിലെ ഭക്ഷണത്തിന് 8 കോടി രൂപയും വസ്ത്രങ്ങൾക്ക് 11 കോടി രൂപയും ചെലവഴിച്ചു. മെഡിക്കൽ പരിശോധനയ്ക്ക് 8 കോടി രൂപയും ഡ്രോൺ റഡാർ വാടകയ്ക്ക് 3 കോടി രൂപയും ഡിഎൻഎ പരിശോധനയ്ക്ക് 3 കോടി രൂപയും ചെലവാക്കി.

Story Highlights: Kerala government releases expenditure details for Mundakayam Churalmala landslide rescue mission, showing higher spending on volunteers than victims.

മോഹൻലാലിനെ സംസ്ഥാന സർക്കാർ ആദരിക്കുന്നു; പ്രവേശനം സൗജന്യം