അമേരിക്കന്‍ സൈനികരുൾപ്പെടെ നിരവധിപേർ പേര്‍ കൊല്ലപ്പെടാൻ ഇടയായ കാബൂൾ ഭീകരാക്രമണത്തെ അപലപിച്ച് വൈസ് പ്രസിഡന്റ് കമല ഹാരിസ്. മറ്റുള്ളവരുടെ ജീവൻ രക്ഷിക്കുന്നതിനിടയിൽ മരണപ്പെട്ട സൈനികരെ ‘വീരന്മാർ’ എന്ന് ഹാരിസ് വിശേഷിപ്പിച്ചു.
കാബൂളിൽ ഉണ്ടായ ഭീകരാക്രമണത്തിൽ 13 അമേരിക്കൻ സൈനികരാണ് മരണപ്പെട്ടത്. മറ്റുള്ളവരുടെ ജീവൻ കാക്കുന്നതിനായി സ്വന്തം ജീവൻ അവർ ത്യജിച്ചു. അവരാണ് വിരന്മാർ.
ഡഗ്ലസ് എംഹോംഫും ഞാനും നമുക്ക് നഷ്ടമായ അമേരിക്കകാർക്കായി ദുഖിക്കുന്നു. ആക്രമണത്തെ തുടർന്ന് പരുക്ക് പറ്റിയ അമേരിക്കകാർക്കായി ഞങ്ങൾ പ്രാർത്ഥിക്കുകയാണ്.
നിരവധി അഫ്ഗാൻ പൗരൻമാർ പരുക്കേൽക്കുകയും,മരണപ്പെടുകയും ചെയ്തതത്തിൽ ഞങ്ങൾക്ക് ദുഖമുണ്ടെന്നും കമല ഹാരിസ് ട്വീറ്റ് ചെയ്തു. അഫ്ഗാൻ സ്വദേശികളെയും യുഎസ് പൗരന്മാരെയും ഒഴിപ്പിക്കാനുള്ള ശ്രമം പൂർത്തിയാകുമെന്നും അവർ കൂട്ടിച്ചേർത്തു.
Story highlight : Kamala Harris says Soldiers killed in Kabul terrorist attack are Heroes.
