Kerala High Court Allows Accused to Write Exams in Siddharth Death Case

പൂക്കോട് വെറ്ററിനറി സർവകലാശാലയിലെ വിദ്യാർത്ഥി സിദ്ധാർത്ഥന്റെ മരണക്കേസിൽ ജാമ്യം ലഭിച്ച പ്രതികൾക്ക് പരീക്ഷ എഴുതാനുള്ള സൗകര്യം ഒരുക്കാൻ ഹൈക്കോടതി നിർദേശം നൽകി. സർവകലാശാല അധികൃതർക്കും മറ്റ് ബന്ധപ്പെട്ടവർക്കുമാണ് കോടതി ഈ നിർദേശം നൽകിയത്. ജാമ്യ വ്യവസ്ഥകൾ അനുസരിച്ച് പ്രതികൾക്ക് വയനാട് ജില്ലയിൽ പ്രവേശിക്കാൻ അനുമതിയില്ലാത്തതിനാൽ, മണ്ണുത്തിയിൽ പരീക്ഷാ കേന്ദ്രം സജ്ജീകരിക്കാനാണ് സിംഗിൾ ബെഞ്ച് ആവശ്യപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കാശിനാഥൻ, അമീൻ അക്ബർ അലി എന്നിവരുൾപ്പെടെ നാല് പ്രതികൾ സമർപ്പിച്ച ഹർജിയിലാണ് കോടതി ഇടപെടൽ. അതേസമയം, പൂക്കോട് വെറ്ററിനറി സർവകലാശാല മാനേജ്മെന്റ് കൗൺസിലിലേക്കുള്ള വിദ്യാർത്ഥി പ്രതിനിധി തിരഞ്ഞെടുപ്പിൽ എസ്എഫ്ഐ വൻ വിജയം നേടി. എസ്എഫ്ഐ സ്ഥാനാർത്ഥി പി.

അഭിരാം 427 വോട്ടുകളുടെ ഭൂരിപക്ഷത്തോടെ വിജയിച്ചു. മണ്ണൂത്തി വെറ്ററിനറി കോളേജിലെ നാലാം വർഷ വിദ്യാർത്ഥിയായ അഭിരാമിന്റെ വിജയം ചൊവ്വാഴ്ച രാവിലെ പൂക്കോട് വെറ്ററിനറി സർവകലാശാല ആസ്ഥാനത്ത് നടന്ന വോട്ടെണ്ണലിലാണ് സ്ഥിരീകരിച്ചത്. കഴിഞ്ഞ 22-ാം തീയതിയാണ് വിദ്യാർത്ഥി മണ്ഡലത്തിലേക്കുള്ള തിരഞ്ഞെടുപ്പ് നടന്നത്.

ആലപ്പുഴ വണ്ടാനം മെഡിക്കൽ കോളേജിൽ ചികിത്സാ പിഴവ്; രോഗിയുടെ വിരലുകൾ മുറിച്ചുമാറ്റിയെന്ന് പരാതി.

എസ്എഫ്ഐയും സ്വതന്ത്ര മുന്നണിയും തമ്മിലായിരുന്നു മത്സരം. സർവകലാശാലയ്ക്ക് കീഴിലുള്ള എല്ലാ കോളേജുകളിലെയും വിദ്യാർത്ഥികൾ വോട്ട് രേഖപ്പെടുത്തിയപ്പോൾ, സ്വതന്ത്ര മുന്നണി സ്ഥാനാർത്ഥിക്ക് 228 വോട്ടുകൾ മാത്രമാണ് ലഭിച്ചത്. നേരത്തെ നടത്താൻ നിശ്ചയിച്ചിരുന്ന തിരഞ്ഞെടുപ്പ് വിദ്യാർത്ഥി സിദ്ധാർത്ഥന്റെ മരണത്തെ തുടർന്ന് മാറ്റിവെച്ചിരുന്നു.

ശബരിമലയിലെ സ്വർണപ്പാളികൾ പുനഃസ്ഥാപിക്കാൻ അനുമതി; സ്ട്രോങ് റൂമിൽ പരിശോധനയ്ക്ക് ഉത്തരവിട്ട് ഹൈക്കോടതി