KCA Secretary XI, led by Sanju Samson, wins T20 friendly match

**Karyavattom◾:** കാര്യവട്ടം ഗ്രീൻഫീൽഡിൽ നടന്ന കേരള ക്രിക്കറ്റ് ലീഗിന് മുന്നോടിയായുള്ള സൗഹൃദ ട്വന്റി-ട്വന്റി മത്സരത്തിൽ സഞ്ജു സാംസൺ നയിച്ച കെ.സി.എ സെക്രട്ടറി ഇലവൻ വിജയം നേടി. അവസാന ഓവർ വരെ നീണ്ട മത്സരത്തിൽ സച്ചിൻ ബേബി നയിച്ച കെ.സി.എ പ്രസിഡന്റ് ഇലവനെ ഒരു വിക്കറ്റിന് തകർത്തു. വിഷ്ണു വിനോദിന്റെയും സഞ്ജുവിന്റെയും ബാറ്റിംഗ് മികവാണ് സെക്രട്ടറി ഇലവന് വിജയം നൽകിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ടോസ് നേടിയ കെ.സി.എ സെക്രട്ടറി ഇലവൻ ക്യാപ്റ്റൻ സഞ്ജു സാംസൺ ഫീൽഡിംഗ് തിരഞ്ഞെടുക്കുകയായിരുന്നു. എന്നാൽ ടീം സ്കോർ മൂന്നിൽ നിൽക്കെ ബേസിൽ തമ്പി, മുഹമ്മദ് അസറുദ്ദീനെ (ഒന്ന്) വിഷ്ണു വിനോദിന്റെ കൈകളിൽ എത്തിച്ചു. മറുവശത്ത്, രോഹൻ കുന്നുമ്മൽ സ്കോർ ഉയർത്താൻ ശ്രമിച്ചു. ആറാം ഓവറിൽ സിജോമോനെ കൊണ്ടുവന്ന സഞ്ജുവിന്റെ തന്ത്രം ഫലിച്ചു, 16 പന്തിൽ 19 റൺസെടുത്ത അഭിഷേകിനെ വിഷ്ണു വിനോദ് സ്റ്റംമ്പ് ചെയ്ത് പുറത്താക്കി.

രോഹൻ കുന്നുമ്മൽ 23-ാം പന്തിൽ അർദ്ധ സെഞ്ച്വറി തികച്ചു, സിജോമോനെ സിക്സറിന് പറത്തിയാണ് താരം നേട്ടം കൈവരിച്ചത്. 11 ഓവറിൽ 90ന് മൂന്ന് റൺസെന്ന നിലയിൽ നിൽക്കെ രോഹനെ (29 പന്തിൽ 60) എൻ.എം. ഷറഫുദ്ദീൻ അഖിൻ സത്താറിന്റെ കൈകളിൽ എത്തിച്ചു. ഇതിനിടെ അഹമ്മദ് ഇമ്രാനും (11) സച്ചിൻ സുരേഷും (എട്ട്) പുറത്തായി. നാല് സിക്സറും അഞ്ച് ബൗണ്ടറിയും അടങ്ങിയതായിരുന്നു രോഹന്റെ ഇന്നിങ്സ്.

കൂട്ടത്തകർച്ച നേരിട്ടതോടെ സച്ചിൻ ഇംപാക്ട് പ്ലെയറായി അഭിജിത്ത് പ്രവീണിനെ ഇറക്കി. കഴിഞ്ഞ വർഷം നവിയോ യൂത്ത് ട്രോഫി അണ്ടർ 22 ക്രിക്കറ്റ് ടൂർണമെന്റിൽ ഓവറിലെ ആറ് പന്തും സിക്സർ തൂക്കിയ താരമാണ് അഭിജിത്ത്. എട്ടാം വിക്കറ്റിൽ എം.ഡി. നിതീഷിനെ കൂട്ടുപിടിച്ച് 40 പന്തിൽ 78 റൺസാണ് ഇവർ അടിച്ചുകൂട്ടിയത്.

