Kerala Higher Secondary SET 2025: Online Registration Begins

ഹയർ സെക്കണ്ടറി, നോൺ വൊക്കേഷണൽ ഹയർസെക്കണ്ടറി അധ്യാപക നിയമനത്തിനുള്ള സ്റ്റേറ്റ് എലിജിബിലിറ്റി ടെസ്റ്റിന് (SET JULY 2025) ഓൺലൈനായി അപേക്ഷിക്കാം. 2025 ഏപ്രിൽ 28 മുതൽ http://www.lbscentre.kerala.gov.in എന്ന വെബ്സൈറ്റിൽ രജിസ്ട്രേഷൻ ആരംഭിക്കും. എൽബിഎസ്. സെന്റർ ഫോർ സയൻസ് ആന്റ് ടെക്നോളജിയാണ് പരീക്ഷ നടത്തുന്നത്. സർക്കാർ ഉത്തരവ് G.O.(Rt) No.2875/2025/2025/GEDN പ്രകാരമാണ് എൽബിഎസ് സെന്ററിനെ ചുമതലപ്പെടുത്തിയിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരീക്ഷയുടെ പ്രോസ്പെക്ടസും സിലബസും എൽ ബി എസ് സെന്ററിന്റെ വെബ്സൈറ്റിൽ ലഭ്യമാണ്. ബിരുദാനന്തര ബിരുദ പരീക്ഷയിൽ 50 ശതമാനത്തിൽ കുറയാതെ മാർക്കും ബി.എഡും ആണ് അടിസ്ഥാന യോഗ്യത. എസ്.സി./എസ്.ടി./പി.ഡബ്ലിയു.ഡി. വിഭാഗങ്ങൾക്ക് 5% മാർക്ക് ഇളവ് ലഭിക്കും.

ചില പ്രത്യേക വിഷയങ്ങളിൽ ബിരുദാനന്തര ബിരുദമുള്ളവർക്ക് ബി.എഡ്. നിർബന്ധമില്ല. LTTC, DLED തുടങ്ങിയ ട്രെയിനിംഗ് കോഴ്സുകൾ വിജയിച്ചവരെയും പരിഗണിക്കും. ജനറൽ, ഒ.ബി.സി. വിഭാഗങ്ങൾക്ക് 1300 രൂപയും എസ്.സി./എസ്.ടി./പി.ഡബ്ലിയു.ഡി. വിഭാഗങ്ങൾക്ക് 750 രൂപയുമാണ് പരീക്ഷാ ഫീസ്.

ഫ്രാൻസിസ് മാർപ്പാപ്പയുടെ വിയോഗം; പുതിയ മാർപ്പാപ്പയെ തിരഞ്ഞെടുക്കാൻ കോൺക്ലേവ്

പരീക്ഷാ ഫീസ് ഓൺലൈനായി അടയ്ക്കണം. ഓൺലൈൻ രജിസ്ട്രേഷന്റെ അവസാന തീയതി 2025 മേയ് 28 ന് വൈകുന്നേരം 5 മണിയാണ്. വിശദവിവരങ്ങൾക്ക് http://www.lbscentre.kerala.gov.in എന്ന വെബ്സൈറ്റ് സന്ദർശിക്കുക.

സെറ്റ് പരീക്ഷ വിജയിക്കുന്നവർ അപേക്ഷയോടൊപ്പം ജാതി, വരുമാനം എന്നിവ തെളിയിക്കുന്ന സർട്ടിഫിക്കറ്റുകൾ ഹാജരാക്കണം. പി.ഡബ്ലിയു.ഡി. വിഭാഗത്തിൽപ്പെട്ടവർ മെഡിക്കൽ സർട്ടിഫിക്കറ്റിന്റെ ഗസറ്റഡ് ഓഫീസർ സാക്ഷ്യപ്പെടുത്തിയ പകർപ്പ് സമർപ്പിക്കണം. ഒ.ബി.സി. വിഭാഗത്തിൽപ്പെടുന്നവർ 2024 ഏപ്രിൽ 29 നും 2025 ജൂൺ 4 നും ഇടയിൽ ലഭിച്ച നോൺ ക്രീമിലെയർ സർട്ടിഫിക്കറ്റ് ഹാജരാക്കണം.

പി.ഡബ്ലിയു.ഡി. വിഭാഗത്തിൽപ്പെടുന്നവർ മെഡിക്കൽ സർട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകർപ്പ് 2025 ജൂൺ 2-ന് മുൻപ് തിരുവനന്തപുരം എൽ പി എസ് സെന്ററിൽ സമർപ്പിക്കണം. 2025 ജൂലൈയിൽ നടക്കുന്ന SET പരീക്ഷയ്ക്ക് അപേക്ഷിക്കാൻ ആഗ്രഹിക്കുന്നവർ വെബ്സൈറ്റ് സന്ദർശിച്ച് നിർദ്ദേശങ്ങൾ പാലിക്കേണ്ടതാണ്.

ശോഭ സുരേന്ദ്രന്റെ വീടിനുനേരെ ബോംബാക്രമണ ശ്രമം; ബിജെപി ശക്തമായി അപലപിച്ചു

Story Highlights: Kerala Higher Secondary SET 2025 online registration begins April 28.