ന്യൂഡൽഹി: കർഷക സമരത്തെ തുടർന്ന് പിൻവലിച്ച മൂന്ന് കാർഷിക പരിഷ്കരണ നിയമങ്ങൾ തിരികെ കൊണ്ടുവരണമെന്ന പ്രസ്താവന പിൻവലിച്ച് നടിയും എം. പിയുമായ കങ്കണ റണൗത്. മാണ്ഡി എംപിയുടെ അഭിപ്രായത്തെ ബി. ജെ.
പിയും തള്ളിപ്പറഞ്ഞതിന് പിന്നാലെയാണ് പരസ്യമായി മാപ്പ് പറഞ്ഞ് കങ്കണ രംഗത്തെത്തിയത്. തന്റെ വ്യക്തിപരമായ നിലപാടായിരുന്നു അതെന്നും വാക്കുകൾ ആരെയെങ്കിലും വേദനിപ്പിച്ചിട്ടുണ്ടെങ്കിൽ തിരിച്ചെടുക്കുകയാണെന്നും കങ്കണ റണൗത് പറഞ്ഞു. കഴിഞ്ഞ ദിവസമാണ് വൻ പ്രക്ഷോഭങ്ങളെത്തുടർന്ന് മോദി സർക്കാരിന് പിൻവലിക്കേണ്ടി വന്ന കാർഷിക ബില്ലുകൾ വീണ്ടും കൊണ്ടുവരണമെന്ന ആവശ്യവുമായി കങ്കണ റണൗത് എത്തിയത്. കർഷകർതന്നെ ഇക്കാര്യം ആവശ്യപ്പെടണമെന്നായിരുന്നു എംപി ആവശ്യപ്പെട്ടത്.
ഇതിനെതിരെ രൂക്ഷവിമർശനവുമായി കോൺഗ്രസ് രംഗത്ത് വന്നിരുന്നു. കോൺഗ്രസ് കർഷകർക്കൊപ്പമുണ്ടെന്നും മോദിയും അദ്ദേഹത്തിന്റെ എംപിമാരും എത്രശ്രമിച്ചാലും കാർഷിക ബില്ലുകൾ തിരികെ കൊണ്ടുവരാൻ അനുവദിക്കില്ലെന്നും പ്രതിപക്ഷം വ്യക്തമാക്കി. ‘ഞാൻ വെറുമൊരു സിനിമ താരം മാത്രമല്ല, ഒരു ബിജെപി പ്രവർത്തക കൂടിയാണെന്ന് സ്വയം ഓർമ്മിക്കേണ്ടിയിരിക്കുന്നു. അതിനാൽ എന്റെ അഭിപ്രായങ്ങൾ വ്യക്തിപരമായി മാത്രം കണക്കാക്കപ്പെടുകയില്ല.
അത് എന്റെ പാർട്ടിയെ കൂടിയാണ് ബാധിക്കുക. അതിനാൽ എന്റെ അഭിപ്രായമോ, വാക്കുകളോ ആരെയെങ്കിലും വേദനിപ്പിച്ചിട്ടുണ്ടെങ്കിൽ ഞാൻ ക്ഷമ ചോദിക്കുന്നു. ഞാൻ എന്റെ വാക്കുകൾ പിൻവലിക്കുന്നു’. കങ്കണ പറഞ്ഞു.
കർഷക പ്രക്ഷോഭവുമായി ബന്ധപ്പെട്ട് നടത്തിയ വിവാദ പ്രസ്താവനയിൽ ബിജെപി നേതൃത്വം കങ്കണയെ ശാസിച്ചിരുന്നു. ഇത് പാർട്ടിയുടെ നിലപാടല്ലെന്ന് ബിജെപിക്ക് വിശദീകരണമിറക്കേണ്ടിയും വന്നിരുന്നു.
Story Highlights: Kangana Ranaut retracts statement on reintroducing farm laws, apologizes for personal views
തദ്ദേശ സ്വയംഭരണ തെരഞ്ഞെടുപ്പ് ലക്ഷ്യമിട്ട് ബിജെപി വാർഡുകളെ വിവിധ കാറ്റഗറികളായി തിരിച്ച് ചുമതല Read more
സംഗീത സംവിധായകൻ ഔസേപ്പച്ചൻ ബിജെപി വേദിയിൽ എത്തിയത് ശ്രദ്ധേയമായി. ബിജെപിയുടെ വികസന സന്ദേശ Read more
യുവമോർച്ചയുടെയും മഹിളാ മോർച്ചയുടെയും സെക്രട്ടറിയേറ്റ് മാർച്ചുകളിലെ സമരവിഷയം ബിജെപി മാറ്റിയെഴുതി. യുവമോർച്ചയുടെ പ്രതിഷേധം Read more
തദ്ദേശ സ്വയംഭരണ തിരഞ്ഞെടുപ്പിൽ കൂടുതൽ ശ്രദ്ധ കേന്ദ്രീകരിച്ച് ബിജെപി. നഗരസഭകളും കോർപ്പറേഷനുകളും പിടിച്ചെടുക്കുന്നതിന് Read more
ബിഹാർ നിയമസഭാ തെരഞ്ഞെടുപ്പിൽ ബിജെപി രണ്ടാംഘട്ട സ്ഥാനാർത്ഥി പട്ടിക പുറത്തിറക്കി. മുൻ ഐപിഎസ് Read more
ബിഹാറിൽ വരാനിരിക്കുന്ന തിരഞ്ഞെടുപ്പിൽ ഇടതു പാർട്ടികൾ തങ്ങളുടെ സാന്നിധ്യം ശക്തമാക്കാൻ ഒരുങ്ങുന്നു. കർഷകരുടെയും Read more
ബിഹാർ നിയമസഭാ തിരഞ്ഞെടുപ്പിൽ ആദ്യഘട്ട സ്ഥാനാർത്ഥികളുടെ പട്ടിക ബിജെപി പുറത്തിറക്കി. 71 സ്ഥാനാർത്ഥികളുടെ Read more
ശബരിമലയിലെ സ്വർണ മോഷണ വിവാദത്തിൽ പ്രതികരിക്കാൻ വൈകിയ ബിജെപി സംസ്ഥാന നേതൃത്വത്തിനെതിരെ വിമർശനം. Read more
ബംഗാളിലെ ജൽപൈഗുരിയിൽ പ്രളയബാധിത പ്രദേശം സന്ദർശിക്കാനെത്തിയ ബിജെപി എംപി ഖഗേൻ മുർമുവിന് ആൾക്കൂട്ടത്തിന്റെ Read more
ബിഹാർ നിയമസഭാ തിരഞ്ഞെടുപ്പിനുള്ള തീയതി പ്രഖ്യാപിച്ചതിന് പിന്നാലെ 11 മണ്ഡലങ്ങളിലേക്കുള്ള സ്ഥാനാർത്ഥികളുടെ ആദ്യഘട്ട Read more
