CPM-BJP clash over Kasaragod temple fireworks accident

കാസർഗോഡ് നീലേശ്വരത്തെ അഞ്ഞൂറ്റമ്പലം വീരർകാവ് ക്ഷേത്രത്തിൽ സിപിഐഎമ്മും ബിജെപിയും തമ്മിൽ തർക്കമുണ്ടായി. വെടിക്കെട്ടപകടവുമായി ബന്ധപ്പെട്ട് ബിജെപി കേരള സർക്കാരിനെ വിമർശിച്ചതോടെയാണ് സംഘർഷം ആരംഭിച്ചത്. ഡിവൈഎഫ്ഐ പ്രവർത്തകർ ഇതിനെ ചോദ്യം ചെയ്യുകയും ഇരു വിഭാഗങ്ങളും തമ്മിൽ വാക്കേറ്റമുണ്ടാവുകയും ചെയ്തു. പൊലീസ് സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബിജെപി സംസ്ഥാന സെക്രട്ടറി കെ ശ്രീകാന്ത് ഉൾപ്പെടെയുള്ളവർ ക്ഷേത്ര പരിസരത്തെത്തിയിരുന്നു. ഡിവൈഎഫ്ഐ ജില്ലാ പ്രസിഡന്റ് രതീഷും സംഭവസ്ഥലത്തെത്തിയതോടെയാണ് വാക്കേറ്റമുണ്ടായത്. ക്ഷേത്രത്തിൽ കണ്ട കാഴ്ചകളും ബോധ്യപ്പെട്ട കാര്യങ്ങളും മാധ്യമങ്ങളോടും ജനങ്ങളോടും പറഞ്ഞതാണെന്ന് ബിജെപി ഭാരവാഹികൾ വ്യക്തമാക്കി. തിക്കിലും തിരക്കിലും പെട്ടാണ് കൂടുതൽ പേർക്കും പരിക്കേറ്റതെന്നും ജാഗ്രതക്കുറവുണ്ടായെന്നും അവർ ആരോപിച്ചു.

സിപിഐഎം നേതാക്കൾ വെടിക്കെട്ടപകടം ദൗർഭാഗ്യകരമാണെന്ന് പറഞ്ഞു. നടത്തിപ്പുമായി ബന്ധപ്പെട്ട് വലിയ അനാസ്ഥയുണ്ടായെന്നും അവർ ചൂണ്ടിക്കാട്ടി. സംഭവത്തെ രാഷ്ട്രീയവത്കരിക്കാനുള്ള ബിജെപിയുടെ നീക്കത്തെ അവർ വിമർശിച്ചു. ക്ഷേത്രത്തിന്റെ നടത്തിപ്പുമായി ബന്ധപ്പെട്ട ആളുകളാണ് സംഭവത്തിന്റെ പൂർണ ഉത്തരവാദികളെന്നും സിപിഐഎം വ്യക്തമാക്കി.

കെപിസിസി സമ്പൂർണ്ണ പുനഃസംഘടനയ്ക്ക്; രണ്ട് മാസത്തിനുള്ളിൽ പുതിയ ടീം

അപകടത്തിൽ പരുക്കേറ്റ് 154 പേർ ചികിത്സയിലാണ്. പൊള്ളലേറ്റവരിൽ 8 പേരുടെ നില ഗുരുതരമാണ്. കോഴിക്കോട് എത്തിച്ച 3 പേർ ചികിത്സയിലാണ്. 2 പേർ വെന്റിലേറ്ററിലും കഴിയുന്നു.

Story Highlights: CPM-BJP dispute erupts at Kasaragod temple following fireworks accident

കണ്ണൂരിൽ കോൺഗ്രസ് സ്തൂപം വീണ്ടും തകർത്തു; യൂത്ത് കോൺഗ്രസ് – സിപിഐഎം സംഘർഷം