കര്‍ണാടക ബിജെപി എംഎല്‍എ ബസന്‍ഗൗഡ പാട്ടീല്‍ യന്ത്വാല്‍ രാഹുല്‍ ഗാന്ധിക്കെതിരെ അധിക്ഷേപ പരാമര്‍ശം നടത്തി. സ്വന്തം ജാതിയോ മതമോ അറിയാത്ത രാഹുല്‍ എന്തിനാണ് ജാതി സര്‍വേയ്ക്ക് വേണ്ടി വാദിക്കുന്നതെന്ന് അദ്ദേഹം ചോദിച്ചു. ക്രിസ്ത്യാനിയായോ മുസ്ലീമായോ ആണ് ജനിച്ചതെന്ന് പോലും രാഹുലിന് അറിയില്ലെന്നും ഇതിനെക്കുറിച്ച് അന്വേഷിക്കണമെന്നും എംഎല്‍എ പറഞ്ഞു.
രാഹുല്‍ ഗാന്ധിയെ പൊട്ടാത്ത വെറും നാടന്‍ തോക്കിനോട് ഉപമിച്ച യന്ത്വാള്‍, അദ്ദേഹത്തെ കൊണ്ട് ഒന്നും നടക്കാന്‍ പോകുന്നില്ലെന്നും വ്യക്തമാക്കി. രാഹുലിന്റെ അച്ഛന്‍ മുഗളന്‍മാര്‍ക്കും അമ്മ ഇറ്റലിക്കാര്‍ക്കും വേണ്ടി പണിയെടുത്ത പാരമ്പര്യമാണെന്നും എംഎല്‍എ കൂട്ടിച്ചേര്‍ത്തു.
നേരത്തെ ബിജെപി എംപി അനുരാഗ് ഠാക്കൂറും ഇതേ വിഷയത്തില്‍ രാഹുല്‍ ഗാന്ധിയെ അധിക്ഷേപിച്ചിരുന്നു. സ്വന്തം ജാതി അറിയാത്തയാളാണ് ജാതി സെന്‍സസിനെ കുറിച്ച് സംസാരിക്കുന്നതെന്നായിരുന്നു അനുരാഗ് ഠാക്കൂറിന്റെ പരാമര്‍ശം. ഈ പരാമര്‍ശങ്ങള്‍ രാഷ്ട്രീയ വിവാദങ്ങള്‍ക്ക് വഴിവെച്ചിട്ടുണ്ട്.
Story Highlights: Karnataka BJP MLA’s ‘Muslim or Christian’ jab at Rahul Gandhi stirs row
