Kannur Collector's Condolence Letter to ADM K Naveen Babu's Family

കണ്ണൂർ ജില്ലാ കളക്ടർ അരുൺ കെ വിജയൻ, എഡിഎം കെ നവീൻ ബാബുവിന്റെ കുടുംബത്തിന് ദുഃഖം പ്രകടിപ്പിച്ചുകൊണ്ട് ഒരു കത്തയച്ചു. പത്തനംതിട്ട സബ്കളക്ടർ വഴിയാണ് ഈ കത്ത് കുടുംബത്തിന് കൈമാറിയത്. “പ്രിയപ്പെട്ട നവീനിന്റെ ഭാര്യ മഞ്ജുഷയ്ക്കും മക്കൾക്കും” എന്ന ആമുഖത്തോടെയാണ് കത്ത് തുടങ്ങുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കത്തിൽ, കളക്ടർ നവീനിനോടുള്ള തന്റെ ബന്ധത്തെക്കുറിച്ചും അദ്ദേഹത്തിന്റെ മരണം തന്നിൽ ഉണ്ടാക്കിയ ആഘാതത്തെക്കുറിച്ചും വിവരിക്കുന്നു. “ഇന്നലെ വരെ എന്റെ തോളോട് തോൾ നിന്ന് പ്രവർത്തിച്ചയാളാണ് നവീൻ. കാര്യക്ഷമതയോടും സഹാനുഭൂതിയോടും തന്റെ ഉത്തരവാദിത്തം നിർവഹിച്ച വ്യക്തി ആയിരുന്നു,” എന്ന് അദ്ദേഹം എഴുതി.

നവീനിന്റെ വേർപാടിൽ തനിക്കുള്ള വേദനയും നഷ്ടബോധവും പ്രകടിപ്പിക്കാൻ വാക്കുകൾ പോരാതെ വരുന്നുവെന്നും കളക്ടർ പറയുന്നു. എന്നാൽ, നവീൻ ബാബുവിനെതിരെ ആരോപണമുന്നയിച്ച വേളയിൽ അതിനെ എതിർക്കാതിരുന്നതിന് വിശദീകരണം നൽകാൻ കളക്ടർ തയാറായിട്ടില്ല. നവീന്റെ അന്ത്യകർമങ്ങൾ കഴിയുന്നതുവരെ പത്തനംതിട്ടയിൽ തുടർന്നിരുന്നെങ്കിലും, കുടുംബം അദ്ദേഹത്തിന് വീട്ടിലേക്ക് എത്താൻ അനുവാദം നൽകിയിരുന്നില്ല.

കണ്ണൂരിൽ ഗ്യാസ് ഏജൻസി കളക്ഷൻ ഏജന്റിനെ ആക്രമിച്ച് 2 ലക്ഷം രൂപ കവർന്നു

“പിന്നീട് ഒരവസരത്തിൽ നിങ്ങളുടെ അനുവാദത്തോടെ ഞാൻ വീട്ടിലേക്ക് വരാം” എന്ന് കത്തിൽ പറയുന്നു. കണ്ണൂർ ജില്ലാ കളക്ടറെ കാണാൻ താൽപ്പര്യമില്ലെന്ന് കുടുംബം അറിയിച്ചിരുന്നു.

Story Highlights: Kannur District Collector Arun K Vijayan sends condolence letter to family of ADM K Naveen Babu

നവീൻ ബാബുവിന്റെ മരണം: തുടരന്വേഷണ ഹർജിയിൽ ഇന്ന് കോടതി വാദം കേൾക്കും