Kerala Government Takes Control of Private Nursing College Admissions

സ്വകാര്യ നഴ്സിംഗ് കോളേജുകളിലെ അഡ്മിഷൻ നടപടികളിൽ സുതാര്യത ഉറപ്പാക്കാൻ സർക്കാർ നിർണായക നടപടി സ്വീകരിച്ചു. മെരിറ്റ് അട്ടിമറിക്കുന്നതിന് അറുതി വരുത്താനായി നഴ്സിംഗ് അഡ്മിഷൻ നിയന്ത്രണം സർക്കാർ ഏറ്റെടുത്തു. ഇതുമായി ബന്ധപ്പെട്ട് ആരോഗ്യവകുപ്പ് പുതിയ സർക്കുലർ പുറപ്പെടുവിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഫീസ് റെഗുലേറ്ററി കമ്മിറ്റിക്കും നഴ്സിംഗ് കൗൺസിലിനും സീറ്റുകൾ വിഭജിച്ച് നൽകാനോ അഡ്മിഷൻ തീയതി നീട്ടി നൽകാനോ അധികാരമില്ലെന്ന് സർക്കുലറിൽ വ്യക്തമാക്കി. ട്വന്റിഫോർ ന്യൂസ് റിപ്പോർട്ട് ചെയ്ത വാർത്തയെ തുടർന്നാണ് ഈ നടപടി. വാളകം മേഴ്സി കോളേജും വടശ്ശേരിക്കര ശ്രീ അയ്യപ്പാ കോളേജും മെരിറ്റ് അട്ടിമറിക്കാൻ നടത്തിയ ശ്രമം പുറത്തുവന്നതിനെ തുടർന്ന് മേഴ്സി കോളേജിന് അധികമായി അനുവദിച്ച 30 സീറ്റ് സർക്കാർ റദ്ദാക്കിയിരുന്നു.

ഇനി മുതൽ സ്വകാര്യ നഴ്സിംഗ് കോളേജ് അഡ്മിഷൻ നടപടികളുടെ പൂർണ നിയന്ത്രണം സർക്കാരിനായിരിക്കും. മാനേജ്മെന്റ് സീറ്റുകളുടെ എണ്ണം അഥവാ സീറ്റ് മെട്രിക്സ് സർക്കാർ തീരുമാനിക്കും. ഫീസ് റെഗുലേറ്ററി കമ്മിറ്റി ഫീസ് നിശ്ചയിക്കുന്നത് സർക്കാർ സീറ്റ് മെട്രിക്സ് തീരുമാനിച്ച ശേഷം മാത്രമായിരിക്കും. അഡ്മിഷൻ അവസാനിപ്പിക്കുന്ന തീയതിയും സർക്കാർ തീരുമാനിക്കും. സർക്കാർ സീറ്റിൽ മാനേജ്മെന്റ് അഡ്മിഷൻ നടത്തിയാൽ അത്തരം സീറ്റുകൾ അംഗീകരിക്കില്ല. സീറ്റ് അനുവദിക്കുന്നത് കിടപ്പ് രോഗികളുടെ എണ്ണം അനുസരിച്ച് മാത്രമായിരിക്കണമെന്നും സർക്കുലറിൽ വ്യക്തമാക്കി.

വി.എസ്സിന് ക്യാപിറ്റൽ പണിഷ്മെന്റ് നൽകണമെന്ന് സമ്മേളനത്തിൽ ആവശ്യമുയർന്നു: പിരപ്പൻകോട് മുരളിയുടെ വെളിപ്പെടുത്തൽ

Story Highlights: Kerala government takes control of private nursing college admissions to prevent merit manipulation

ഓണക്കാലത്ത് ചെലവുകൾ വർധിച്ചതോടെ സർക്കാർ വീണ്ടും വായ്പയെടുക്കുന്നു; 4,000 കോടി രൂപയുടെ കടപ്പത്രം പുറത്തിറക്കും