Katha Innuvare Trailer: Biju Menon-Methil Devika's Romantic Drama

കഥ ഇന്നുവരെ എന്ന ചിത്രത്തിന്റെ ട്രെയിലർ പുറത്തിറങ്ങി. മേപ്പടിയാൻ എന്ന സിനിമയ്ക്ക് ശേഷം ബിജു മേനോനെ നായകനാക്കി വിഷ്ണു മോഹൻ എഴുതി സംവിധാനം ചെയ്യുന്ന രണ്ടാമത്തെ ചിത്രമാണിത്. നേരത്തെ പുറത്തിറങ്ങിയ ടീസറിനെ പോലെ തന്നെ, ഈ ട്രെയിലറും ഹൃദയസ്പർശിയായ പ്രണയ നിമിഷങ്ങൾ നിറഞ്ഞ ഒരു ചിത്രമാണ് കഥ ഇന്നുവരെ എന്ന സൂചന നൽകുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രശസ്ത നർത്തകിയായ മേതിൽ ദേവികയാണ് ആദ്യമായി സിനിമയിൽ അഭിനയിക്കുന്നത്, അവർ ബിജു മേനോന്റെ നായികയായി എത്തുന്നു. തലവനു ശേഷം പുറത്തിറങ്ങുന്ന ബിജു മേനോൻ ചിത്രം എന്ന നിലയിലും, മേതിൽ ദേവികയുടെ അരങ്ങേറ്റ ചിത്രം എന്ന നിലയിലും പ്രേക്ഷകരുടെ പ്രതീക്ഷ വളരെ വലുതാണ്. കേരളത്തിൽ ഐക്കൺ സിനിമാസ് വിതരണം ചെയ്യുന്ന ഈ ചിത്രം ഗൾഫിൽ ഫാർസ് ഫിലിംസും മറ്റു രാജ്യങ്ങളിൽ ആർ എഫ് ടിയും വിതരണം ചെയ്യുന്നു.

സെപ്റ്റംബർ 20-നാണ് ചിത്രം തിയേറ്ററുകളിലെത്തുക. നിഖില വിമൽ, ഹക്കീം ഷാജഹാൻ, അനുശ്രീ, അനു മോഹൻ, സിദ്ധിഖ്, രഞ്ജി പണിക്കർ, കോട്ടയം രമേശ്, കൃഷ്ണപ്രസാദ് തുടങ്ങിയ പ്രമുഖരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. വിഷ്ണു മോഹൻ സ്റ്റോറീസിന്റെ ബാനറിൽ വിഷ്ണു മോഹനും, ജോമോൻ ടി ജോൺ, ഷമീർ മുഹമ്മദ്, ഹാരിസ് ദേശം, അനീഷ് പിബി, കൃഷ്ണമൂർത്തി എന്നിവരും ചേർന്നാണ് “കഥ ഇന്നുവരെ” നിർമിക്കുന്നത്.

വീണ്ടും ഒന്നിക്കുന്നു; മോഹൻലാലും പ്രകാശ് വർമ്മയും

ജോമോൻ ടി ജോൺ ഛായാഗ്രഹണവും ഷമീർ മുഹമ്മദ് എഡിറ്റിങ്ങും നിർവഹിക്കുന്നു. അശ്വിൻ ആര്യൻ സംഗീതം നൽകുന്നു. റിന്നി ദിവാകർ പ്രൊഡക്ഷൻ കൺട്രോളറും സുഭാഷ് കരുൺ പ്രൊഡക്ഷൻ ഡിസൈനറുമാണ്.

ഇർഷാദ് ചെറുകുന്ന് വേഷവിധാനവും സുധി സുരേന്ദ്രൻ മേക്കപ്പും നിർവഹിക്കുന്നു.

Story Highlights: Trailer of “Katha Innuvare” starring Biju Menon and Methil Devika released, promising a heartwarming romantic film

വിമാനത്താവളത്തിൽ ശോഭനയും ഉർവശിയും കണ്ടുമുട്ടിയപ്പോൾ: ചിത്രം വൈറൽ