കേരളാ ബ്ലാസ്റ്റേഴ്സ് താരം അഡ്രിയാൻ ലൂണയ്ക്കും ഭാര്യ മരിയാനയ്ക്കും ആൺകുഞ്ഞ് പിറന്ന സന്തോഷ വാർത്ത ക്ലബ് സമൂഹ മാധ്യമങ്ങളിലൂടെ പങ്കുവെച്ചു. കുഞ്ഞിനൊപ്പമുള്ള ദമ്പതികളുടെ ചിത്രങ്ങളും പോസ്റ്റ് ചെയ്തിട്ടുണ്ട്. സാന്റീനോ എന്നാണ് കുഞ്ഞിന്റെ പേര്.
“പുതിയൊരംഗം കൂടി കേരളാ ബ്ലാസ്റ്റേഴ്സ് കുടുംബത്തിന്റെ ഭാഗമാകുന്നു. ആൺ കുഞ്ഞ് സാന്റീനോയെ വരവേൽക്കുന്ന മരിയാനക്കും ലൂണക്കും അഭിനന്ദനങ്ങൾ. കുടുംബത്തിന് എല്ലാവിധ സ്നേഹവും സന്തോഷവും നേരുന്നു!” എന്നാണ് ക്ലബ് ഫേസ്ബുക്കിൽ കുറിച്ചത്. നിരവധി ആരാധകരും ലൂണക്കും കുടുംബത്തിനും അഭിനന്ദനങ്ങൾ നേർന്നു.
2021-22 ഐഎസ്എൽ സീസണിലാണ് ലൂണ ബ്ലാസ്റ്റേഴ്സിനൊപ്പം ചേർന്നത്. ക്ലബിന്റെ ചരിത്രത്തിലെ ഏറ്റവും മികച്ച വിദേശ താരമായി കണക്കാക്കപ്പെടുന്ന അദ്ദേഹം, 55 മത്സരങ്ങളിൽ നിന്ന് 13 ഗോളുകളും 17 അസിസ്റ്റുകളും നേടിയിട്ടുണ്ട്. ഈ നേട്ടങ്ങൾ ലൂണയെ ക്ലബിന്റെ പ്രധാന താരമാക്കി മാറ്റിയിട്ടുണ്ട്.
Story Highlights: Kerala Blasters star Adrian Luna and wife Mariana welcome baby boy Santino
