Kerala Government Boosts KSRTC with Additional 30 Crore Fund

കെഎസ്ആർടിസിക്ക് സർക്കാർ സഹായം വർധിപ്പിച്ചതായി ധനകാര്യ മന്ത്രി കെ എൻ ബാലഗോപാൽ അറിയിച്ചു. കഴിഞ്ഞ ആഴ്ചയിൽ 20 കോടി നൽകിയതിന് പുറമേ 30 കോടി രൂപകൂടി അനുവദിച്ചു. പ്രതിമാസം 50 കോടി രൂപ വീതമാണ് കോർപറേഷന് സർക്കാർ സഹായമായി നൽകുന്നത്. ഈ വർഷത്തെ ബജറ്റിൽ 900 കോടി രൂപയാണ് കെഎസ്ആർടിസിക്ക് വകയിരുത്തിയതെങ്കിലും ഇതിനകം 1111 കോടി നൽകിക്കഴിഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ സർക്കാർ ഇതുവരെ 6100 കോടി രൂപ കെഎസ്ആർടിസിക്കായി അനുവദിച്ചുവെന്നും ബാലഗോപാൽ വ്യക്തമാക്കി. അതേസമയം, സംസ്ഥാനത്തെ ത്രിതല പഞ്ചായത്തുകൾക്കും നഗരസഭകൾക്കുമായി 211 കോടി രൂപ കൂടി സർക്കാർ സഹായം അനുവദിച്ചതായും മന്ത്രി അറിയിച്ചു. ഇതിൽ ഗ്രാമ പഞ്ചായത്തുകൾക്ക് 150 കോടി രൂപയും, ജില്ലാ പഞ്ചായത്തുകൾക്ക് ഏഴു കോടിയും, ബ്ലോക്ക് പഞ്ചായത്തുകൾക്ക് 10 കോടിയും ലഭിക്കും.

മുൻസിപ്പാലിറ്റികൾക്ക് 26 കോടിയും, കോർപറേഷനുകൾക്ക് 18 കോടിയും വകയിരുത്തി. ജനറൽ പർപ്പസ് ഫണ്ട് (പൊതുആവശ്യ ഫണ്ട്) തുകയാണ് ഇത്തരത്തിൽ അനുവദിച്ചത്. ഈ സാമ്പത്തിക വർഷം ഇതുവരെ 6250 കോടി രൂപയാണ് തദ്ദേശ സ്വയംഭരണ സ്ഥാപനങ്ങൾക്ക് സർക്കാർ കൈമാറിയതെന്നും ധനകാര്യ മന്ത്രി കൂട്ടിച്ചേർത്തു.

ശൂന്യവേതന അവധി കഴിഞ്ഞെത്തിയില്ലെങ്കിൽ പിരിച്ചുവിടുമെന്ന് ധനവകുപ്പ്

Story Highlights: Kerala government allocates additional 30 crores to KSRTC, totaling 1111 crores this year

അന്ധവിശ്വാസ നിരോധന നിയമം നടപ്പാക്കാൻ സർക്കാർ; വിദഗ്ധ സമിതി രൂപീകരിച്ചു