നടൻ കലാഭവൻ നവാസിൻ്റെ അപ്രതീക്ഷിത വിയോഗത്തിൽ അനുശോചനം രേഖപ്പെടുത്തി നടൻ വിനോദ് കോവൂർ. നവാസിന് ഷൂട്ടിംഗ് സെറ്റിൽ വെച്ച് നെഞ്ചുവേദന അനുഭവപ്പെട്ടെന്നും, തുടർന്ന് ഡോക്ടറെ വിളിച്ചിരുന്നെന്നും വിനോദ് കോവൂർ ഫേസ്ബുക്കിൽ കുറിച്ചു. ഷൂട്ടിംഗിന് ബുദ്ധിമുട്ടുണ്ടാകാതിരിക്കാൻ ആശുപത്രിയിൽ പോകാതെ അഭിനയത്തിൽ തുടർന്നു.
ഷൂട്ട് കഴിഞ്ഞ ശേഷം ആശുപത്രിയിൽ പോകാമെന്ന് കരുതിയിരിക്കാമെന്നും, എന്നാൽ അതിനുമുന്പ് ‘രംഗബോധമില്ലാത്ത കോമാളി വന്ന് ജീവൻ തട്ടിയെടുത്തു’വെന്നും വിനോദ് കോവൂർ വേദനയോടെ കുറിച്ചു. അമ്മയുടെ കുടുംബ സംഗമത്തിൽ നവാസ് പങ്കെടുത്തതും പാട്ടുപാടിയതുമായ ഓർമ്മകളും വിനോദ് പങ്കുവെക്കുന്നു. അദ്ദേഹത്തിന്റെ വിയോഗം വിശ്വസിക്കാൻ സാധിക്കുന്നില്ലെന്നും വിനോദ് പറയുന്നു.
ചോറ്റാനിക്കര സിനിമാ സെറ്റിൽ വൈകുന്നേരം 5 മണി വരെ അഭിനയിച്ച്, താമസിക്കുന്ന ഹോട്ടൽ മുറിയിൽ എത്തിയ ശേഷം യഥാർത്ഥ ജീവിതത്തിലെ റോളും പൂർത്തിയാക്കി നവാസ് യാത്രയായി. മനുഷ്യജീവിതം എത്രത്തോളം ഉറപ്പില്ലാത്തതാണെന്നും വിനോദ് ഓർമ്മിപ്പിക്കുന്നു. ഏത് നിമിഷവും പൊട്ടിപ്പോകുന്ന ഒരു നീർകുമിള മാത്രമാണ് ഓരോ മനുഷ്യന്റെയും ജീവനെന്നും അദ്ദേഹം കൂട്ടിച്ചേർത്തു.
സെറ്റിൽ വെച്ച് നെഞ്ചുവേദനയുണ്ടായപ്പോൾ ഡോക്ടറെ വിളിച്ചിരുന്നു. ഷൂട്ടിംഗിന് ബുദ്ധിമുട്ടുണ്ടാകാതിരിക്കാൻ ആശുപത്രിയിൽ പോകാതെ അഭിനയത്തിൽ മുഴുകി. അന്ന് വേദന വന്ന സമയത്ത് ആശുപത്രിയിൽ പോയിരുന്നെങ്കിൽ എന്ന് ചിന്തിച്ചുപോവുകയാണെന്നും വിനോദ് കുറിച്ചു. കഴിഞ്ഞ അമ്മയുടെ കുടുംബ സംഗമത്തിൽ നവാസ് പാട്ടുപാടിയും കോമഡി പരിപാടികൾ അവതരിപ്പിച്ചും എല്ലാവരുടെയും പ്രശംസ നേടിയിരുന്നു.
ഒരുമിച്ചുള്ള സ്റ്റേജ് പ്രോഗ്രാമുകളും സഹോദര സ്നേഹവും വിനോദ് അനുസ്മരിച്ചു. ഉച്ചയ്ക്ക് ശേഷം ആലുവയിലെ വീട്ടിലേക്ക് ഒരു നോക്ക് കാണാൻ പോകണമെന്നും അദ്ദേഹം കൂട്ടിച്ചേർത്തു. 51-ാമത്തെ വയസ്സിലാണ് നവാസിൻ്റെ മരണം സംഭവിച്ചത്.
