Kalidas Jayaram marries model Tarini Kalingarayar in Guruvayur

ഗുരുവായൂർ ക്ഷേത്രത്തിൽ മലയാള സിനിമയിലെ പ്രമുഖ താരദമ്പതികളായ ജയറാമിന്റെയും പാർവതിയുടെയും മകൻ കാളിദാസ് ജയറാം വിവാഹിതനായി. രാവിലെ 7.15നും 8 മണിക്കും ഇടയിലുള്ള മുഹൂർത്തത്തിൽ മോഡലായ താരിണി കലിംഗരായരെ കാളിദാസ് താലി ചാർത്തി. ഇരുവരുടെയും പ്രണയ വിവാഹമായിരുന്നു ഇത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

1992-ൽ ഇതേ ക്ഷേത്രത്തിൽ വച്ചായിരുന്നു കാളിദാസിന്റെ മാതാപിതാക്കളായ ജയറാമിന്റെയും പാർവതിയുടെയും വിവാഹം നടന്നത്. ഈ വർഷം മെയ് മാസത്തിൽ കാളിദാസിന്റെ സഹോദരി മാളവികയുടെ വിവാഹവും ഇവിടെ വച്ച് നടന്നിരുന്നു. വിവാഹത്തിന് മുന്നോടിയായി ചെന്നൈയിൽ സുഹൃത്തുക്കൾക്കും മാധ്യമപ്രവർത്തകർക്കുമായി പ്രീ വെഡിംഗ് ഇവന്റ് സംഘടിപ്പിച്ചിരുന്നു.

വിവാഹ ചടങ്ങിൽ മന്ത്രി മുഹമ്മദ് റിയാസ്, കേന്ദ്രമന്ത്രിയും നടനുമായ സുരേഷ് ഗോപി, അദ്ദേഹത്തിന്റെ മകൻ ഗോകുൽ സുരേഷ് തുടങ്ങി ചലച്ചിത്ര-രാഷ്ട്രീയ രംഗത്തെ പ്രമുഖർ പങ്കെടുത്തു. ലണ്ടനിൽ നിന്നെത്തിയ കാളിദാസിന്റെ സഹോദരി മാളവികയും ഭർത്താവ് നവനീത് ഗിരീഷും ചടങ്ങിൽ സാക്ഷ്യം വഹിച്ചു.

കഴിഞ്ഞ വർഷം നവംബറിലായിരുന്നു കാളിദാസിന്റെയും താരിണിയുടെയും വിവാഹനിശ്ചയം നടന്നത്. 24 വയസ്സുള്ള താരിണി നീലഗിരി സ്വദേശിയാണ്. വിഷ്വൽ കമ്മ്യൂണിക്കേഷനിൽ ബിരുദം നേടിയിട്ടുള്ള അവർ 2021-ലെ മിസ് യൂണിവേഴ്സ് ഇന്ത്യ മത്സരത്തിൽ മൂന്നാം സ്ഥാനം നേടിയിരുന്നു. ചെന്നൈയിലെ പ്രമുഖ കുടുംബമായ കലിംഗരായർ കുടുംബാംഗമാണ് താരിണി. 2019-ൽ മിസ് തമിഴ്നാട്, മിസ് സൗത്ത് ഇന്ത്യ ഫസ്റ്റ് റണ്ണർ അപ്പ് എന്നീ പുരസ്കാരങ്ങളും അവർ നേടിയിട്ടുണ്ട്.

മുരളിയുമായി ലവ് സീൻ അഭിനയിക്കാൻ ബുദ്ധിമുട്ടുണ്ടായിരുന്നു; ശിൽപം വെച്ചാണ് പിന്നീട് എടുത്തതെന്ന് ഉർവശി

Story Highlights: Malayalam actor Kalidas Jayaram, son of Jayaram and Parvathy, marries model Tarini Kalingarayar in Guruvayur temple.