Kerala Blasters to play matches in Kozhikode next season?

**കോഴിക്കോട്◾:** കേരള ബ്ലാസ്റ്റേഴ്സിന്റെ വരുന്ന സീസണിലെ ചില മത്സരങ്ങൾ കോഴിക്കോട് നടത്താൻ ആലോചനയുണ്ടെന്ന് ക്ലബ്ബ് സിഇഒ അഭിക് ചാറ്റർജി അറിയിച്ചു. കൊച്ചിയിലെ സ്വന്തം തട്ടകത്തിന് പുറമെയാണ് ഈ നീക്കം. അടിസ്ഥാന സൗകര്യങ്ങൾ ഉറപ്പായാൽ മാത്രമേ കോഴിക്കോട് മത്സരങ്ങൾ സംഘടിപ്പിക്കൂ എന്നും അദ്ദേഹം വ്യക്തമാക്കി. ആരാധകരുടെ ആവശ്യങ്ങൾ കണക്കിലെടുത്താണ് ഈ തീരുമാനമെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ക്ലബ്ബിന്റെ ശക്തിയാണ് ആരാധകരെന്നും മഞ്ഞപ്പടയുമായി തർക്കങ്ങളൊന്നുമില്ലെന്നും അഭിക് ചാറ്റർജി പറഞ്ഞു. ബ്ലാസ്റ്റേഴ്സിന്റെ പുതിയ പരിശീലകൻ ഡേവിഡ് കറ്റാലയുടെ ആദ്യ പത്രസമ്മേളനത്തിനിടെയാണ് സിഇഒ ഈ പ്രഖ്യാപനം നടത്തിയത്. ഇതിനായി ഒട്ടേറെ തടസ്സങ്ങൾ മറികടക്കേണ്ടതുണ്ടെന്നും അദ്ദേഹം സൂചിപ്പിച്ചു.

പുതിയ പരിശീലകൻ ഡേവിഡ് കറ്റാലയ്ക്ക് കീഴിൽ കേരള ബ്ലാസ്റ്റേഴ്സ് ആദ്യമായി കളിക്കുന്ന ടൂർണമെന്റാണ് സൂപ്പർ കപ്പ്. ഏപ്രിൽ 20ന് ആരംഭിക്കുന്ന ഈ ടൂർണമെന്റിൽ ഈസ്റ്റ് ബംഗാളാണ് ബ്ലാസ്റ്റേഴ്സിന്റെ എതിരാളികൾ. വലിയ വെല്ലുവിളിയും ഉത്തരവാദിത്തവുമാണ് മുന്നിലുള്ളതെന്ന് കറ്റാല പറഞ്ഞു.

കളിക്കാരൻ, പരിശീലകൻ എന്നീ നിലകളിൽ വർഷങ്ങളോളം യൂറോപ്യൻ ഫുട്ബോളിൽ നേടിയ പരിചയം ഐഎസ്എല്ലിൽ ബ്ലാസ്റ്റേഴ്സിന് ഗുണം ചെയ്യുമെന്ന് കറ്റാല പ്രത്യാശ പ്രകടിപ്പിച്ചു. പ്രതിരോധത്തിനും മുന്നേറ്റത്തിനും ഒരുപോലെ പ്രാധാന്യം നൽകുന്ന ടോട്ടൽ ഫുട്ബോൾ ശൈലിയിലൂടെയായിരിക്കും ടീമിനെ നയിക്കുകയെന്നും അദ്ദേഹം വ്യക്തമാക്കി. ഐഎസ്എല്ലിൽ കിരീടം നേടുകയാണ് ലക്ഷ്യമെന്നും അദ്ദേഹം കൂട്ടിച്ചേർത്തു.

കായിക അക്കാദമിയിലേക്ക് സെലക്ഷൻ ട്രയൽസ് ഏപ്രിൽ 4ന്

Story Highlights: Kerala Blasters FC is considering playing some of its matches in Kozhikode next season, according to club CEO Abhik Chatterjee.

കോഴിക്കോട് ലീഗൽ സർവീസ് അതോറിറ്റിയിൽ ഫാമിലി കൗൺസിലർ ഒഴിവുകൾ