ഐഎസ്എല്ലിൽ കേരള ബ്ലാസ്റ്റേഴ്സിന് വീണ്ടും തോൽവി നേരിട്ടു. ഒന്നിനെതിരെ രണ്ടു ഗോളുകൾക്ക് ഹൈദരാബാദ് എഫ്‍സിയാണ് ബ്ലാസ്റ്റേഴ്സിനെ പരാജയപ്പെടുത്തിയത്. ഹൈദരാബാദ് എഫ്‍സിക്കായി ബ്രസീലിയൻ താരം ആന്ദ്രെ ആൽബ ഇരട്ടഗോൾ നേടി. എന്നാൽ 13-ാം മിനിറ്റിൽ ജീസസ് ജിമിനിസ് ആണ് ബ്ലാസ്റ്റേഴ്സിൻ്റെ ആശ്വാസ ഗോൾ നേടിയത്.
ഈ സീസണിൽ നാലാം തോൽവിയാണ് ബ്ലാസ്റ്റേഴ്സ് ഏറ്റുവാങ്ങിയത്. നാല് ദിവസം മുമ്പ് മുംബൈ സിറ്റി എഫ്സിയോട് നാലിനെതിരെ രണ്ട് ഗോളുകള്‍ക്ക് ബ്ലാസ്റ്റേഴ്സ് പരാജയപ്പെട്ടിരുന്നു. ആ മത്സരത്തിൽ മുംബൈയ്ക്ക് രണ്ട് പെനാൽറ്റിയും ബ്ലാസ്റ്റേഴ്സിന് ഒരു പെനാൽറ്റിയും ലഭിച്ചിരുന്നു.
മുംബൈയ്ക്കായി 90-ാം മിനിറ്റിൽ ക്യാപ്റ്റന്‍ ലലിയാന്‍സുവാല ചാങ്‌തെയും നികോലവോസ് കരേലിസ് 55-ാം മിനിറ്റിലും പെനാൽറ്റി ഗോൾ നേടി. ഒമ്പതാം മിനിറ്റിൽ ആദ്യഗോൾ നേടിയത് നികോലവോസ് കരേലിസ് തന്നെയാണ്. മുംബൈയ്ക്കായി 75-ാം മിനിറ്റിൽ നഥാന്‍ റോഡ്രിഗസും ഗോൾ നേടി.
Story Highlights: Kerala Blasters suffer another defeat in ISL, losing 2-1 to Hyderabad FC with Andre Alba scoring a brace