നവാസിന്റെ കബറിടം അള്ളാഹു വിശാലമാക്കികൊടുക്കട്ടെ എന്നും കുടുംബത്തിൻ്റെ ദുഃഖത്തിൽ പങ്കുചേരുന്നുവെന്നും വിനോദ് പ്രാർത്ഥിച്ചു. “വിവരം അറിഞ്ഞപ്പോൾ Fake news ആവണേന്ന് ആഗ്രഹിച്ചു. പക്ഷെ……,” എന്നും അദ്ദേഹം കൂട്ടിച്ചേർത്തു. “വേഷം തീർന്നാൽ വേദി ഒഴിയണ്ടേ ആരായാലും” എന്നും വിനോദ് കോവൂർ തൻ്റെ ഫേസ്ബുക്ക് പോസ്റ്റിൽ കുറിച്ചു.
Story Highlights : Vinod Kovoor shares heartfelt memories of Kalabhavan Navas, revealing he experienced chest pain on set but continued working, and expresses grief over his sudden demise.
കലാഭവൻ നവാസിന്റെ അവസാന സിനിമകളെക്കുറിച്ച് മക്കൾ ഫേസ്ബുക്കിൽ പങ്കുവെച്ച കുറിപ്പ് വൈറലാകുന്നു. 'ടിക്കി Read more
കലാഭവൻ നവാസ് അവസാനമായി അഭിനയിച്ച ‘ഇഴ’ എന്ന സിനിമ യൂട്യൂബിൽ 20 ലക്ഷം Read more
കലാഭവൻ നവാസിന്റെ അകാലത്തിലുള്ള വിയോഗത്തിൽ അനുശോചനം അറിയിച്ച് സഹോദരൻ നിയാസ് ബക്കർ. നവാസിന്റെ Read more
കലാഭവൻ നവാസിന്റെ അപ്രതീക്ഷിത വിയോഗത്തിൽ അനുശോചനം അറിയിച്ച് നടൻ ടിനി ടോം. തിരുവനന്തപുരത്ത് Read more
നടനും മിമിക്രി കലാകാരനുമായ കലാഭവൻ നവാസിന്റെ ഖബറടക്കം പൂർത്തിയായി. ഹൃദയാഘാതമാണ് മരണകാരണമെന്ന് പോസ്റ്റ്മോർട്ടം Read more
കലാഭവൻ നവാസിന്റെ നിര്യാണത്തിൽ മോഹൻലാൽ അനുശോചനം രേഖപ്പെടുത്തി. അദ്ദേഹത്തിന്റെ ഫേസ്ബുക്ക് പോസ്റ്റിലൂടെയാണ് മോഹൻലാൽ Read more
കലാഭവൻ നവാസിൻ്റെ നിര്യാണത്തിൽ അനുശോചനം അറിയിച്ച് ജയറാം. പ്രിയ സുഹൃത്തേ, ഒരുപാട് വേദനിക്കുന്ന Read more
ചോറ്റാനിക്കരയിലെ ഹോട്ടലിൽ മരിച്ച നിലയിൽ കണ്ടെത്തിയ കലാഭവൻ നവാസിന്റെ പോസ്റ്റ്മോർട്ടം ആരംഭിച്ചു. പോസ്റ്റ്മോർട്ടത്തിന് Read more
പ്രമുഖ മിമിക്രി കലാകാരനും നടനുമായ കലാഭവൻ നവാസ് അന്തരിച്ചു. വിജേഷ് പാണത്തൂർ സംവിധാനം Read more
മിമിക്രി രംഗത്ത് നിന്നും സിനിമയിലെത്തിയ കലാഭവൻ നവാസ് നിരവധി ഹാസ്യ കഥാപാത്രങ്ങളിലൂടെ പ്രേക്ഷകരുടെ Read more
