സുപ്രീം കോടതിയെ സമീപിക്കാൻ സർക്കാർ: താൽക്കാലിക വിസി നിയമനത്തിൽ ഗവർണറുമായി ഒത്തുതീർപ്പില്ല. ചട്ടവിരുദ്ധമായി ഗവർണർ പെരുമാറിയെന്ന് സുപ്രീം കോടതിയെ അറിയിക്കാനാണ് സർക്കാരിന്റെ തീരുമാനം. കെടിയു, ഡിജിറ്റൽ സർവകലാശാല താൽക്കാലിക വിസി നിയമനത്തിൽ ഗവർണറുമായി സമവായത്തിനില്ലെന്ന് സർക്കാർ ഉറപ്പിച്ചു. നിയമനം റദ്ദാക്കണമെന്നും സർക്കാർ ആവശ്യപ്പെടും.
സർക്കാർ നൽകുന്ന പേരുകൾ പരിഗണിക്കാൻ വീണ്ടും കത്ത് നൽകുമെന്ന് ഉന്നത വിദ്യാഭ്യാസ മന്ത്രി അറിയിച്ചു. കെടിയു താൽക്കാലിക വിസി ഡോ. കെ.ശിവപ്രസാദ് ഉടൻ സിൻഡിക്കേറ്റ് വിളിക്കുമെന്നും അറിയിച്ചിട്ടുണ്ട്. അതേസമയം, സർക്കാരിന്റെ ഏത് നീക്കവും നിയമപരമായി നേരിടാനാണ് ഗവർണറുടെ തീരുമാനം.
സുപ്രീം കോടതി വിധിക്ക് വിരുദ്ധമായാണ് നിയമനം എന്ന് കാണിച്ച് സർക്കാർ വീണ്ടും സുപ്രീം കോടതിയെ സമീപിച്ചേക്കും. സർവകലാശാലകളുടെ ചട്ടങ്ങൾ അനുസരിച്ച് നിയമനം നടത്തിയില്ലെന്നും സർക്കാർ വാദിക്കും. താൽക്കാലിക വിസി നിയമനത്തിന് പുതിയ വിജ്ഞാപനം പുറപ്പെടുവിച്ചില്ല, സർക്കാർ നൽകിയ പാനൽ പരിഗണിച്ചില്ല തുടങ്ങിയ കാര്യങ്ങളും കോടതിയെ അറിയിക്കും.
ഡിജിറ്റൽ സർവകലാശാല വിസിയായി ഡോക്ടർ സിസ തോമസ് ചുമതലയേറ്റു. താൽക്കാലിക വിസി നിയമനം റദ്ദാക്കണമെന്ന് മുഖ്യമന്ത്രി വീണ്ടും ആവശ്യപ്പെട്ടിട്ടുണ്ട്. ഇതിന്റെ ഭാഗമായി, സർക്കാർ പട്ടികയിൽ നിന്ന് നിയമനം നടത്തണമെന്നാവശ്യപ്പെട്ട് ഗവർണർക്ക് മുഖ്യമന്ത്രി രണ്ടാമതും കത്തയച്ചു.
ഇപ്പോൾ നടക്കുന്ന നിയമനം നിയമപരമല്ലെന്നും സർക്കാർ പട്ടികയിൽ നിന്ന് താൽക്കാലിക വിസിമാരെ നിയമിക്കണമെന്നും കത്തിൽ ആവശ്യപ്പെട്ടിട്ടുണ്ട്. സുപ്രീംകോടതി വിധിയുടെ പശ്ചാത്തലത്തിൽ താൽക്കാലിക വിസി നിയമനവുമായി ബന്ധപ്പെട്ട് മന്ത്രിമാരുമായി കൂടിക്കാഴ്ചയ്ക്ക് അനുമതി തേടി മുഖ്യമന്ത്രി ഗവർണർക്ക് കത്ത് നൽകിയിരുന്നു. ഇനി സമവായ ചർച്ചകളിൽ കാര്യമില്ലെന്നാണ് പൊതുവെയുള്ള വിലയിരുത്തൽ.
