Kerala CM's Children's Day Message: Nurturing Future Citizens

മുഖ്യമന്ത്രി പിണറായി വിജയൻ ശിശുദിന ആശംസകൾ നേർന്നു. കുട്ടികളെ മികച്ച പൗരരായി വളർത്തുക എന്ന പ്രധാനപ്പെട്ട ഉത്തരവാദിത്തം നമ്മെ ഓർമ്മിപ്പിക്കുകയും, ആ ഉത്തരവാദിത്തം മികച്ച രീതിയിൽ നിർവ്വഹിക്കാനുള്ള പ്രചോദനം പകരുകയുമാണ് ശിശുദിനാചരണത്തിന്റെ ലക്ษ്യമെന്ന് അദ്ദേഹം പങ്കുവെച്ച പോസ്റ്റിൽ കുറിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജാതിമതവർഗ്ഗഭേദമന്യേ എല്ലാ കുഞ്ഞുങ്ങൾക്കും മികച്ച വിദ്യാഭ്യാസം ഉറപ്പുവരുത്താൻ കഴിയേണ്ടതുണ്ടെന്നും, ആ ലക്ഷ്യം ഏറ്റെടുത്ത് പൊതുവിദ്യാഭ്യാസ മേഖലയെ ശക്തിപ്പെടുത്തിയാണ് സംസ്ഥാന സർക്കാർ മുന്നോട്ടു പോകുന്നതെന്നും മുഖ്യമന്ത്രി പറഞ്ഞു. വിദ്യാഭ്യാസത്തോടൊപ്പം കുട്ടികളുടെ ആരോഗ്യവും പ്രധാനമാണെന്നും, ഇക്കാര്യങ്ങൾ നടപ്പാക്കാൻ സമൂഹത്തിന്റെ ശ്രദ്ധയും പിന്തുണയും അനിവാര്യമാണെന്നും അദ്ദേഹം വ്യക്തമാക്കി.

ജനാധിപത്യബോധവും മതനിരപേക്ഷ മനസ്സുമുള്ള ഉത്തമ പൗരരായി കുട്ടികളെ വളർത്തുക എന്ന ചുമതലയും സമൂഹത്തിനുണ്ടെന്ന് മുഖ്യമന്ത്രി കുറിച്ചു. സമത്വത്തേയും നീതിയേയും കുറിച്ചുള്ള ചിന്തകൾ അവരിൽ വളർത്തണമെന്നും, ശാസ്ത്രബോധത്തിന്റേയും മാനവികതയുടെയും മനുഷ്യസ്നേഹത്തിന്റേയും മൂല്യങ്ങൾ കുട്ടികളിൽ ഊട്ടിയുറപ്പിക്കേണ്ടതുണ്ടെന്നും അദ്ദേഹം പറഞ്ഞു. ഏറ്റവും ശോഭനമായ ഭാവി അവർക്കായി ഉറപ്പുവരുത്താൻ കേരളസമൂഹം ഒറ്റക്കെട്ടായി നിൽക്കണമെന്നും മുഖ്യമന്ത്രി ആഹ്വാനം ചെയ്തു.

സ്കൂൾ ബാഗുകളുടെ ഭാരം കുറയ്ക്കാൻ നടപടി: മന്ത്രി വി. ശിവൻകുട്ടി

Story Highlights: Kerala Chief Minister Pinarayi Vijayan extends Children’s Day wishes, emphasizing the importance of nurturing children as good citizens

സ്കൂളുകളിൽ കുട്ടികൾക്കെതിരായ അതിക്രമം; ഒമ്പത് അധ്യാപകരെ പിരിച്ചുവിട്ടെന്ന് മന്ത്രി, കുണ്ടംകുഴിയിൽ പ്രധാനാധ്യാപകനെതിരെ കേസ്