Election Campaigns Heat Up in Palakkad, Wayanad, and Chelakkara

മൂന്ന് മണ്ഡലങ്ങളിൽ തെരഞ്ഞെടുപ്പ് ആവേശം കനക്കുകയാണ്. പാലക്കാട്, വയനാട്, ചേലക്കര എന്നീ മണ്ഡലങ്ങളിൽ സ്ഥാനാർത്ഥികളുടെ പ്രചാരണ പ്രവർത്തനങ്ങൾ സജീവമാണ്. പാലക്കാട് ബിജെപി സ്ഥാനാർത്ഥി സി കൃഷ്ണകുമാറിന്റെ റോഡ് ഷോ ഇന്ന് നടക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതേസമയം, യുഡിഎഫിന്റെ ആദ്യ നിയോജകമണ്ഡലം കൺവെൻഷനും ഇന്ന് ചേരും. പ്രതിപക്ഷനേതാവ് വി ഡി സതീശൻ, യുഡിഎഫ് കൺവീനർ എം എം ഹസ്സൻ തുടങ്ങിയവർ കൺവെൻഷനിൽ പങ്കെടുക്കും. വയനാട് മണ്ഡലത്തിൽ NDA സ്ഥാനാർഥി നവ്യ ഹരിദാസ് ഇന്ന് എത്തും.

ലക്കിടിയിൽ നിന്ന് വാഹനങ്ങളുടെ അകമ്പടിയിൽ പ്രവർത്തകർ സ്വീകരിക്കും. തുടർന്ന് കൽപ്പറ്റ നഗരത്തിൽ റോഡ് ഷോയും നടക്കും. എൽഡിഎഫ് സ്ഥാനാർത്ഥി സത്യൻ മൊകേരിയുടെ പര്യടനം ഇന്ന് വണ്ടൂർ നിയോജകമണ്ഡലത്തിലാണ്.

പ്രിയങ്ക ഗാന്ധി 23നാണ് നാമനിർദ്ദേശപത്രിക സമർപ്പിക്കുന്നത്. സോണിയ ഗാന്ധിയും രാഹുൽഗാന്ധിയും പ്രിയങ്കക്കൊപ്പം ഉണ്ടാകും. ചേലക്കരയിൽ യുഡിഎഫ് സ്ഥാനാർഥി രമ്യ ഹരിദാസിന്റെ റോഡ് ഷോ ഇന്ന് നടക്കും.

ആദിവാസി മേഖലയിലെ മെൻസ്ട്രൽ കിറ്റ് പരീക്ഷണം: അന്വേഷണവുമായി പട്ടികവർഗ്ഗ വകുപ്പ്

രമ്യയുടെ പ്രചാരണത്തിനായി എ സി സി ജനറൽ സെക്രട്ടറി കെ സി വേണുഗോപാലും പ്രതിപക്ഷ നേതാവും ഇന്ന് ചേലക്കരയിലെത്തും. കോൺഗ്രസുമായി അകന്ന് പി വി അൻവറിന്റെ ഡിഎംകെ സ്ഥാനാർഥിയായി മത്സരിക്കുന്ന എൻ കെ സുധീറിനെ അനുനയിപ്പിക്കാനുള്ള ചർച്ചകൾ തുടരുന്നു. പി വി അൻവറുമായി യുഡിഎഫ് നേതാക്കൾ ചർച്ച നടത്തി.

Story Highlights: Election campaigns intensify in Palakkad, Wayanad, and Chelakkara constituencies with road shows and conventions.

757 കിലോ കഞ്ചാവ് കടത്ത്: മൂന്ന് പേർക്ക് ജീവപര്യന്തം തടവ്