Kerala Journalists Union Slams Suresh Gopi's Media Behavior

കേരള പത്ര പ്രവര്ത്തക യൂണിയന് (കെ. യു. ഡബ്ല്യു. ജെ) കേന്ദ്രമന്ത്രി സുരേഷ് ഗോപിയുടെ മാധ്യമപ്രവര്ത്തകരോടുള്ള പെരുമാറ്റത്തെ കടുത്ത ഭാഷയില് വിമര്ശിച്ചിരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മാധ്യമപ്രവര്ത്തകരോട് തുടര്ച്ചയായി അപമാനകരമായും ധിക്കാരപരമായും പെരുമാറുന്ന സുരേഷ് ഗോപിയുടെ നിലപാട് അപലപനീയമാണെന്ന് യൂണിയന് വ്യക്തമാക്കി. ചോദ്യങ്ങളോട് പ്രതികരിക്കാതിരിക്കാന് ആര്ക്കും അവകാശമുണ്ടെങ്കിലും, മാന്യതയ്ക്ക് നിരക്കാത്ത വിധത്തിലാണ് സുരേഷ് ഗോപി ആവര്ത്തിച്ചു പെരുമാറുന്നതെന്ന് കെ. യു. ഡബ്ല്യു.

ജെ ചൂണ്ടിക്കാട്ടി. കേന്ദ്രമന്ത്രിയുടെ ശരീരഭാഷയിലും ശബ്ദത്തിലും കടുത്ത അവജ്ഞയും ധിക്കാരവുമാണ് പ്രകടമാകുന്നതെന്ന് യൂണിയന് വിമര്ശിച്ചു. ചോദ്യം ചോദിക്കുന്നവരോട് ‘മൂവ് ഔട്ട്’ എന്ന് കയര്ക്കുന്നതിലൂടെ സ്വന്തം രാഷ്ട്രീയ പരിസരത്തുനിന്ന് ജനാധിപത്യ മൂല്യങ്ങളെ ആട്ടിപ്പായിക്കാനാണ് കേന്ദ്രമന്ത്രി ശ്രമിക്കുന്നതെന്നും യൂണിയന് കുറ്റപ്പെടുത്തി. തട്ടുപൊളിപ്പന് സിനിമയിലെ നായക വേഷത്തിന്റെ കെട്ട് വിടാത്ത മട്ടിലുള്ള ഈ പെരുമാറ്റം കേരളത്തിലെ രാഷ്ട്രീയ നേതൃത്വം പൊതുവെ പിന്തുടരുന്ന മാന്യമായ മാധ്യമ സമീപനത്തിന് തീര്ത്തും വിരുദ്ധമാണെന്നും യൂണിയന് വ്യക്തമാക്കി.

ജനാധിപത്യ വ്യവസ്ഥയില് മാധ്യമങ്ങളോടുള്ള സമീപനം എന്തായിരിക്കണമെന്ന് കുറഞ്ഞപക്ഷം കേരളത്തിലെ സ്വന്തം പാര്ട്ടിയിലെ മുതിര്ന്ന നേതാക്കളില് നിന്നെങ്കിലും സുരേഷ് ഗോപി ചോദിച്ചു മനസ്സിലാക്കണമെന്ന് കെ. യു. ഡബ്ല്യു. ജെ ആവശ്യപ്പെട്ടു.

തദ്ദേശ തിരഞ്ഞെടുപ്പിൽ ശബരിമല പ്രചാരണ വിഷയമാക്കില്ലെന്ന് സുരേഷ് ഗോപി

സാംസ്കാരിക കേരളത്തിന്റെ ജനാധിപത്യ മൂല്യങ്ങള്ക്ക് നിരക്കാത്ത സമീപനം തിരുത്താന് സുരേഷ് ഗോപി തയാറാവുന്നില്ലെങ്കില് തിരുത്തിക്കാന് പാര്ട്ടി നേതൃത്വം മുന്നിട്ടിറങ്ങണമെന്ന് യൂണിയന് പ്രസിഡന്റ് കെ. പി റജിയും ജനറല് സെക്രട്ടറി സുരേഷ് എടപ്പാളും ആവശ്യപ്പെട്ടു.

Story Highlights: Kerala Union of Working Journalists criticizes Union Minister Suresh Gopi for disrespectful behavior towards media

തദ്ദേശ തിരഞ്ഞെടുപ്പിൽ ശബരിമല പ്രചാരണ വിഷയമാക്കില്ലെന്ന് സുരേഷ് ഗോപി