Kerala CM Responds to Karnataka on Wayanad Rehabilitation

മുണ്ടക്കൈ-ചൂരല്മല ഉരുള്പ്പൊട്ടല് ദുരന്തത്തില് ബാധിതരായവരുടെ പുനരധിവാസവുമായി ബന്ധപ്പെട്ട് കേരള മുഖ്യമന്ത്രി പിണറായി വിജയന് കര്ണാടക മുഖ്യമന്ത്രി സിദ്ധരാമയ്യക്ക് മറുപടി നല്കി. ടൗണ്ഷിപ്പ് പദ്ധതിയുടെ രൂപരേഖ തയാറാകുന്ന മുറയ്ക്ക് വിശദാംശങ്ങള് അറിയിക്കാമെന്നാണ് മുഖ്യമന്ത്രി പിണറായി വിജയന് കത്തില് വ്യക്തമാക്കിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വയനാട് പുനരധിവാസത്തിനായി 100 വീടുകള് വാഗ്ദാനം ചെയ്തുകൊണ്ടുള്ള കര്ണാടക മുഖ്യമന്ത്രിയുടെ കത്തിന് മറുപടി നല്കാത്തതിനെ കുറിച്ചുള്ള വാര്ത്തകള് പുറത്തുവന്നിരുന്നു. എന്നാല് ഡിസംബര് 9-നാണ് സിദ്ധരാമയ്യ ഔദ്യോഗികമായി കത്തയച്ചതെന്നും, അതിന് നാല് ദിവസത്തിനുള്ളില് തന്നെ മറുപടി നല്കിയതായും മുഖ്യമന്ത്രി വ്യക്തമാക്കി.

പുനരധിവാസവുമായി ബന്ധപ്പെട്ട് സമഗ്രമായ രൂപരേഖ തയാറാക്കി വരികയാണെന്ന് മുഖ്യമന്ത്രി കത്തില് പറയുന്നു. ഇത് പൂര്ത്തിയാകുന്ന മുറയ്ക്ക് കര്ണാടക സര്ക്കാരിനെ അറിയിക്കുമെന്നും അദ്ദേഹം വ്യക്തമാക്കി. കര്ണാടക അടക്കമുള്ള സംസ്ഥാന സര്ക്കാരുകളുടെ വാഗ്ദാനങ്ങള് സംയോജിപ്പിച്ചുകൊണ്ടുള്ള സമഗ്രമായ പദ്ധതിയാണ് തയാറാക്കുന്നതെന്നും, മണ്ണിടിച്ചില് സാധ്യതയില്ലാത്ത പ്രദേശത്താണ് പുതിയ ഭൂമി കണ്ടെത്തുന്നതെന്നും മുഖ്യമന്ത്രി വ്യക്തമാക്കി.

പദ്ധതിയുടെ പുരോഗതി തത്സമയം നിരീക്ഷിക്കാന് കഴിയുന്ന രീതിയിലാണ് സംവിധാനം ഒരുക്കുന്നതെന്നും മുഖ്യമന്ത്രി പറഞ്ഞു. സഹായ നിര്ദേശങ്ങളെ ഏകോപിപ്പിച്ച്, സമഗ്രവും സുതാര്യവുമായ സ്പോണ്സര്ഷിപ് ചട്ടക്കൂട് രൂപീകരിക്കുന്നതിലേക്കാണ് കേരള സര്ക്കാര് നീങ്ങുന്നതെന്നും അദ്ദേഹം കൂട്ടിച്ചേര്ത്തു. ഈ പദ്ധതി ജനങ്ങളെ കൂടി ബോധ്യപ്പെടുത്തിക്കൊണ്ടാണ് നടപ്പിലാക്കുന്നതെന്നും മുഖ്യമന്ത്രി പിണറായി വിജയന് കത്തില് വ്യക്തമാക്കി.

മാസപ്പടി വിവാദം: പിണറായി വിജയനെതിരെ രൂക്ഷവിമർശനവുമായി കെ. സുധാകരൻ

Story Highlights: Kerala CM Pinarayi Vijayan responds to Karnataka CM Siddaramaiah on Wayanad rehabilitation efforts

മാസപ്പടി വിവാദം: പിണറായി വിജയനെതിരെ രൂക്ഷവിമർശനവുമായി കെ. സുധാകരൻ