കേരള ക്രിക്കറ്റ് ലീഗ് സീസൺ 2: ടീമുകളുടെ ഔദ്യോഗിക പ്രഖ്യാപനം ഇന്ന്

മറുപടി ബാറ്റിങ്ങിനിറങ്ങിയ സെക്രട്ടറി ഇലവനായി വിഷ്ണു വിനോദ് മികച്ച തുടക്കം നൽകി. രണ്ടാം ഓവറിൽ കൃഷ്ണപ്രസാദിനെ (എട്ട്) സച്ചിൻ ബേബിയുടെ കൈയിലെത്തിച്ച് കെ.എം. ആസിഫ് പ്രതീക്ഷ നൽകി. എന്നാൽ, നാല് ബൗണ്ടറിയും ഒരു സിക്സുമടക്കം 22 റൺസാണ് മിഥുനെ വിഷ്ണു വരവേറ്റത്. ആസിഫും നിധീഷും വിഷ്ണുവിന്റെ ബാറ്റിന്റെ ചൂടറിഞ്ഞു.

തുടർന്ന് ക്രീസിലൊന്നിച്ച സഞ്ജുവും വിഷ്ണുവും ചേർന്ന് സ്കോർ ഉയർത്തി. എന്നാൽ സ്കോർ 108-ൽ നിൽക്കെ വിഷ്ണുവിനെ അഭിജിത്ത് പ്രവീൺ വിക്കറ്റിന് മുന്നിൽ കുടുക്കി പുറത്താക്കി. 16-ാം ഓവറിൽ മിഥുനെ ആദ്യ രണ്ടു പന്തുകളിലും തുടർച്ചയായി സിക്സർ പറത്തി സഞ്ജു കളം നിറഞ്ഞു. അവസാന ഓവറില് ഏഴ് റണ്സായിരുന്നു വിജയിക്കാന് വേണ്ടിയിരുന്നത്.

അവസാന ഓവറിലെ മൂന്നാം പന്തിൽ സഞ്ജുവിനെ അഹമ്മദ് ഇമ്രാൻ പിടികൂടിയെങ്കിലും, നാലാം പന്തിൽ ബേസിൽ തമ്പി സിക്സർ നേടി ടീമിനെ വിജയത്തിലേക്ക് നയിച്ചു. 29 പന്തിൽ 69 റൺസാണ് വിഷ്ണു വിനോദ് നേടിയത്, സഞ്ജു സാംസൺ 36 പന്തിൽ 54 റൺസെടുത്തു. 19.4 ഓവറിൽ ഒമ്പത് വിക്കറ്റ് നഷ്ടത്തിൽ 188 റൺസാണ് സെക്രട്ടറി ഇലവൻ നേടിയത്.

സെക്രട്ടറി ഇലവനായി ഷറഫുദ്ദീൻ മൂന്നും, സിജോമോൻ രണ്ടും, അഖിൽ സ്കറിയ, അഖിൻ സത്താർ, ബേസിൽ തമ്പി എന്നിവർ ഓരോ വിക്കറ്റും വീഴ്ത്തി. പ്രസിഡന്റ് ഇലവന് വേണ്ടി എം. മിഥുൻ മൂന്ന് വിക്കറ്റും, അബ്ദുൾ ബാസിത്, കെ.എം. ആസിഫ്, ബിജു നാരായണൻ, എം.ഡി. നിധീഷ് എന്നിവർ ഓരോ വിക്കറ്റ് വീതവും നേടി.

സഞ്ജു സാംസണിനെ വിട്ടുനൽകില്ല; നിലപാട് കടുപ്പിച്ച് രാജസ്ഥാൻ റോയൽസ്

Story Highlights: Sanju Samson’s KCA Secretary XI triumphs over Sachin Baby’s KCA President XI in a thrilling T20 friendly match at Karyavattom Green Field.

കേരള ക്രിക്കറ്റ് ലീഗ് സീസൺ 2: ടീമുകളുടെ ഔദ്യോഗിക പ്രഖ്യാപനം ഇന്ന്