എന്നാൽ ഇതിന് പിന്നാലെ സാങ്കേതിക സർവകലാശാലയിൽ കെ ശിവപ്രസാദിനെയും, ഡിജിറ്റൽ സർവകലാശാലയിൽ ഡോക്ടർ സിസാ തോമസിനെയും വീണ്ടും താൽക്കാലിക വിസിമാരായി ഗവർണർ നിയമിച്ചു. ഇതോടെയാണ് മുഖ്യമന്ത്രി രണ്ടാമത്തെ കത്തയച്ചത്.
സർക്കാർ നൽകിയ പേരുകൾ പരിഗണിക്കുന്നതിൽ ഗവർണർക്ക് അതൃപ്തിയുണ്ടെന്നും സൂചനയുണ്ട്. ചട്ടവിരുദ്ധമായി ഗവർണർ പെരുമാറിയെന്ന് സുപ്രീംകോടതിയെ അറിയിക്കാനാണ് സർക്കാരിന്റെ ഇപ്പോഴത്തെ തീരുമാനം. ഈ വിഷയത്തിൽ ഇനി ഒത്തുതീർപ്പ് ചർച്ചകൾക്ക് സാധ്യതയില്ലെന്നും സർക്കാർ വൃത്തങ്ങൾ അറിയിച്ചു.
story_highlight:ഗവർണറുമായി ഒത്തുതീർപ്പില്ല; കെടിയു, ഡിജിറ്റൽ സർവകലാശാല താൽക്കാലിക വിസി നിയമനത്തിൽ സർക്കാൻ സുപ്രീം കോടതിയിലേക്ക്.
ബിഹാർ തീവ്ര വോട്ടർ പട്ടിക പരിഷ്കരണത്തിനെതിരായ ഹർജികൾ സുപ്രീം കോടതി ഇന്ന് വീണ്ടും Read more
സർക്കാർ ജീവനക്കാരുടെ ശമ്പള പരിഷ്കരണ തീരുമാനം വൈകാൻ സാധ്യത. തദ്ദേശ തിരഞ്ഞെടുപ്പിന് ശേഷം Read more
കാലിക്കറ്റ് സർവകലാശാല വിസി നിയമനത്തിൽ രാജ്ഭവൻ അസാധാരണ നീക്കം നടത്തുന്നു. സർക്കാർ തലത്തിൽ Read more
തമിഴ്നാട്ടിലെ തീവ്ര വോട്ടർപട്ടിക പരിഷ്കരണത്തിനെതിരെ തമിഴ്നാട് സർക്കാർ സുപ്രീംകോടതിയെ സമീപിച്ചു. ലക്ഷക്കണക്കിന് വോട്ടർമാരെ Read more
സംസ്ഥാന സർക്കാരിനെതിരെ വിമർശനവുമായി പി.കെ. കുഞ്ഞാലിക്കുട്ടി രംഗത്ത്. ദാരിദ്ര്യ നിർമ്മാർജ്ജന പ്രഖ്യാപനം സർക്കാരിന് Read more
സർക്കാർ-ഗവർണർ ഒത്തുതീർപ്പ് നീക്കം പരാജയപ്പെട്ടു. കാലിക്കറ്റ് സർവകലാശാല വിസി നിയമനത്തിനായി ഗവർണർ നിയമിച്ച Read more
കേരളത്തിലെ മുസ്ലീം, ക്രിസ്ത്യൻ ഒബിസി സംവരണത്തിനെതിരെ ദേശീയ പിന്നോക്ക കമ്മീഷൻ രംഗത്ത്. രാഷ്ട്രീയ Read more
ഡൽഹി കലാപ ഗൂഢാലോചന കേസിൽ പ്രതി ഉമർ ഖാലിദിന്റെ ജാമ്യാപേക്ഷയിൽ സുപ്രീംകോടതി വാദം Read more
കാലിക്കറ്റ് സർവകലാശാല വി.സി നിയമനത്തിനുള്ള സെർച്ച് കമ്മിറ്റി രൂപീകരിച്ച് ഗവർണർ വിജ്ഞാപനം പുറപ്പെടുവിച്ചു. Read more
പി.എം ശ്രീ പദ്ധതി മരവിപ്പിക്കാനുള്ള മന്ത്രിസഭാ തീരുമാനം ഉടൻ കേന്ദ്രത്തെ അറിയിക്കും. ഇതുമായി Read more
