KCBC urges Kerala MPs to support Waqf Law Amendment Bill

മുനമ്പം ജനതയ്ക്ക് നീതി ലഭ്യമാക്കുന്നതിനായി വഖഫ് നിയമ ഭേദഗതി ബില്ലിന് അനുകൂലമായി വോട്ട് ചെയ്യണമെന്ന് കെസിബിസി കേരളത്തിൽ നിന്നുള്ള എംപിമാരോട് ആവശ്യപ്പെട്ടു. മുനമ്പത്തെ ജനങ്ങളുടെ പ്രശ്നങ്ങൾ പരിഹരിക്കുന്നതിന് വേണ്ടിയാണ് ഈ ആഹ്വാനമെന്ന് കെസിബിസി സർക്കുലറിൽ വ്യക്തമാക്കി. ഭരണഘടനാനുസൃതമല്ലാത്തതും അന്യായവുമായ വകുപ്പുകൾ ഭേദഗതി ചെയ്യുന്നതിന് അനുകൂലമായി വോട്ട് ചെയ്യണമെന്ന് കെസിബിസി പ്രസിഡന്റ് കർദ്ദിനാൾ ക്ലീമീസ് കാതോലിക്ക ബാവ ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വഖഫ് നിയമഭേദഗതി ബില്ലുമായി ബന്ധപ്പെട്ട് ജെപിസി റിപ്പോർട്ടിന് രാജ്യസഭ അംഗീകാരം നൽകിയിരുന്നു. എന്നാൽ, ജെപിസിയിൽ ബില്ല് ചർച്ചയ്ക്ക് വന്നപ്പോൾ കേരളത്തിൽ നിന്നുള്ള എംപിമാർ പ്രതികൂലമായി വോട്ട് ചെയ്തിരുന്നു. ഈ സാഹചര്യത്തിൽ, പാർലമെന്റിൽ ബില്ല് വീണ്ടും ചർച്ചയ്ക്ക് വരുമ്പോൾ കെസിബിസിയുടെ സർക്കുലർ കേരളത്തിൽ നിന്നുള്ള എംപിമാർക്ക് പ്രതിസന്ധി സൃഷ്ടിച്ചേക്കാം.

മുനമ്പത്തെ ജനങ്ങളെ പൂർണമായി പിന്തുണയ്ക്കണമെന്നും അവരുടെ പ്രശ്നങ്ങൾക്ക് പരിഹാരം കാണണമെന്നും കെസിബിസി ആവശ്യപ്പെട്ടു. വഖഫ് നിയമം ഭേദഗതി ചെയ്താല് മാത്രമേ മുനമ്പത്തെ ജനങ്ങൾക്ക് നീതി ലഭിക്കുകയുള്ളൂ എന്നും കെസിബിസിയുടെ സർക്കുലറിൽ പറയുന്നു.